Basi

Sápa er gerð með því að blanda saman lút og tólg.

Basi er efni, sem skv. Brønstedskilgreiningu getur tekið upp róteindir. Aðrar skilgreiningar eru að basar geta gefið frá sér rafeindapar eða verið uppspretta hýdroxíð forjóna. Einnig má líta á basa sem efnafræðilega andstæðu sýru. Algengt er að það sé gert vegna þess að þegar sýru og basa er blandað saman mynda þau oft vatn og salt, en einnig vegna þess að sýrur fjölga hydroníum jónum, H₃O⁺ , í vatni, en basar fækka þeim.

Sýrustig basa er hærra en pH 7.

Basi, sem fíkniefnavökvi

Orðið basi er því miður oft notað af lögreglu og fjölmiðlum til að lýsa fíkniefnavökva, t.d. amfetamínbasi, þó að vökvinn sé ekki endilega efnafræðilegur "basi". Þetta er væntanlega snarþýðing á enska orðinu base, sem í því tilviki á við hráefni til fíkniefnaframleiðslu.

Tengill

  Þessi efnafræðigrein er stubbur. Þú getur hjálpað til með því að bæta við greinina.