Coiraza

Coiraza
	[ editar datos en Wikidata ]
	v; c; e;

Para outro significado, véxase Coiraza (tartarugas).

A coiraza,^[1] termo derivado do latín coiracea, feminino de coiraceus, "de coiro", é unha peza da armadura, ríxida, que pode estar confeccionada con materiais moi diversos, entre eles ferro, bronce, aceiro, coiro endurecido ou até madeira, deseñada para a protexer o torso.

Orixinalmente tratábase dunha soa peza pectoral de coiro,^[2] moldeada coa forma desexada.

Por extensión, tamén se chaman coirazas as armaduras formadas por dúas pezas feitas de coiro ou metal.

Descrición

Unha coiraza consistía nunha armadura ríxida para protexer o torso dun soldado ou guerreiro. Habitualmente compoñíase de dúas partes: unha para protexer o peito, denominada peto ^[3] ou plastrón,^[4] e outra para o lombo, o espaldar, aínda que tamén, como no caso da lorica segmentata romana, podía ter reforzos nos flancos do pescozo e nas ombreiras, para protexer os deltoides.

Sobre as coirazas de coiro podíanse coser elementos metálicos, tiras de coiro para reforzala ou mallas de ferro entretecidas (cotas^[5] e cotas de malla).

Galería de imaxes

Armadura hoplita. Nótese no centro a coiraza de coiro endurecido.
Coirazas da Idade Antiga, de bronce.
Coiraza en ferro na que a aresta media, moi resaltada, indica que se trata dunha peza dos séculos XVI-XVII.
Coiraza (e casco) da cabalería francesa, 1854.
Coiraza de trincheiras alemá (e casco), da Primeira Guerra Mundial.