Urang Karo

Urang Karo
Total populasi
	959.000 jiwa
Kawasan jo populasi nan signifikan
	Karo, Kota Medan, Kabupaten Deli Serdang, Kabupaten Langkat
Bahaso
	Karo
Agamo
	Kristen Protestan (57.5%) ; Islam (21,3%); Kristen Katolik (18,7%)Buddha (1.4); Lainnya (1.1%) ;
Kalompok etnis takaik
	Alas, Kluet, Batak, Singkil, Malayu

Suku Karo (Karo: ᯂᯒᯨ atau ᯂᯒᯭ, Latin: Karo) atau acok juo disabuik Batak Karo (Karo: ᯆᯗᯂ᯳ ᯂᯒᯨ atau ᯆᯗᯂ᯳ ᯂᯒᯭ, Latin: Batak Karo) Urang Karo adolah suku bangso nan mauni wilayah Sumatera Utara jo sabagian Aceh; nan tadiri dari Kabupaten Karo, Aceh Timur, Langkat, Dairi, Simalungun, jo Kabupaten Deli Serdang.^[7] Suku ko marupokan salah satu suku paliang gadang di Sumatera Utara. Namo suku ko dijadikan salah satu namo kabupaten di salah satu wilayah nan banyak diuninyo (dataran tinggi Karo) iyolah Tanah Karo nan talatak di Kabupaten Karo. Suku ko mampunyoi bahaso surang nan disabuik bahaso Karo atau Cakap Karo. Pakaian adaik urang Karo didominasi jo rono sirah sarato itam nan panuah jo pariasan ameh.

Urang Karo marupokan suku asali partamo Kota Medan karano didirian dek saurang putra Karo nan banamo Guru Patimpus Sembiring Pelawi. Urang Karo pado mulonyo tingga di Dataran Tinggi Karo yakni Brastagi jo Kabanjahe.

Sijarah

Urang Karo adolah suku nan mauni Dataran Tinggi Karo, Kabupaten Deli Serdang, Kota Binjai, Kabupaten Langkat, Kabupaten Dairi, Kota Medan, dan Kabupaten Aceh Tenggara. Suku iko mampunyoi bahaso nan disabuik Bahaso Karo dan mampunyoi salam khas yoitu Mejuah-juah. Adopun Rumah adaik Suku Karo atau nan dikenal dengan namo Rumah Siwaluh Jabu nan bararti rumah untuak dalapan kaluargo, yoitu Rumah nan tadiri dari delapan kaluargo dan hanya dihuni oleh para padusi dan anak laki-laki, katiko anak laki-laki alah baranjak dewasa, inyo akan tingga dilua rumah. Tiok kaluargo nan mauni rumah itu mampunyoi tugaih dan fungsi nan babedo-bedo sasuai dengan pola kakarabaikkan masiang-masiang.

Kawasan karo

Acok tajadi kakaliruan dalam percakapan sahari-hari dimano wilayah Karo hanyo diidentikkan dengan Kabupaten Karo. Padohal, Taneh Karo jauah labiah lueh daripado Kabupaten Karo karano maliputi:

Kabupaten Karo

Kabupaten Karo talatak di dataran tinggi Tanah Karo. Kota nan takenal dengan di wilayah iko adolah Berastagi dan Kabanjahe. Berastagi marupokan salah satu kota turih di Sumatera Utaro nan sangaik takenal dengan produk pataniannyo nan unggul. Salah satunyo adolah buah limau dan produk minuman nan takenal, juih markisa. Mayoritas urang Karo bamukim di daerah pagunuangan iko, tapeknyo di daerah Gunuang Sinabung dan Gunuang Sibayak nan acok disabuik sabagai atau "Taneh Karo Simalem". Banyak kaunikan-kaunikan tadapek pado masyarakaik Karo, baik dari geografis, alam, maupun bantuak masakan. Masakan Karo, salah satu nan unik adolah trites. Trites iko disajikan pado katiko acaro budayo, saperti acaro pakawinan, acaro mamasuaki rumah baru, dan acaro tahunan nan dinamokan -karajo tahun-. Trites iko bahannyo diambiak dari isi lambuang jawi/kabau, nan balum dikaluakan sabagai kotoran. Bahan ikolah nan diolah sadamikian rupo dicampua dengan bahan rampah-rampah sahinggo wangi tajam pado isi lambuang bakurang dan dapek dinikmaikkan. Masakan iko marupokan makanan istimewa nan di sajikan kapado nan dihormati.

Kota Medan

Pandiri kota Medan adolah saurang putra Karo yoitu Guru Patimpus Sembiring Pelawi. Sabagian sajarawan dan pamarhati budayo juo mampicayoi bahwo asa mulo namo Kota Medan barasa dari Bahaso Karo, madan nan bararti "ubek". Namun pandapek iko masih manjadi pro dan kontra karano tadapek babarapo versi manganai asa mulo namo Medan.

Kota Binjai

Kota Binjai marupokan daerah nan mampunyoi interaksi paliang kuek dengan Kota Medan disababkan oleh jaraknyo nan relatif sangaik dakek dari Kota Medan sabagai ibukota Provinsi Sumatra Utaro. Namo "Binjai" juo dipicayo barasa dari gabuangan kaduo kosakato Bahaso Karo, ben dan i-jei nan artinyo "bamalam di siko". Hal tasabuik kamudian dikatokan "Binjei" dan manjadi "Binjai" hinggo kini.

Kabupaten Langkat

Urang Karo di Langkat mandiami daerah hulu, saperti Bahorok, Kutambaru, Sei Bingai, Kuala, Salapian, dan sebagian Selesai, Batang Serangan, dan Serapit. Teluk Aru nan barado di Langkat Hilir juo pernah manjadi pusaik pamarintahan Karajoan Aru, karajoan bacorak Karo-Malayu nan dimano manjadi leluhur dari rajo dan sultan Malayu Sumatera Timur.

Kabupaten Dairi

Kawasan Kabupaten Dairi pado umumnyo subua dengan kamakmuran masyarakaiknyo malalui pakabunan kopinyo nan bakualitaih. Sabagian Kabupaten Dairi nan marupokan bagian Taneh Karo:

Kabupaten Aceh Tenggara

Taneh Karo di Kabupaten Aceh Tenggara maliputi:

Kabupaten Deli Serdang

Kabupaten Simalungun

Marga

Suku Karo mampunyoi sistem kamasyarakaikkan atau adaik nan dikenal dengan namo merga silima, tutur siwaluh, dan rakut sitelu. Merga disabuik untuak laki-laki, sadangkan untuak padusi disebut beru. Merga atau beru ini disandiangkan di balakang namo sasaurang. Merga dalam masyarakaik Karo tadiri dari limo kalompok utamo (marga inti/pokok), nan disabuik dengan merga silima. Kalimo merga tasabuik adolah:

	Marga Utamo (merga silima)
	Ginting	Karo-karo	Perangin-angin	Sembiring	Tarigan
Sub-marga	Ajartambun	Barus	Bangun	Brahmana	Bondong
	Babo	Bukit	Benjerang	Bunuhaji	Gana-Gana
	Beras	Gurusinga	Kacinambun	Busok	Gersang
	Guru Patih	Kaban	Keliat	Colia	Gerneng
	Garamata	Kacaribu	Laksa	Depari	Jampang
	Jandibata	Karosekali	Limbeng	Gurukinayan	Kerendam
	Jawak	Kemit	Mano	Keling	Purba
	Manik	Ketaren	Namohaji	Keloko	Pekan
	Munte	Manik	Pencawan	Kembaren	Sibero
	Pase	Paroka	Penggarus	Maha	Silangit
	Seragih	Purba	Perbesi	Meliala/Milala	Tambun
	Suka	Samura	Pinem	Muham	Tambak
	Sugihen	Sinubulan	Sebayang	Pandia	Tegur
	Sinusinga	Sinuhaji	Singarimbun	Pandebayang	Tendang
	Tumangger	Sinukaban	Sinurat	Pelawi	Tua
	__	Sinulingga	Sukatendel	Sinukapar	__
	__	Sinuraya	Tanjung	Sinulaki	__
	__	Sitepu	Ulunjandi	Sinupayung	__
	__	Surbakti	Uwir	Tekang	__
	__	Torong	__	__	__
	__	Ujung	__	__	__

Kalimo marga Karo tasabuik mampunyoi sub-marga masiang-masiang, dimano satiok urang Karo mampunyoi salah satu dari merga tasabuik. Marga didapekkan sacaro turun tamurun dari ayah, merga ayah juo merga anak. Urang nan mampunyoi merga atau beru nan samo, dianggok basaudaro dalam arti mampunyoi nenek moyang nan samo. Jikalau laki-laki bamarga samo, mako inyo disabuik (b)ersenina. Damikian juo antaro padusi dengan padusi nan mampunyoi beru nan samo, mako inyo disabuik jugo (b)ersenina. Namun antaro seurang laki-laki dengan padusi nan bamerga samo, inyo disabuik erturang, sahinggo dilarang malakukan pakawinan, kacuali pado merga Sembiring (Sembiring Kembaren).

Falsafah

Hal lain nan paralu dalam susunan masyarakaik Karo adolah rakut sitelu, nan artinyo sacaro metaforik adolah Tungku Nan Tiga, nan bararti Ikek-an nan Tigo. Arti rakut sitelu tasabuik adolah Sangkep Nggeluh (Kalangkoan Hiduik) bagi urang Karo. Kalangkoan nan dimukasuik adolah lembaga sosial nan tadapek dalam masyarakaik Karo nan tadiri dari tigo kalompok, yoitu :

Kalimbubu
Anak Beru
Sembuyak

Kalimbubu dapek didefinisikan sabagai kaluargo pambari bini.
Anak Beru yoitu kaluargo nan maambiak atau manarimo bini.
Sembuyak adolah kaluargo satu galur katurunan merga atau kaluargo inti.

Urang Karo mampunyoi salam khas yoitu Mejuah-juah atau lengkapnyo adolah mejuah-juah kita kerina nan artinyo sihaik-sihaik kito sadoalahnyo, elok-elok kito sadoalahnyo, kadamaian, kasihaikkan, kaelokkan untuak kito sadoalahnyo.

Sistem kekerabatan

Museum Pusaka Karo

Nutu Lesung (Menumbuk Padi).jpg

Perlanja Sira (Pedagang Garam)

Tutur Siwaluh adolah konsep kekerabatan masyarakaik Karo, nan bahubungan dengan panuturan, yoitu tadiri dari dalapan goloangan:

Puang Kalimbubu
Kalimbubu
Senina
Sembuyak
Senina Sipemeren
Senina Sepengalon/Sedalanen
Anak Beru
Anak Beru Menteri

Dalam palaksanoan upacaro adaik, Tutur Siwaluh ini masih dapek dibagi lagi dalam kalompok-kalompok labiah khusus sasuai dengan kaparaluan dalam palaksanoan upacaro nan dilaksanokan, yoitu sabagai barikuik :

Puang Kalimbubu adolah kalimbubu dari kalimbubu sasaurang
Kalimbubu adaolah kalompok pambari bini kapado kaluargo tatantu. Kalimbubu iko dapek dikalompokkan lagi manjadi :
- Kalimbubu Bena-bena atau Kalimbubu Tua, yoitu kalompok pambari bini kapado kalompok tatantu nan dianggok sabagai kalompok pambari bini adolah dari kaluargo tasabuik. Misalnyo A bamerga Sembiring bere-bere Tarigan, mako Tarigan adolah Kalimbubu Si A. Jikok A mampunyoi anak, mako merga Tarigan adolah Kalimbubu Bena-bena / Kalimbubu Tua dari anak A. Jadi Kalimbubu Bena-bena atau Kalimbubu Tua adolah kalimbubu dari ayah kanduang.
- Kalimbubu Simada Dareh adolah barasa dari induak kanduang sasaurang. Kalimbubu Simada Dareh adolah saudaro laki-laki dari induak kanduang sasaurang. Disabuik Kalimbubu Simada Dareh karano inyo nan dianggok mampunyoi katurunan sadarah, karan sadarah mako itu juo nan tadape dalam diri kemenakannyo.
- Kalimbubu Iperdemui, yoitu nan bararti kalimbubu nan dijadikan kalimbubu oleh karano sasaurang mangawini puteri dari satu kaluargo untuak patamo kalinyo. Mako sasaurang itu nan manjadi kalimbubu adolah badasarkan pakawinan.
Senina, yoitu inyo nan basaudaro karano mampunyoi merga dan submerga nan samo.
Sembuyak, yoitu sacaro harafiah artinyo adolah ciek dan Mbuyak nan artinyo adolah kanduangan. Mako artinyo adolah urang-urang nan lahia dari kanduangan atau rahim nan samo. Namun dalam masyarakaik Karo istilah iko digunokan untuak senina nan balainan sub-merga juo, dalam bahaso Karo disabuik Sindauh Ipedeher (nan jauah manjadi dakek).
Sipemeren, yoitu urang-urang nan ibu-ibu inyo basaudaro kanduang. Bagian iko didukuang lagi oleh pihak Siparibanen, yoitu urang-urang nan mampunyoi bini nan basaudaro.
Senina Sepengalon atau Sendalanen, yoitu urang nan basaudaro karano mampunyoi anak-anak nan mampabini dari beru nan samo.
Anak beru, nan bararti pihak nan mangambiak bini dari suatu kaluargo tatantu untuak dipabini. Anak beru dapek tajadi sacaro langsuang karano mangawini padusi kaluargo tatantu, dan sacaro indak langsuang malalui parantaroan urang lain, saperti Anak Beru Menteri dan Anak Beru Singikuri. Anak beru iko tadiri lagi sabagai barikuik :
- Anak Beru Tua, adolah anak beru dalam satu kaluargo turun tamurun. Paliang indak tigo generasi alah mangambiak bini dari kaluargo tatantu (Kalimbubu-nyo). Anak Beru Tua adolah anak beru nan utamo, karano tanpa kahadirannyo dalam suatu upacaro adaik nan dibuek oleh pihak kalimbubu-nyo, mako upacaro tasabuik indak dapek dimulai. Anak Beru Tua juo bafungsi sabagai Anak Beru Singerana (sabagai pambicaro), karano fungsinyo dalam upacaro adaik sabagai pambicaro dan pamimpin kaluargo dalam kaluargo kalimbubu dalam konteks upacaro adaik.
- Anak Beru Cekoh Baka Tutup, yoitu anak beru nan sacaro langsuang dapek mangatahui sagalo sasuatu di dalam kaluargo kalimbubu-nyo. Anak Beru Cekoh Baka Tutup adolah anak saudaro padusi dari saurang kapalo kaluargo. Misalnyo Si A saurang laki-laki, mampunyoi saudaro padusi Si B, mako anak Si B adolah Anak Beru Cekoh Baka Tutup dari Si A. Dalam panggilan sahari-hari anak beru disabuik juo Bere-bere Mama.
Anak Beru Menteri, yoitu anak berunyao si anak beru. Asa kato Menteri adolah dari kato Minteri nan bararti maluruihkan. Jadi anak beru minteri mampunyoi pangartian nan labiah lueh sabagai patunjuak, mangawasi sarato mambantu tugaih kalimbubu-nyo dalam suatu kawajiban dalam upacaro adaik. Ado pulo nan disabuik Anak Beru Singkuri, yoitu anak beru-nyo si Anak Beru Menteri. Anak beru iko mampasiapkan hidangan dalam konteks upacaro adaik.

Rujuakan

↑ "Batak Karo in Indonesia". Joshua Project. Diakses tanggal 10 Agustus 2018.
↑ Ginting, Ray Brema (2016). "Kristen di Dataran Tinggi Karo Tahun 1890-1906". Kristen di Dataran Tinggi Karo Tahun 1890-1906 (dalam bahasa Indonesia). Repositori Institusi Universitas Sumatera Utara (RI-USU).
↑ Ginting, Dewi (2012-08-08). "SEJARAH BERKEMBANGNYA AGAMA ISLAM DI TANAH KARO SUMATERA UTARA PADA TAHUN 1980- 2010". Ginting, Dewi (2012) SEJARAH BERKEMBANGNYA AGAMA ISLAM DI TANAH KARO SUMATERA UTARA PADA TAHUN 1980- 2010. Undergraduate thesis, UNIMED. (dalam bahasa Indonesia). UNIMED.
↑ "Katolik di Tanah Karo: Kabanjahe, 1942-1970an". jurnal.ugm.ac.id. Jurnal Lembaran Sejarah, Vol. 11, No. 2, Oktober 2014 | Mahasiswa S1 Jurusan Sejarah Universitas Gadjah Mada. Oktober 2014.
↑ Rasmamana, Edi Putra (2016-09-03). "PENYEBARAN AGAMA BUDDHA PADA MASYARAKAT KARO DI KABUPATEN LANGKAT". Rasmamana, Edi Putra (2016) PENYEBARAN AGAMA BUDDHA PADA MASYARAKAT KARO DI KABUPATEN LANGKAT. Undergraduate thesis, UNIMED. (dalam bahasa Indonesia). UNIMED.
↑ Voice of Nature, Volumes 85-95. Yayasan Indonesia Hijau. 23 Nopember 1990. p. 45.
↑ Geoff Kushnick (2010). "Bibliography of Works on the Karo Batak of North Sumatra, Indonesia: Missionary Reports, Anthropogical Studies, and Other Writings from 1826 to the Present" (PDF). Department of Anthropology University of Washington, Seattle. 1.2. Diarsipkan dari versi asli (PDF) tanggal 14 Januari 2014.

Bacoan lanjuikkan takaik

Perangin-angin, Martin. (2004). Orang Karo Diantara Orang Batak. Pustaka Sora Mido

Pautan lua

books.google.co.uk
hawaii.edu Archived 2010-06-04 di Wayback Machine.

Artikel batopik kalompok etnik ko baru babantuak rancangan. Sanak dapek mambantu Wikipedia mangambangannyo.

[Karo-1] "Batak Karo in Indonesia". Joshua Project. Diakses tanggal 10 Agustus 2018.

[2] Ginting, Ray Brema (2016). "Kristen di Dataran Tinggi Karo Tahun 1890-1906". Kristen di Dataran Tinggi Karo Tahun 1890-1906 (dalam bahasa Indonesia). Repositori Institusi Universitas Sumatera Utara (RI-USU).

[3] Ginting, Dewi (2012-08-08). "SEJARAH BERKEMBANGNYA AGAMA ISLAM DI TANAH KARO SUMATERA UTARA PADA TAHUN 1980- 2010". Ginting, Dewi (2012) SEJARAH BERKEMBANGNYA AGAMA ISLAM DI TANAH KARO SUMATERA UTARA PADA TAHUN 1980- 2010. Undergraduate thesis, UNIMED. (dalam bahasa Indonesia). UNIMED.

[4] "Katolik di Tanah Karo: Kabanjahe, 1942-1970an". jurnal.ugm.ac.id. Jurnal Lembaran Sejarah, Vol. 11, No. 2, Oktober 2014 | Mahasiswa S1 Jurusan Sejarah Universitas Gadjah Mada. Oktober 2014.

[5] Rasmamana, Edi Putra (2016-09-03). "PENYEBARAN AGAMA BUDDHA PADA MASYARAKAT KARO DI KABUPATEN LANGKAT". Rasmamana, Edi Putra (2016) PENYEBARAN AGAMA BUDDHA PADA MASYARAKAT KARO DI KABUPATEN LANGKAT. Undergraduate thesis, UNIMED. (dalam bahasa Indonesia). UNIMED.

[6] Voice of Nature, Volumes 85-95. Yayasan Indonesia Hijau. 23 Nopember 1990. p. 45.

[karo1-7] Geoff Kushnick (2010). "Bibliography of Works on the Karo Batak of North Sumatra, Indonesia: Missionary Reports, Anthropogical Studies, and Other Writings from 1826 to the Present" (PDF). Department of Anthropology University of Washington, Seattle. 1.2. Diarsipkan dari versi asli (PDF) tanggal 14 Januari 2014.

[1]

[2]

[3]

[4]

[5]

[6]

[7]