Frederico Guillerme I de Prusia

Frederico Guillerme I de Prusia

Nome orixinal	(de) Friedrich Wilhelm I.
Biografía
Nacemento	14 de agosto de 1688 Berlín, Alemaña
Morte	31 de maio de 1740 (51 anos) Palácio da cidade de Potsdam, Alemaña (pt)
Lugar de sepultura	Church of Peace (en) (mausoleo) (1991–) Burg Hohenzollern (pt) (1953–1991) Igrexa de Santa Sabela (1945–1953) Garrison Church (en) (–1945)
2º Rei de Prusia
25 de febreiro de 1713 – 31 de maio de 1740 ← Frederico I da Prússia (pt) – Frederico II de Prusia →
Príncipe elector
Margrave of Brandenburg (en)
Datos persoais
Residencia	Berlín
Relixión	Calvinismo
Actividade
Ocupación	monarca
Outro
Título	Rei Margrave Príncipe elector Príncipe de Orange
Familia	Dinastía Hohenzollern
Cónxuxe	Sofía Dorotea de Inglaterra (1706–1740)
Fillos	Friedrich Wilhelm Prinz von Preußen, Charlotte Albertine Prinzessin von Preußen, Ludwig Karl Wilhelm Prinz von Preußen, Frederick Louis, Crown Prince of Prussia, Guilhermina da Prússia (1709–1758), Frederico II de Prusia, Frederica Luísa da Prússia, Filipina Carlota da Prússia, Sofia Doroteia da Prússia, Luísa Ulrica da Prússia, Augusto Guilherme da Prússia, Ana Amália da Prússia, Henrique da Prússia, Augusto Fernando da Prússia
Pais	Frederico I da Prússia   e Sofia Carlota de Hanôver
Irmáns	Luísa Doroteia da Prússia
Parentes	Xurxo II de Gran Bretaña, cuñado, curmán entregue Xurxo I de Gran Bretaña, tío, sogro Sofía Dorotea de Inglaterra, curmá entregue Sofia Doroteia de Brünswick-Luneburgo, sogra Margrave Albert Frederick of Brandenburg-Schwedt, tío Frederico de Brandemburgo-Bayreuth, xenro Margrave Frederick William of Brandenburg-Schwedt, curmán entregue
Premios
Orde da Aguia Negra
Sinatura
Descrito pola fonte	Enciclopedia soviética armenia Allgemeine Deutsche Biographie Obálky knih,

Frederico Guillerme I.

Frederico Guillerme I, nado en Berlín o 14 de agosto de 1688, finado en Potsdam o 31 de maio de 1740, foi rei de Prusia entre 1713 e 1740.

Traxectoria

Era fillo de Frederico I, a quen sucedeu en 1713. Rapidamente, estivo envolto na disputa con Suecia polo territorio de Pomerania, parte do cal foi entregado mediante o Tratado de Estocolmo en 1720. Esta foi a única guerra que emprendería no seu reinado todo. Aceptou a Pragmática Sanción de 1713, pola que María Tareixa I recibía os dominios austríacos dos Habsburgo e declaraba indivisibles os territorios da Casa de Austria. Non obstante, non logrou a reivindicación dos ducados de Jülich e Berg.

O principal problema ao que se enfrontou a súa administración, foi a dispersión xeográfica dos seus territorios.

A diferenza de seu pai, instaurou unha corte austera e eficaz, centralizando a administración financeira. Desta maneira logrou mellorar a situación financeira de Prusia. Fortaleceu a industria e ordenou a colonización de zonas deshabitadas. Implantou a obrigatoriedade da ensinanza, creando tamén escolas.

En 1723 fundou o Directorio Xeral Supremo de Finanzas, da Guerra e dos Territorios, composto por cinco ministros e vinte conselleiros que actuaba baixo a súa propia supervisión. Creou o Departamento de Exteriores (1728), que dirixe a diplomacia orientada cara a amizade con Austria e a un distanciamento con Francia e Inglaterra.

Militarización do Estado

Frederico sempre vestía uniforme militar e dedicou gran parte dos seus recursos para o exército. A creación da Garda de Potsdam foi o seu maior logro nesta área. Para esta recrutou (incluso secuestrou) soldados de grande estatura, procedentes de todas partes de Europa. Pedro o Grande de Rusia envioulle 55 soldados da súa garda, cuxa estatura mínima era de 1.85 m, en agradecemento pola Cámara de Ámbar que Frederico le regalara. O número de efectivos dobrouse de 40.000 a uns 80.000.

Sucesión

A preparación do fillo de Frederico para sucedelo no trono está rodeada dun dramatismo particular. Creceu baixo a influencia de súa nai, Sofía Dorotea de Hannover (irmá de Xurxo II), quen lle procurou unha educación de estilo francés, contraria á disciplina militar que Frederico desexaba para el, o que produciu unha relación pai-fillo conflitiva, a piques de privalo temporalmente da súa categoría de Príncipe Herdeiro tras un intento de fuxida a Inglaterra, acontecemento polo que se condenou a morte o cómplice do rapaz, o tenente Katte.

Frederico Guillerme morreu en Potsdam en 1740 e finalmente seu fillo substituíuno baixo o nome de Frederico II de Prusia.

Véxase tamén

Ligazóns externas

Biografía de Frederico Guillerme I Arquivado 20 de outubro de 2014 en Wayback Machine. (en inglés)

Predecesor: Frederico I

Rei de Prusia 1713 – 1740

Sucesor: Frederico II