Granhòu

Vilatge d'Occitània

Granhòu
Grignols

Lo chasteu de Granhòu.

Armas

Geografia fisica

Coordenadas

45° 05′ 00″ N, 0° 32′ 29″ E

Superfícia

20,41 km²

Altituds
· Maximala
· Mejana
· Minimala

207 m
90 m
68 m

Geografia politica

França

CC d'Eila, Vern, Salembre en Perigòrd

Cònsol

Patrick Gueysset
(2020-2026)

Geografia umana

Populacion
Populacion totala
(2018)

671 ab.

Evolucion de la populacion

676 ab.

Densitat

27,24 ab./km²

Autras informacions

Gentilici

Grignolais (en francés)

Còde postal

24110

Còde INSEE

24205

Granhòu^[1] (Grignols en francés) es una comuna d'Occitània, dins la region istorica de Perigòrd, administrada per lo departament de Dordonha e la region de Novela Aquitània, ancianament d'Aquitània.

Geografia

Toponimia

La prononciacion es [grɒ’ɲɔw]^[1].

Las fòrmas ancianas son d'interès inegal: Granol, en 1072, Grainol, en 1099, Granolium, en latin, en 1135 e Granolhium, en 1245, nos ensenhan que lo nom deviá èsser Granhòl, diferent de la fòrma modèrna sonque per l'l finala qu'èra pas enquera vocalizada. Las atestacions seguentas mòstran una creativitat toponimica que chamnhet probablament pas grand causa a la prononciacion autentica : Granolh a la fin dau sègle XII, Greniols (francizacion sus lo modèle gran/grain ?) en 1310, Granhols en 1385^[2], Grignaux en 1450 (que testimònia de la vocalizacion de la consonanta finala -l), Grouignouls en 1503, Grignoulx en 1675, [Grignol en 1793], Grignols au sègle XIX. L'etime es benlèu un derivat de granum, « grun, gran », coma graneolum ^[3] o son eretier, o, autra solucion, un nom de persona gallés Grannus, sigut de *ialo ^[4]. Mas *ialo, « champ, esclarziera, estenduda descoberta », sembla pas donar ni òu, ni iòu en Peiregòrd (veire Maruelh, Eissiduelh, o Valaujors, en Sarladés), çò que roina un pauc la solucion *Grannoialo. Lo site de las comunas de Dordonha chausís lo gallic *Grannusialo (sic, per *Grannialo), « l'esclariera dau diu Grannus » puei l'atraccion dau latin graneolum, « granier » donet au nom sa fòrma actuala ^[1]. Xavier Delamarre chausís tanben Granno-ialon en se basant sus l'atestacion Granolium^[5].

Se tròba tanben Granhòl (òc ancian e en B. de Bòrn) au segle XII o XIII^[6].

Istòria

Administracion

Lista daus cònsols successius
Periòde		Identitat	Etiqueta	Qualitat
2014	2026	Patrick Gueysset	divèrs mança
març de 2008	2014	Jean-Jacques Murat	PS	retirat de la SNCF
junh 1995	2008	Gérard Ribaud
març de 1965	1995	Camille Guy Mirabel	PS	fornier
mai de 1925	1965	Charles Mirabel	SFIO
novembre de 1906	1925	Eugène Lagorce
1904	1906	Paul Faure	POF (Partit Obrier Francés)	deputat, ministre, secretari generau de la SFIO
Totas las donadas non son pas encara conegudas.