Ecser
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Ecser es e Dörb_em Kriiß Pesht en Unnjann en de Nöhde fon Budapesht. Dä unnjarrėsche Name Ecser shpresh mer äänlesch wi Ätshär [ˈɛʧɛr] (IPA). Dat Dörp hät och noch enne slovaakėsche Name, dä eß Ečer, un et lääve och en Minderhëijt fun Slovaake doh.
Lare
[Ändere · der Quälltäx ändere]Ecser lidd_en södoßte fon Budapesht, noh bem engernazjonaale Flochhave Ferihegy. En de Nohberschaff sen de Ööt Maglód, Vecsés, Gyömrő, un Üllő. De Outobahn M0 löüf en de Nöhde fom Dörp laanß. Et litt och aan de Iisebahn 120a, di Budapest un Újszász un Szolnok fobengk.
Jescheshlijjet
[Ändere · der Quälltäx ändere]Et eezte jeschrevve Zöüshnėß fon Ecser eß fom 15. Dezämmbo 1315, ävver dat Dörp johv_et alld_aff 896, woh de Unjann en dämm Landt aankohme, woh se hügk noch am lääve sėn. Mer ferzallt sesch e Lejënndt, donoh hät dä Jroß_Prėnz Árpád fon de unnjarresche Shtämm dämm Oot sėnge Name jebraat. Wi hä nämmlesch noh dämm Name fun däm Plaz frohchte, wo hä sesh jraad_enß förr_en Raßß nidderjeloohße hat, do kunnte emm de Ëijnhëijmesche Bewonner dä nit fozälle. Drömm saat hä zo inne: „Doot dä Plaaz noh dämm Ëijscheboum nänne, dä hee shtäijt.“ Op Onnjarresch hëis_en Ëijsh cser.
Onger de Ottomaane zwesche 1526 un 1686 shtorf dat Dörb_uß; en de Houpsaach noh dem Fall fon Buda, wat joh nit wigk woh. De eezte Bewonner kohme dann em Johr 1699 zerrök. Em Onaffhängeshkëijtßkreesch fon 1703 beß 1711 woohre och ellef Salldaate fon Ecser dobëij. En de frööje 1700-er Joohre hät dä Jraaf, dämm dä Oot doh jehoot hät, dä Jraf Antal Grassalkovich, och Slovaake do aanjesidelt.
Kultuur
[Ändere · der Quälltäx ändere]Dat ëijnzejje Boudëngkmool em Dörb_eß de römesh kattoolesche Kėrresch uss_em Johr 1740.
De jannze Wälld kännt dä Follkß_Danz fon de Hiiroot fon Ecser, wadd_op unnjarrėsch Ecseri lakodalmas hëijß.
O_m Shtadtwappe sen de Kerresh, dä follekß_Dannz un dä Äijschboum. Dat sėn de drëij weshtėshßte Zëijsche för dat Dörp.
Pachtno_Shtädt
[Ändere · der Quälltäx ändere]Ecser sing Pachtno_Shtädt sinn:
- Zlaté Klasy en de Slovakeij
- Kumbağ en de Turkeij