The Fault in Our Stars (filme)

The Fault in Our Stars
Ficha técnica
Título orixinal	The Fault in Our Stars
Director	Josh Boone
Produtor	Wyck Godfrey Marty Bowen
Guión	Scott Neustadter Michael H. Weber
Baseado en	The Fault in Our Stars de John Green
Intérpretes	Shailene Woodley Ansel Elgort Nat Wolff Laura Dern Sam Trammell Willem Dafoe
Música	Mike Mogis Nate Walcott
Fotografía	Ben Richardson
Montaxe	Robb Sullivan
Estudio	Temple Hill Entertainment
Distribuidora	20th Century Fox
Estrea	Festival internacional de Seattle: 16 de maio de 2014
Duración	125 minutos
Orixe	Estados Unidos
Xénero	Romance, drama
Orzamento	$12 000 000
Recadación	$299 105 716
Na rede

The Fault in Our Stars é un filme estadounidense dirixido por Josh Boone, que se estreou no 2014. Baséase na novela homónima de John Green. Está protagonizado por Shailene Woodley, Ansel Elgort e Nat Wolff, xunto con Laura Dern, Sam Trammell Willem Dafoe nos papeis secundarios. Woodley interpreta a Hazel Grace Lancaster, unha adolescente de dezaseis anos con cancro que é obrigada polos seus pais a asistir a programas de axuda en grupo. Alí coñecerá e namorarase de Augustus Waters, interpretado por Elgort.

A creación de The Fault in Our Stars comezou en xaneiro de 2012, cando Fox 2000, unha división de 20th Century Fox, se fixo cos dereitos para adaptar a novela. A rodaxe principal comezou o 26 de agosto de 2013 en Pittsburgh, cuns días adicionais en Ámsterdam, e concluíu o 16 de outubro de 2013.

The Fault in Our Stars foi estreado o 6 de xuño de 2014 nos Estados Unidos. Recibiu unha boa acollida da crítica, que eloxiou a interpretación de Woodley, así como o filme completo. Tamén foi un éxito comercial, sendo o número un en recadación na semana da súa estrea, e conseguindo $299 millóns en todo o mundo, partindo dun presuposto de $12. Foi estreado en Blu-Ray e DVD o 16 de setembro de 2014.

Sinopse

Malia que un milagre médico conseguiu reducir o seu tumor e darlle uns anos máis de vida, a adolescente Hazel (Shailene Woodley) sempre se considerou unha enferma terminal. Porén, cando Gus (Ansel Elgort) entra a formar parte do grupo de axuda para enfermos de cancro xuvenil, a vida de Hazel cambia de súpeto.

Personaxes

• Shailene Woodley como Hazel Grace Lancaster
  • Lily Kenna como Hazel Grace Lancaster de nena
• Ansel Elgort como Augustus Waters
• Nat Wolff como Isaac
• Laura Dern como Frannie Lancaster
• Sam Trammell como Michael Lancaster
• Willem Dafoe como Peter van Houten
• Lotte Verbeek como Lidewij Vliegenthart
• Mike Birbiglia como Patrick

Véxase tamén

Ligazóns externas

• The Fault in Our Stars na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)