Saltar ao contido

Joseph Conrad

1000 12/16
Na Galipedia, a Wikipedia en galego.

Modelo:BiografíaJoseph Conrad

Editar o valor en Wikidata
Biografía
Nacemento(pl) Józef Teodor Konrad Korzeniowski Editar o valor en Wikidata
3 de decembro de 1857 Editar o valor en Wikidata
Terekhove (Imperio Ruso) Editar o valor en Wikidata
Morte3 de agosto de 1924 Editar o valor en Wikidata (66 anos)
Bishopbourne, Reino Unido (pt) Traducir Editar o valor en Wikidata
Causa da morteinfarto agudo de miocardio Editar o valor en Wikidata
Lugar de sepulturaCanterbury City Cemetery (en) Traducir
Canterbury Editar o valor en Wikidata
Grupo étnicoPobo polaco Editar o valor en Wikidata
RelixiónAteísmo Editar o valor en Wikidata
EducaciónBartłomiej Nowodworski High School (en) Traducir Editar o valor en Wikidata
Actividade
Campo de traballoFiction (en) Traducir Editar o valor en Wikidata
Ocupaciónescritor, guionista, escritor de ciencia ficción, ensaísta, novelista, autobiógrafo Editar o valor en Wikidata
Período de actividade1895 Editar o valor en Wikidata - 1926 Editar o valor en Wikidata
Xénero artísticoNovela curta Editar o valor en Wikidata
MovementoLiteratura moderna (pt) Traducir Editar o valor en Wikidata
Influencias
Obra
Obras destacables
Arquivos en
Familia
FamiliaNałęcz (en) Traducir e Q63532412 Traducir Editar o valor en Wikidata
CónxuxeJessie George Editar o valor en Wikidata
PaisApollo Korzeniowski Editar o valor en Wikidata  e Ewa Korzeniewska Editar o valor en Wikidata
ParentesStefan Bobrowski, maternal uncle
Aniela Zagórska, curmá entregue
Tadeusz Bobrowski, maternal uncle Editar o valor en Wikidata
Cronoloxía
marzo de 1933-outubro de 1933queima de libros na Alemaña nazi Editar o valor en Wikidata
Sinatura Editar o valor en Wikidata
Descrito pola fonteGrande Enciclopedia Soviética 1969-1978, (sec:Конрад Джозеф)
Grande Enciclopedia Soviética (1926—1947)
Dicionario Enciclopédico Brockhaus e Efron Editar o valor en Wikidata
IMDB: nm0175676 Allocine: 37910 Allmovie: p316773
BNE: XX870166 Bitraga: 890 Dialnet: 2629425 Spotify: 2d9RsLw7YQLsIEp7ffJHja iTunes: 2653633 Musicbrainz: 07ced854-cd1b-45e6-9d16-4d45d2967ccf Discogs: 470506 WikiTree: Korzeniowski-2 Find a Grave: 20386 Genius: Joseph-conrad Editar o valor en Wikidata

Joseph Conrad, nado como Józef Teodor Nałęcz Konrad Korzeniowski en Berdychev (Ucraína, daquela pertencente ao Imperio Ruso) o 3 de decembro de 1857 e finado en Canterbury (Inglaterra) o 3 de agosto de 1924, foi un novelista británico de orixe polaca. As súas novelas, etiquetadas ás veces de románticas[Cómpre referencia], anticipan no tratamento do colonialismo e nas tinturas irónicas a nova estética do modernismo.

Traxectoria

[editar | editar a fonte]

Foi fillo dun aristócrata, de quen herdaría o seu amor pola literatura. Seu pai, de ideoloxía nacionalista e liberal, sería arrestado en Varsovia polo seu apoio á insurrección polaca de 1863 e condenado a traballos forzados en Siberia polas autoridades rusas. Morta a súa nai de tuberculose en 1865 e o seu pai en 1869, un tío materno de Cracovia encargarase do pequeno Conrad ata que en 1874 viaxe a Marsella onde se embarcará como mariñeiro.

Ata 1878 navegará en mercantes franceses por Suramérica, India, Arquipélago Malaio, África, Australia e Inglaterra, onde finalmente ingresará na Mariña Real, da que chegará a ser capitán. Adoptou a nacionalidade británica en 1886, mudando o seu nome polaco polo máis simple de Joseph Conrad.

Logo dunha tentativa de suicidio fanado por unha historia de amor, e de servir durante dezaseis anos na mariña mercante británica, abandonará a súa vida de mariño e comezará a escribir. Viviu por temporadas en Londres, en Lowestoft, en Suffolk e Bishopsbourne, preto de Canterbury. Coñeceu e mantivo relacións de amizade con John Galsworthy, Rudyard Kipling, Henry James, Bernard Shaw e Bertrand Russell.

Está enterrado en Canterbury.

Obras

[editar | editar a fonte]

A súa obra narrativa, escrita toda en inglés, sitúase entre o realismo literario, na tradición de Charles Dickens e Fiódor Dostoievski, e o modernismo, sendo en boa medida a síntese dunha reelaboración autobiográfica. O mar e as aventuras da vida mariña narradas cun dominio lingüístico pouco usual calaron fondo nun pobo marítimo como o inglés. Bertrand Russell, que sentía verdadeira admiración pola obra de Conrad, bautizaría un dos seus fillos co seu nome.

A súa primeira novela, Almayer's Folly (1895), sitúa a acción na costa leste de Borneo. Nostromo (1904) é un estudo panorámico da revolución en Suramérica, mentres The Secret Agent e Under Western Eyes foron das primeiras novelas modernas en tratar do terrorismo e a espionaxe. O tránsito da mocidade ó mundo dos adultos e das súas responsabilidades é narrado co pano de fondo do mar e da vida a bordo en A liña de sombra. As operacións de tráfico de armas e as conspiracións políticas en que se viu envolto o Conrad mozo terían o seu reflexo na súa novela tardía, A frecha de ouro (The Arrow of Gold).

A novela máis coñecida é Corazón da escuridade (Heart of Darkness). Baseada na viaxe que fixera en 1890 polo río Congo, considérase un alegado contra do colonialismo europeo en África, pero é tamén unha historia de nobres ideais que se transforman en barbarie e perversión.

Listaxe de obras

[editar | editar a fonte]

Novelas

[editar | editar a fonte]

Relatos curtos

[editar | editar a fonte]
  • "The Idiots" (o primeiro relato breve de Conrad, publicado en Savo 1896 e recollido en Tales of Unrest, 1898).
  • "The Black Mate" (escrito en 1886 segundo Conrad; publicado en 1908; recollido postumamente en Tales of Hearsay, 1925).
  • "The Lagoon" (composto en 1896; publicado en Cornhill Magazine 1897; recollido en Tales of Unrest, 1898).
  • "An Outpost of Progress" (redactado en 1896 e recoñecido en 1906 por Conrad, despois da publicación de Lord Jim e Heart of Darkness, como o seu mellor relato breve; publicado en Cosmopolis 1897 e recollido en Tales of Unrest 1898; comparado con Heart of Darkness, novela coa que ten numerosas afinidades temáticas).
  • "The Return" (escrito en torno a 1897; recollido en Tales of Unrest, 1898; Conrad odiábao).
  • "Karain: A Memory" (escrito en 1897 e publicado ese mesmo ano en Blackwood's; recollido en Tales of Unrest, 1898).
  • "Falk" (novela breve escrita en 1901; recollida en Typhoon and Other Stories, 1903).
  • "Amy Foster" (redactada en 1901; publicada en Illustrated London News e compilada con outros relatos breves en Typhoon and Other Stories, 1903).
  • "To-morrow" (escrita en 1902; serializada en Pall Mall Magazine, 1902, e recollida en Typhoon and Other Stories, 1903).
  • "Gaspar Ruiz" (escrita despois de "Nostromo" en 1904-1905; publicada en Strand Magazine en 1906 e recollida en A Set of Six, 1908. Este relato foi o único adaptado para o cine polo autor como Gaspar the Strong Man, 1920).
  • "An Anarchist" (escrito en 1905; serializado en Harper's in 1906; aparece en A Set of Six, 1908)
  • "The Informer" (escrito antes de xaneiro de 1906; publicado en decembro en Harper's e recollido en A Set of Six, 1908)
  • "The Brute" (escrito a comezos de 1906; publicado en The Daily Chronicle en decembro de 1906; recollido en A Set of Six, 1908)
  • "The Duel" (publicado en varias entregas no Reino Unido (RU) en Pall Mall Magazine en 1908; recollido en A Set of Six en 1908 e publicado por Garden City Publishing in 1924.)
  • "Il Conde" (i.e., 'Conte' [count]: apareceu en Cassell's [RU] 1908 e Hampton's [EUA] en 1909; recollido en A Set of Six, 1908)
  • "The Secret Sharer" (escrito en decembro de 1909; publicado en Harper's e recollido en Twixt Land and Sea 1912)
  • "Prince Roman" (escrito en 1910, publicado en 1911 en Oxford and Cambridge Review; baseado na historia do Príncipe Roman Sanguszko de Polonia 1800-1881)

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Joseph_Conrad&oldid=6830590»