Lisa Stansfield
 (2014)  | |
| Biografía | |
|---|---|
| Nacemento | 11 de abril de 1966 (58 anos) Manchester, Reino Unido |
| Educación | Oulder Hill Community School and Language College, Rochdale (en)  |
| Actividade | |
| Campo de traballo | Composición musical |
| Ocupación | cantante, presentadora de televisión, actriz de cinema, cantautora, artista discográfico |
| Período de actividade | 1981 - |
| Xénero artístico | Soul e música pop |
| Tesitura | Contralto |
| Instrumento | Guitarra e voz |
| Selo discográfico | Arista |
| Descrito pola fonte | Obálky knih,  |
| Sitio web | lisa-stansfield.com |
                   | |
Lisa Jane Stansfield, nada en Manchester[1] o 11 de abril de 1966, é unha cantante inglesa.
Traxectoria
[editar | editar a fonte]Antes de iniciar a súa carreira en solitario, foi a cantante do grupo The Blue Zone[2] con éxitos como "Jackie" ou "Big thing" e posteriormente colaborou no disco Coldcut co sinxelo "People Hold On" en 1988. Conseguiu a popularidade con Affection en 1989, disco de platino con máis de 5 000 000 de copias vendidas que incluía os seus éxitos "All Around the World" e "This Is the Right Time". Tanto este disco como o seguinte, Real Love, están influenciados polo son disco e motown dos anos 70 de Barry White (arranxos, ritmo e mesmo a técnica de Stansfield). Real Love incluíu o éxito "Change", que chegou a ser moi popular en emisoras de Europa e o Canadá.
En 1992 actuou no tributo a Freddie Mercury xunto con outros membros de Queen interpretando "I Want to Break Free" e "These Are The Days Of Our Lives", esta última xunto a George Michael.
En 1991 e 1992, gañou o premio Brit como mellor artista feminina británica e o ano seguinte editou exclusivamente en Europa o seu terceiro traballo So Natural con temas como "Little Bit of Heaven" ou "In All the Right Places"; este último foi incluído na banda sonora do filme Indecent Proposal. Tamén tivo grande éxito un sinxelo, "Someday (I'm Coming Back)" composto para o filme O escolta, con Kevin Costner e Whitney Houston. Lanzouse no Reino Unido o 7 de decembro de 1992 e noutros países de Europa a principios de 1993.
Tras un retiro, regresóou aos escenarios en 1997 cun LP titulado como o seu nome, Lisa Stansfield, co que obtivo de novo éxito con cancións como "The Real Thing", unha versión da canción de Barry White, "Never, Never Gonna Give You Up" e unha nova mestura do seu antigo éxito con Coldcut "People Hold On". Con este traballo acadou o número dous na listaxe de vendas inglesas.
En 1998 casou con Ian Devaney, guitarrista, teclista, produtor e antigo membro de Blue Zone.[1] O anos seguinte participou como actriz e na banda sonora da comedia Swing. Xa en 2001 deu un cambio ao seu son e estilo, actualizando a súa música e editou Face up, con temas como "Let's Just Call It Love" ou "8-3-1", en que empregaba con sutileza efectos e sons máis electrónicos acompañados coa súa peculiar voz e os seus acompañamentos vocais de segundo plano. A pesar diso, só conseguiu colocarse no posto 38 da listaxe británica.
En 2003 a súa discográfica de sempre, BMG Ariola, editou Lisa Stansfield: Biography, the greatest hits, un CD coas súas mellores cancións e un segundo CD especial con noveas mesturas que conseguiu chegar ao números tres en Inglaterra. Ese mesmo ano rompeu a súa relación con BMG/Ariola, fichou por ZTT e sacou ao mercado o seu sexto álbum de estudio The Moment, en 2004. Destacaron temas como "Treat Me Like a Woman" e "If I Hadn't Got You", producidos por Trevor Horn, que foi coñecido polos seus traballos con Paul McCartney, Seal e Frankie Goes to Hollywood, entre outros. Esta vez apuostou por un estilo máis sinxelo, achegado a un son máis pop e acústico.
En 2005, obtivo o premio Women's World Award na categoría de arte.
Discografía
[editar | editar a fonte]- Affection (1989)
- Real Love (1991)
- So Natural (1993)
- Lisa Stansfield (1997)
- Face Up (2001)
- The Moment (2004)
- Seven (2014)
- Deeper (2018)
Notas
[editar | editar a fonte]- ↑ 1,0 1,1 "Lisa Stansfield - Biography". LISA STANSFIELD | THE OFFICIAL FANSITE. Consultado o 26 de xuño de 2018.
- ↑ "Lisa Stansfield." Contemporary Musicians. Vol. 9. Farmington Hills, MI: Gale, 1993. Consultado a través da base de datos Biography in Context, 16 de abril de 2017. Tamén dispoñible en liña en Encyclopedia.com.
Véxase tamén
[editar | editar a fonte]Ligazóns externas
[editar | editar a fonte]- Biografía en Acid Jazz Hispano (en castelán)
- Lisa Stansfield-All Woman - Lisa's Home On The Web: Lisa Stansfield's Official Web Site Arquivado 22 de agosto de 2011 en Wayback Machine. (en inglés)
- Lisa Stansfield's Unofficial MySpace Page - includes audio track of "Somewhere My Baby's Waiting For Me" (en inglés)
- Lisa Stansfield's Discography at MusicCity.org (en inglés)
- Women's World Awards (en inglés)
