Lérez, Pontevedra

Lérez
	Mosteiro de San Salvador de Lérez
Concello	Pontevedra
Provincia	Pontevedra
Coordenadas	42°26′57″N 8°37′57″O / 42.449166666667, -8.6325
Área	6,35 km²
Poboación	1.711 hab. (2017)
Densidade	269,45 hab./km²
Entidades de poboación	21
	[ editar datos en Wikidata ]

Para outras páxinas con títulos homónimos véxase: Lérez.

San Salvador de Lérez é unha parroquia que se localiza no concello de Pontevedra. Segundo os datos do INE a 1 de xaneiro de 2008 tiña 1.802 habitantes (902 mulleres e 900 homes), distribuídos en 21 entidades de poboación, o que supón un aumento en relación ao ano 2007 cando tiña 1.771 habitantes.

Xentilicio

O seu xentilicio é lerezán^[2].

Historia

A ruta portuguesa do camiño de Santiago correspóndese ao seu paso pola parroquia coa vía romana XIX do itinerario de Antonino.

Segundo a tradición, no lugar da Santiña o apóstolo Santiago parou a descansar na súa peregrinación por Galicia. A raíz desta lenda, o día de Santiago (25 de xullo) ofrécese ao patrón unha uva dunhas parras que maduran antes. A poucos metros está situado un cruceiro de 1822.

En 1925 foi creada a Caja Rural de Lérez, que permaneceu activa até 1936, sendo pechada tralo Golpe de Estado do 18 de xullo. O 10 de setembro dese mesmo ano, no contexto da guerra civil española, apareceu morto no lugar da Gándara Juan Magdalena García, labrego de 36 anos veciño de Cerponzóns, que foi paseado^[3].

Patrimonio

No lugar de Casaldarado estaba o castelo de Cedofeita, de importancia entre o século X e o século XIII.

O mosteiro de San Salvador de Lérez, situado nun outeiro sobre o río Lérez, aparece documentado desde finais do século IX. Nel aloxáronse e viviron persoeiros como o Pai Xerónimo Feijoo ou o pai Martín Sarmiento. Trala desamortización de Mendizábal, os monxes víronse obrigados a abandonar o mosteiro, converténdose o templo na igrexa parroquial. Actualmente consérvase o claustro monacal, adxunto á igrexa.

Festas

O 11 de xullo, día de San Bieito, celébrase a romaría de San Benitiño de Lérez, onde os fieis van curar as espullas e a pedir saúde ao "santo máis milagreiro".

Deporte

O C.D. Lérez, nado na década de 1951-60, é filial do Pontevedra C.F.

Lugares e parroquias

Lugares de Lérez

Lugares da parroquia de Lérez no concello de Pontevedra
O Arco \| Casal Novo \| Casaldarado \| O Castelo \| A Cendona \| As Cernadas \| Cimbelo \| O Couso \| O Cruceiro \| A Ferreira \| A Fontaíña \| A Gándara \| A Laxiña \| O Outeiro \| A Pedra Picada \| A Piolla \| A Porta da Coxa \| Ramallás \| A Regueira \| A Torre \| A Xunqueira de Lérez

Parroquias de Pontevedra

Galicia | Provincia de Pontevedra | Parroquias de Pontevedra

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ "Xentilicios_0.pdf" (PDF). p. 22. Consultado o 22 de xullo de 2021.
↑ Ficha na web do proxecto As vítimas, os nomes, as voces e os lugares.

Véxase tamén

Outros artigos

Lugares de Pontevedra

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] "Xentilicios_0.pdf" (PDF). p. 22. Consultado o 22 de xullo de 2021.

[3] Ficha na web do proxecto As vítimas, os nomes, as voces e os lugares.

[1]

[2]

[3]