Cuenca, España

Cuenca, España
	Cuenca (es)
Localización
	40°04′18″N 2°08′06″O / 40.0717, -2.135
Estado	España
Comunidade autónoma	Castela-A Mancha
Provincia	provincia de Cuenca
Capital de	provincia de Cuenca
Capital	Cuenca city (en)
Contén a división administrativa	Cuenca city (en)
Poboación
Poboación	53.512 (2023) (58,74 hab./km²)
Xeografía
Parte de	Q107553644
Superficie	911.060.000 m²
Bañado por	Río Xúcar
Altitude	946 m
Comparte fronteira con	Abia de la Obispalía (pt) ; Albarracín ; Zafrilla (pt) ; Valdemeca (pt) ; Checa (pt) ; Lagunaseca ; Masegosa (pt) ; Santa María del Val (pt) ; Beteta (pt) ; Huélamo (pt) ; Beamud (pt) ; Villar de Olalla ; Monteagudo de las Salinas (pt) ; Valdemoro-Sierra (pt) ; Arcas del Villar ; Cañada del Hoyo ; Fuentes (pt) ; La Cierva ; Olmeda del Rey (pt) ; Cañizares (pt) ; Fresneda de la Sierra (pt) ; Poyatos (pt) ; Fuentenava de Jábaga (pt) ; Chillarón de Cuenca (pt) ; Vega del Codorno (pt) ; Buenache de la Sierra (pt) ; Tragacete (pt) ; Palomera (pt) ; Fuertescusa (pt) ; Villar de Domingo García (pt) ; Sotorribas (pt) ; Arcos de la Sierra (pt) ; Castillejo-Sierra (pt) ; Bascuñana de San Pedro (pt) ; Uña ; Villalba de la Sierra (pt) ; Las Majadas (pt) ; Mariana (pt) ; Las Valeras (pt)
Datos históricos
6 de xaneiro de 1177	Evento clave
6 de xaneiro de 1177	Conquest of Cuenca (en)
7 de agosto de 1706	Siege of Cuenca (en)
Organización política
• Alcalde	Juan Ávila
Membro de	Cidades Patrimonio da Humanidade de España ; Organización das Cidades do Patrimonio Mundial
Identificador descritivo
Código postal	16000
Fuso horario	UTC+01:00
Código INE	16078
Outro
Irmandado con	Camogli (pt) ; Plasencia ; Ronda ; L'Aquila ; Cuenca
Páxina web	cuenca.es

Para outras páxinas con títulos homónimos véxase: Cuenca (homónimos).

Cuenca^[1] é unha cidade de España, pertencente á comunidade autónoma de Castela-A Mancha. É a capital da provincia de Cuenca e está situada na confluencia dos ríos Xúcar e Huécar, que forman profundos canóns. En 2008 a súa poboación era de 54.600 habitantes, sendo a sexta cidade de Castela-A Mancha.

Xeografía

A cidade divídese en dúas zonas ben diferenciadas: a cidade antiga, situada sobre un cerro rochoso bordeado polas fouces do río Xúcar ao Norte e o seu afluente o río Huécar ao sur, desembocando este último no primeiro na parte baixa da cidade antiga, pouco antes do chamado Ponte de San Antón. Ao oeste e sur da cidade antiga, e separada polo río Huécar, esténdese a cidade nova en dirección norte-sur. A altitude da cidade oscila entre os 920 metros da cidade nova e os pouco máis de 1.000 da parte máis alta da cidade antiga.

Clima

O clima de Cuenca é mediterráneo continental, con temperaturas frías no inverno e suaves no verán, cunha importante oscilación térmica diaria durante todo o ano, máis acusada nos meses de máis calor. As precipitacións son máis abundantes que na súa contorna debida á orografía montañosa da Serranía de Cuenca, polo que se superan os 500 mm. presentando un mínimo de choivas nos meses de verán.

Observatorio de Cuenca^[2]
1971?2000	xan	feb	mar	abr	mai	xuñ	xul	ago	set	out	nov	dec	TOTAL
Temp. máxima (°C)	9,4	11,4	14,2	15,7	20,1	25,9	30,7	30,3	25,5	18,6	13,1	10,0	18,8
Temp. mínima (°C)	-0,7	0,2	1,7	3,9	7,6	11,7	14,7	14,8	11,3	6,8	2,7	0,7	6,3
Precipitacións (mm)	45	41	32	56	60	44	15	17	37	53	49	58	507

As marcas de temperatura rexistrados no Observatorio de Cuenca son os 39,6° do 30 de xullo de 1981 e os -17,8° do 3 de xaneiro de 1971.

Historia

Non se coñece con precisión a orixe histórica da cidade. No século IX existía unha fortaleza árabe, denominada Conca, e dependente do emirato de Valencia, xa na época dos reinos taifas, e que, posteriormente pasou ao poder do rei sevillano Al-Maramit. Logo caeu dentro do dominio almorábide. Foi tomada por Afonso VIII en 1177. Foi Afonso X quen concedeu o título de cidade a Cuenca.

Durante a Guerra de Independencia española foi asediada e saqueada polas tropas francesas; sorte que tamén correu durante a Terceira Guerra Carlista en 1874.

Lugares de interese

A parte amurallada de Cuenca foi declarada Patrimonio da Humanidade pola UNESCO. Cabe destacar entre os monumentos desta cidade:

Catedral;
Casas Colgadas, nunha das súas casas ten a súa sede o Museo de Arte Abstracta Española;
Ermida da Virxe das Angustias;
A ponte de San Pablo desde onde se poden ollar ben as Casas Colgadas, xunto ao Parador de Turismo de Cuenca.

Entre os varios edificios relixiosos destacan o Seminario, a igrexa de San Pedro, as ruínas da Igrexa de San Pantaleón, as ruínas do castelo co Arco de Bezudo, o convento de San Paulo -hoxe Parador nacional-, a igrexa da Santa Cruz, a igrexa de San Felipe Neri, a igrexa de San Andrés, a igrexa do Salvador, a igrexa de San Antón e a igrexa de San Nicolás.

Festas

Festas de San Mateo, do 18 ao 21 de setembro (declarada de interese turístico rexional). Son as festas que rememoran a conquista de Cuenca por Afonso VIII de Castela. Nestes días as penas enchen as rúas de casco antigo da cidade de colorido, música e a tradicional "zurra", unha bebida feita a base de viño, froitas e outros segredos. Tamén corren vaquillas na Praza Maior.
Semana Santa de Cuenca^[3]^[4], declarada de Interese Turístico Internacional.
Feira e festas de San Xián, a finais de agosto.