Belvés

Belvés (en francés: Belvès) es una anciana comuna d'Occitània, dins la region istorica de Perigòrd, situada dins lo departament de Dordonha de la region de Novèla Aquitània. Dempuèi lo 1èr de genièr 2016, es regropada amb Sench Amand de Belvés per formar la comuna novèla de País de Belvés.

Geografia

Toponimia

Belvés. La prononciacion actuala es [bɛl’βe] ^[1]. Las fòrmas ancianas son : monasterium Belvacense, en 853, Belves, en 1095, Bellovidere, Bellumvidere, en 1279 (videre, en latin, dona veire o véser en occitan) ^[2], Belver en 1423^[3]. Belvés seriá, segon Dauzat e Rostaing, un Bellum videre (o eventualament bellum vide) ^[4], çò qu'es pas desmentit pel siti, enlairat. Ernèst Negre, d'una part, refusa de confondre Belvés e los nombroses Belvéser o aparentats, d'autra part interprèta lo nom coma « bèl aspècte », puslèu que « bèlas vistas », que sembla çaquelà confirmat per la posicion de la màger part dels vilatges qu'an un nom d'aquel tipe^[5]. Chantal Tanet e Tristan Hordé, puèi lo site de las comunas de Dordonha, considèran que lo nom ven d'un pòble gallés, los Bellovacis (lo que daissèt son nom a Beauvais, en Picardia), çò que l'atestacion de 853 fai pensar, e que foguèt confondut, a l'Edat Mejana, emb bèl véser ^[2]^,^[1].
Fongalop (nom francés), atestat Fons Galardus en 1372, e de Fonte Galano, en 1472, seriá format del mot font e d'un nom de persona, Galard, d'origina germanica, Galan o benlèu Galot (segon Chantal Tanet e Tristan Hordé, que supausan, se sap pas perqué, que Galard es un nom francés que correspond a un nom occitan acabat per -au- o -o-) ^[6]^,^[2]. En realitat, lo patronime Galard, majoritàriament francés, es tanben un nom perigòrd a data relativament anciana (entre 1891 e 1915); la Dordonha es pas un departament d'immigracion e aquel nom germanic es probablament local ^[7].

Istòria

En 1973, Belvés annexèt l'anciana comuna de Fongalop (nom francés). De 1973 a 2015, Fongalop conservèt l'estatut de comuna associada e pr'amor d'aquò, elegiguèt un cònsol delegat que teniá obligatòriament sesilha al conselh municipal de Belvés ^[8].

Al 1èr de genier 2016, Belvés fusionèt emb Sench Amand de Belvés per formar la comuna novèla de País de Belvés dont la creacion foguèt ratificada per l'arrestat del 21 de decembre 2015, çò que fai de las doás comunas ancianas de comunas delegadas ^[9]. Al moment d'aquela creacion, la comuna associada de Fongalop (nom francés) foguèt suprimida ^[8].

Administracion

Lista dels cònsols successius
Periòde		Identitat	Etiqueta	Qualitat
març de 2014	31 de decembre 2015	Christian Léothier	divèrs drecha	cònsol de País de Belvés, 2016-2020
abrial de 2004	2014	Jean-Pierre Lavialle	divèrs drecha	retirat
junh de 1995	2004	Claudine Le Barbier	divèrs drecha
1993	1995	René Malaurie	divèrs drecha
març de 1989	1993	René Barde	UDF
1969	1989	Jean Loubière	MRG
1947	1969	Maurice Biraben
	1947
Totas las donadas non son pas encara conegudas.