Զահրատ

Զահրատ
Ծննդյան անուն	Զարեհ Յալտըզճյան
Ծնվել է	1924 մայիսի 10
Ծննդավայր	Կոստանդնուպոլիս, Թուրքիա
Վախճանվել է	փետրվարի 20, 2007 (տարիքը 82)
Վախճանի վայր	Ստամբուլ
Գերեզման	Շիշլիի գերեզմանատուն
Մասնագիտություն	բանաստեղծ, բժիշկ-գրող և գրող
Լեզու	հայերեն
Ազգություն	հայ
Քաղաքացիություն	Թուրքիա
Կրթություն	Պանգալտիի մասնավոր հայկական դպրոց
	Զահրատ Վիքիդարանում

Զահրատ (իսկական անուն ազգանունը՝ Զարեհ Յալտըզճյան, մայիսի 10, 1924(1924-05-10), Կոստանդնուպոլիս, Թուրքիա - փետրվարի 20, 2007(2007-02-20) կամ փետրվարի 21, 2007(2007-02-21)^[1], Ստամբուլ, Թուրքիա), թուրք բանաստեղծ։

Կենսագրություն

Զահրատը ծնվել է 1924թ. մայիսի 10-ին Կոստանդնուպոլսի Նշանթաշ թաղամասում։ 3 տարեկան էր, երբ մեռնում է հայրը, իսկ քսանամյա մայրը կրկին ամուսնանում է։ Նրան խնամել է մորական պապը` Հաճի Լևոնը^[2]։ 1942 թվականին ավարտել է Կ. Պոլսի Մխիթարյան լիցեյը և ուսումը շարունակել Ստամբուլի պետական համալսարանի դեղագործական և բժշկական ֆակուլտետներում, որոնք կիսատ է թողել։ Աշխատակցել է պոլսահայ թերթերին, հանդեսներին, եղել «Մարմարա» օրաթերթի գրականության բաժնի վարիչ, «Սան» պարբերականի խմբագիր։

1963 թվականին ամուսնացել է Անաիս Անդրեասյանի հետ։

Ստեղծագործական ուղի

Առաջին բանաստեղծությունները լույս են տեսել 1943 թվին։ Հաջորդաբար լույս է ընծայել «Մեծ քաղաքը» (1960), «Գունաւոր սահմաններ», «Բարի երկինք», «Բանաստեղծութիւններ», «Ծայրը ծայրին» և այլ ժողովածուներ։ Հայաստանում լույս են տեսել «Մեծ քաղաքը» (1978), «Առանց քարի, առանց խաչի խաչքար» (1998) և «Բառերուն տակի քերթվածը» (2004) ժողովածուները։ Զահրատի բանաստեղծություններին բնորոշ են մեծ քաղաքում ապրող «փոքր» մարդու ողբերգականությունը, թեմաների բազմազանությունը, թարմ արտահայտչաձևերի յուրօրինակությունը։

Զահրատի առանձին գրքեր թարգմանվել են անգլերեն, ֆրանսերեն, հունարեն, լիտվերեն^[3]։

Երկեր

Մեծ քաղաքը, Երևան, 1978, 188 էջ։
Մէկ քարով երկու գարուն, Իսթանպուլ, 1989, 192 էջ։
Մաղ մը ջուր, Իսթանպուլ, 1994, 160 էջ։
Մէկ քարով երկու գարուն, Պէյրութ, 1997, 192 էջ։
Առանց խաչի, առանց քարի խաչքար, Երևան, 1998, 232 էջ։
Բառերուն տակի քերթուածը, Երևան, 2004, 128 էջ։
Բանաստեղծութիւններ, հատ. Ա.–Բ., Իսթանպուլ, 2006։
Բառ բառի քով, Երևան, 2007, 420 էջ։
Դդումի համ, Իսթանպուլ, 2009, 160 էջ։
Ակնթարթի մը չափը, Թեհրան, 2011, 332 էջ։
Անտիպ թերթս, Իսթանպուլ, 2012, 430 էջ։

Ծանոթագրություններ

↑ ^1,0 ^1,1 Library of Congress Authorities — Library of Congress.
↑ Սփյուռքահայ գրականություն ։ [Ուսումնական ձեռնարկ բանասիրական ֆակուլտետների համար] / Վ.Ա. Գաբրիելյան; Երևանի պետական համալսարան., 2016, 424 էջ։ Էջ 380։
↑ «Զահրատ». Արխիվացված է օրիգինալից 2018 թ․ հունվարի 15-ին. Վերցված է 2015 թ․ փետրվարի 20-ին.

Արտաքին հղումներ

Վիքիդարանն ունի նյութեր, որոնք վերաբերում են «Զահրատ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 652)։

[_3740ddd04062187d-1] 1,0 ^1,1 Library of Congress Authorities — Library of Congress.

[2] Սփյուռքահայ գրականություն ։ [Ուսումնական ձեռնարկ բանասիրական ֆակուլտետների համար] / Վ.Ա. Գաբրիելյան; Երևանի պետական համալսարան., 2016, 424 էջ։ Էջ 380։

[3] «Զահրատ». Արխիվացված է օրիգինալից 2018 թ․ հունվարի 15-ին. Վերցված է 2015 թ․ փետրվարի 20-ին.

[1]

[2]

[3]