Eva

Eva
Eve by Pantaleon Szyndler, 1889
Agom	Adam
Mga aki	Cain (son) Azura (daughter) Abel (son) Seth (son) Aclima (daughter)

Si Eve (/ˈiːv/; Plantilya:Hebrew name; Arabic: حَوَّاء‎, translit. Ḥawwāʾ; Greek: Εὕα, translit. Heúa; Latin: Eva, Heva; Syriac: ܚܰܘܳܐ romanized: ḥawâ) iyo an pigura sa Libro nin Genesis sa Hebrew Bible. Segun sa ginikanan kan istorya kan Abrahamikong relihiyon, siya an enot na babayi, alagad an ibang debate sa laog kan Hudaismo itinao an posisyon na iyan ki Lilith. Midbid si Eva bilang agom ni Adan.

Segun sa ikaduwang kapitulo kan Genesis, si Eva linalang kan Dios (Yahweh) sa paagi kan pagkua sa saiya gikan sa gusok ni Adan, tanganing magin kaibahan ni Adan. Tinàwan si Adan nin trabaho na magbantay asin manteniron an tatamnan bago an saiyang paglalang; mayo pa siya kan minandohan kan Dios si Adan na dai magkakan kan pigbabawal na prutas – minsan ngani malinaw na mayo siya nin pagkaisi sa tugon. Nagdesisyon saiyang kakanon an pigbabawal na prutas gikan sa poon nin kahoy nin kaaraman kan marhay asin maraot pagkatapos niyang madangog an argumento kan halas na dai siya kaiyan mahihilo alagad tatàwan siya kaiyan nin mga benepisyo. Ihiniras niya an prutas ki Adan, asin bago pa ninda makakan an kahoy nin buhay, pinaghale sinda sa Hardin kan Eden. An mga simbahan na Kristiano nagkakalaen sa kun pàno ninda hilingon an pagsuhay ninda Eva asin Adan sa Dios (parating pig-apod na pagbagsak kan tawo), asin sa konsekwensya na igwa an mga aksyon na idto sa natatada sa sangkatawuhan. An mga tukdo sa Kristiano asin Hudyo kun minsan pigsasahot si Adan (an enot na lalaki) asin si Eva sa ibang lebel nin responsibilidad kan "pagbagsak."

An Simbahan Katoliko kan suanoy na tradisyon pigmimidbid si Eva bilang sarong santo, kaiba si Adan, asin an tradisyonal na liturgical feast ni Saints Adam and Eve pigselebrar tuyong December 24 poon kaidtong Middle Ages sa dakol na nasyon sa Europa, kabali an Estonia, Germany, Hungary, Lithuania, asin an mga nasyon sa Scandinavia .