Dodoma
| |||||
| Localización | |||||
|---|---|---|---|---|---|
| |||||
| Estado | Tanzania | ||||
| Rexión | Rexión de Dodoma  | ||||
| Capital de | |||||
| Poboación | |||||
| Poboación | 213.636 (2012) (82,93 hab./km²) | ||||
| Xeografía | |||||
| Superficie | 2.576 km² | ||||
| Altitude | 1.120 m | ||||
| Creación | 1906 | ||||
| Identificador descritivo | |||||
| Fuso horario | |||||
| Outro | |||||
| Irmandado con | |||||
| Sitio web | dodoma.go.tz | ||||
Dodoma é a capital de Tanzania e da rexión homónima. Cunha superficie de 2.669 km² e unha poboación de 324.347 habitantes (2002), é a terceira cidade do país. Dodoma foi escollida como capital de Tanzania en 1973, pero o traslado non se efectuou até 1996. A anterior capital, Dar es Salaam, aínda acolle numerosos organismos administrativos.
Xeografía
[editar | editar a fonte]Dodoma érguese no centro de Tanzania, a 486 km ao oeste de Dar es Salaam e a 441 km ao sur de Arusha, sede das institucións da Comunidade de África Oriental. Dos 2.699 km² da súa área total, só 625 están urbanizados. A cidade levántase a 1.135 metros de altura sobre o nivel do mar.
Historia
[editar | editar a fonte]Dodoma foi fundada durante o dominio colonial alemán, mentres se construía o ferrocarril central de Tanganica. Despois da primeira guerra mundial, Tanganica pasou a formar parte do Imperio Británico, e Dodoma tornouse un importante centro administrativo. Cando Tanganica obtivo a independencia no 1964 e logo, unida a Zanzíbar, se converteu en Tanzania, o ano 1973, foi decidido a través dun plebiscito que a capital do novo país se trasladase de Dar es Salaam (capital no período colonial británico) a Dodoma. Este desprazamento foi só cumprido en parte; a Asemblea Nacional ten a sede en Dodoma, pero numerosos organismos permanecen aínda en Dar es Salaam, que segue a ser de facto capital do país.
Infraestruturas
[editar | editar a fonte]Dodoma está enlazada por importantes estradas vía automobilística ás outras grandes cidades de Tanzania. Para o leste comunícase con Dar es Salaam a través da rexión de Morogoro; polo oeste con Mwanza e Kigoma atravesando Tabora; a grande estrada do norte conduce até Arusha. Por Dodoma pasa o ferrocarril central, que tamén a une con Dar es Salaam. O aeroporto só pode recibir aeronaves de dimensións medias, polo que está en proxecto o seu ampliamento.
Universidade
[editar | editar a fonte]Existen dúas universidades en Dodoma. Unha é a St. Johns University(católica e privada) e a outra a Universidade de Dodoma (The University Dodoma) ou 'UDOM'. A UDOM comezou as súas actividades en setembro de 2007 con 1.500 estudantes, mais poderá acoller, a uso completo, uns 40.000 nos próximos anos.
