Tsar

Tsar (basa Bulgaria цар, basa Ruslan царь,  rungakna ; sok-sok uga diéja Czar utawa Tzar), iku gelar kanggo pamimpin Kakaisaran Pisanan lan Kapindho Bulgaria wiwit taun 913, ing Serbia nalika patengahan abad kaping-14, lan ing Ruslan wiwit taun 1547 nganti taun 1917 (sanajan panggunaané kanthi tèknis mung pas nganti taun 1721).

Sajarah

Gelar tsar wiwit digunakaké ing Bulgaria déning Simeon I sawisé sawijining kamenangan wigati tumrap Kakaisaran Romawi Wétan nalika taun 913. Gelar iki terus digunakaké para pangganti Simeon I nganti tibané Bulgaria marang Krajan Ottoman nalika taun 1396. Sawisé uwal saka Ottoman taun 1878, monarki anyaré migunakaké manèh gelar mau antara taun 1908 lan 1946.

Nalika taun 1547, Ivan IV saka Ruslan ngganti gelaré saka "Veliki Knia saka kabèh Rus" dadi "tsar saka kabèh Rus" minangka lambang panggantian wangun nagara Ruslan. Sabanjuré taun 1721 Peter I ngadhopsi gelar Император [Imperator] ("Kaisar"). Kaloro gelar mau digunakaké gentènan wiwit mangsa mau.

Ètimologi

Tembung tsar asalé saka gelar Latin Caesar ("Kaisar"). Nalika jaman modhèren, tembung iki paling asring digunakaké mung kanggo ngrujuk marang pamimpin-pamimpin Ruslan jaman biyèn.

Pamimpin-pamimpin kanthi gelar Tsar

• Pratélan pamimpin Bulgaria
• Pratélan pamimpin Serbia
• Pratélan pamimpin Ruslan

Pirsani uga

• Raja
• Kaisar
• Monarki