QuarkXPress

QuarkXPress
Desenvolvedor(es)	Quark, Inc.
Última versión	10.0.1 (30 de novembro de 2013)
Sistema operativo	Mac OS X, Windows
Tipo	Autoedición, deseño
Licenza	Pechada
Sitio web	quark.com

QuarkXPress é un programa de autoedición para computadores Mac OS X e Windows, producido por Quark Inc. Quark Inc. pode ser considerada como unha das primeiras empresas decanas de autoedición (xunto con Aldus, Adobe e Apple). A primeira versión de QuarkXPress apareceu en 1987.

Unha das primeiras tecnoloxías que fixeron despuntar ao programa foi o uso de XTensions que permiten a programadores externos implantar o seu propio software mediante o uso de extensións creadas por eles mesmos.

Ademais de QuarkXPress, Quark Inc. comercializa outro produto chamado "QuarkXPress Passport", que é basicamente o mesmo QuarkXPress coa capacidade de usar múltiples linguaxes na súa interface, separación de palabras etc.

Aínda que comparable a outros programas de autoedición como Adobe PageMaker ou Microsoft Publisher, QuarkXPress é o único, xunto a Adobe InDesign, que está considerado como unha ferramenta verdadeiramente profesional, dentro do gremio de editores, impresores e fotomecánicos.

Información da compañía

Quark, Inc. foi fundada en 1981 en Denver por Tim Gill e Mark Pope. Comezou a súa andaina creando software de procesamento de textos para o Apple II e o Apple III.

Fred Ebrahimi, quen se uniu a Quark en 1986, conseguiu implantar unha política expansiva comercial, que lanzou con grande éxito á empresa ao mercado internacional.

Tanto Gill, Ebrahimi ou Pope retiráronse actualmente da compañía. Fred Ebrahimi segue ocupando o posto de Director a título soamente oficial.

Historia

A primeira versión de QuarkXPress lanzouse en 1987 só para Mac. A versión para Windows demorouse ata 1992. Durante a década de 1990, QuarkXPress converteuse rapidamente na ferramenta de traballo preferida polos profesionais da maquetación e os impresores. En particular, a versión 3.3 (1996) foi un fito, que representaba unha versión estable, que usaba as fontes de Apple TrueType e que se converteu nun estándar da industria durante longo tempo.

Con máis do 90% do mercado durante na década dos 90, Quark foi acusada de monopolista e de cobrar prezos excesivos polo seu software. Adobe decidiu crear a súa propia aplicación de autoedición, InDesign, en 1999. A saída de QuarkXPress versión 5 en 2002 enfrontoulle con Apple, xa que non era compatible con Mac OS X, mentres que InDesign 2.0, que saíu nesa mesma semana, si o era.

Quark parece reconsiderar a súa política de prezos desde 2004 e tamén proporciona máis actualizacións.

Características

QuarkXPress é un programa de deseño con interface gráfica WYSIWYG. Texto e gráficos son tratados como elementos distintos (caixas de texto e caixas de gráficos). Ámbolos dous tipos de caixa son transformables nunha multitude de xeitos.

QuarkXPress ten dous modos de operación: contido (os comandos aplícanse dentro da caixa) e obxecto (posición da caixa e características). Cada modo ten o seu propios menús, facilmente accesibles mediante abreviaturas de teclado. O software permite situar os elementos na páxina cunha aproximación dunha milésima de polgada.

Quark integra táboas de cores Pantone e Hexachrome, ademais doutros espazos colorímetros. Na tarefa de separación de cor CMYK Quark destaca pola facilidade e rapidez para crear fotólitos.

QuarkXPress tamén ofrece sincronización de capas, múltiples niveis de desfacer, XML, HTML e capacidade de xerar PDFs.

A versión actual, QuarkXPress 7, engade capacidades para traballar cos formatos de tipografía OpenType e Unicode e os formatos de documento JDF e PDF/X-export. QuarkXPress 7 está dispoñible para Mac VOS X 10.4 e Windows XP.

Versión para servidor

En 2003 Quark lanzou unha versión para servidor, chamada QuarkDDS. Con esta aplicación conseguían engadir a funcionalidade de edición de páxinas a través dun navegador web.

En 2006 Quark renomeou QuarkDDS como "QuarkXPress Server".

Historia das versións

QuarkXPress 1 (1987) - Primeira versión só para Mac OS
Quarkxpress 2 (1989)
QuarkXPress 3 (1990) - Primeira versión con paleta de medidas e librerías
QuarkXPress 3.1 (1992) - Primeira versión para Windows
QuarkXPress 3.2 (1993) - Primeira versión con soporte Applescript e administración de cor
QuarkXPress 3.3 (1996) - Primeira versión PPC. Primeira versión Passport (opcional)
QuarkXPress 3.32 (1996) - Soporte para Quark Immedia
QuarkXPress 4 (1997) - Primeira versión con curvas bezier
QuarkXPress 4.1 (1999) - Soporte para PDF e XML
QuarkXPress 5 (2002) - Táboas e exportación a HTML
QuarkXPress Server (QuarkDDS) 
QuarkXPress 6 (2003) - Primeira versión para Mac OS X
QuarkXPress 6.1 (2004) - Importación de documentos Excel
QuarkXPress 6.5 (2004) - Admite Document Object Model e edición de imaxes
QuarkXPress 7 (2006) - Admite OpenType, Unicode, PDF/X e transparencias
QuarkXPress 7.01 (2006) - Primeira versión para Intel Macs (Universal binary), máis PPML.
QuarkXPress 7.02 (2006) - Admite linguaxes adicionais en Passport.
QuarkXPress 7.1 (2007) - Penúltima versión actualizada
QuarkXPress 7.3 (2007) - Última versión actualizada
QuarkXPress 8 (2008)
QuarkXPress 9 (2011)
QuarkXPress 10.0.1 (2013)  -  Para OS X Mavericks e Windows 8.1

Ligazóns externas

QuarkXPressen Quark.comArquivado 20 de novembro de 2007 en Wayback Machine. Comparacións con InDesign: Quark VS InDesign.com Creative Prol Ars Technica: CS1 vs. XPress 6; XPress 7 vs. CS2

Tutoriais para QuarkXPress: Quark VS InDesign.com: How-To Designorati:Desktop Publishing QuarkXPress 7 New Features @ lynda.com^{[Ligazón morta]} QuarkXPress template tutorial