The Irishman

The Irishman
	Logo do filme.
Ficha técnica
Título orixinal	The Irishman
Director	Martin Scorsese
Produtor	Martin Scorsese; Robert De Niro; Jane Rosenthal; Emma Tillinger Koskoff; Irwin Winkler; Gerald Chamales; Gastón Pavlovich; Randall Emmett; Gabriele Israilovici;
Guión	Steven Zaillian
Baseado en	I Heard You Paint Houses de Charles Brandt
Intérpretes	Robert De Niro; Al Pacino; Joe Pesci;
Música	Robbie Robertson
Fotografía	Rodrigo Prieto
Montaxe	Thelma Schoonmaker
Estudio	TriBeCa Productions; Sikelia Productions; Winkler Films;
Distribuidora	Netflix
Estrea	Festival de Nova York: 27 de setembro de 2019; 1 de novembro de 2019
Duración	209 minutos
Orixe	Estados Unidos
Xénero	Épico e crime
Orzamento	159 millóns de dólares
Recadación	7,5 millóns de dólares
Na rede
	https://www.netflix.com/it/title/80175798

The Irishman (tamén titulado nas pantallas I Heard You Paint Houses) é un filme estadounidense de 2019 dirixido e producido por Martin Scorsese e escrito por Steven Zaillian, que está baseado no libro de 2004 I Heard You Paint Houses de Charles Brandt. Está protagonizado por Robert De Niro, Al Pacino e Joe Pesci, xunto con Ray Romano, Bobby Cannavale, Anna Paquin, Stephen Graham, Stephanie Kurtzuba, Jesse Plemons e Harvey Keitel nos papeis secundarios. Conta a historia de Frank Sheeran (De Niro), un condutor de camións que se converte nun matón baixo as ordes de Russell Bufalino (Pesci) e a súa familia criminal, así como para o poderoso Jimmy Hoffa (Pacino).

En setembro de 2014, despois de anos no limbo da fase de desenvolvemento, The Irishman foi anunciado como o próximo filme de Scorsese despois de Silence (2016). De Niro, que tamén serviu como produtor, e Pacino foron confirmados ese mes, así como Pesci, que saíu do seu retiro non oficial logo de ser preguntado numerosas veces para tomar o papel. A fotografía principal comezou en setembro de 2017 na cidade de Nova York, en Mineola e Williston Park de Long Island, e estendeuse até marzo de 2018. Cun orzamento de produción de 159 millóns de dólares e unha duración de 209 minutos, é o filme máis longo de Scorsese e está entre os seus máis custosos da súa carreira.

The Irishman estreouse na 57ª edición do Festival Internacional de Cinema de Nova York, e tivo unha estrea limitada nos cinemas dos Estados Unidos o 1 de novembro de 2019, seguida por unha estrea en streaming dixital en Netflix o 27 de novembro de 2019. Foi aclamado pola crítica, que louvou a dirección de Scorsese e as interpretacións de De Niro, Pacino e Pesci. O filme recibiu numerosos galardóns.

Notas

↑ "THE IRISHMAN". British Board of Film Classification. Arquivado dende o orixinal o 14 de outubro de 2019. Consultado o 14 de outubro de 2019.
↑ "The Irishman (2019)". Box Office Mojo. Consultado o 8 de decembro de 2019.

Véxase tamén

Ligazóns externas

[Runtime-1] "THE IRISHMAN". British Board of Film Classification. Arquivado dende o orixinal o 14 de outubro de 2019. Consultado o 14 de outubro de 2019.

[BOM-2] "The Irishman (2019)". Box Office Mojo. Consultado o 8 de decembro de 2019.

[1]

[2]