Banja Luka

Banja Luka
	Бања Лука (sr)
Localización
	44°46′21″N 17°11′33″L / 44.7725, 17.1925
Estado	Bosnia e Hercegovina
Entidade territorial administrativa	República Serbia
Capital de	Bosnia Eyalet (en) ; Banja Luka Region (en) ; Bósnia otomana (pt) ; República Serbia
Poboación
Poboación	185.042 (2013) (149,36 hab./km²)
Xeografía
Superficie	1.238,89 km²
Altitude	163 m
Creación	6 de febreiro de 1494
Organización política
• Alcalde	Draško Stanivuković (2020–)
Membro de	Aliança Climática (pt) (2012–)
Identificador descritivo
Código postal	78000
Fuso horario	Tempo central europeo de verán; UTC+01:00; UTC+02:00
Prefixo telefónico	051
Outro
Irmandado con	Hakkâri ; Focșani (pt) ; Graz ; Västerås (pt) ; Sremska Mitrovica (pt) ; Kranj (pt) (1965–); Patras (1995–); Moscova (2003–); Kaiserslautern (2003–); Belgrado (2003–); Lviv (2005–); Novi Sad (2006–); Bari (2007–); Bitonto (pt) (2008–); Modi'in-Maccabim-Re'ut (pt) (2010–); Campobasso (2010–); Nizhnii Novgorod (2021–)
Sitio web	banjaluka.rs.ba

Banja Luka é a segunda cidade de Bosnia e Hercegovina cunha poboación de 196 500 habitantes. É tamén a capital da República Serbia e o principal centro da rexión coñecida como Bosanska Krajina. A cidade localízase no noroeste de Bosnia, na ribeira do río Vrbas.

Historia

Hai evidencias da presenza romana na rexión durante os primeiros séculos da nosa era, e mesmo un antigo forte no centro da cidade. Os eslavos asentáronse na rexión no século VII e a primeira mención á cidade data de 1494. Durante o goberno otomán Banja Luka foi a capital da provincia de Bosnia, e a fins do século XVI a cidade desenvolveuse enormemente grazas a Ferhat Pasa Sokolovic, que posibilitou que Banja Luka se convertese nun dos centros comerciais e políticos de Bosnia, no século XIX produciuse unha forte emigración serbia nos arredores, pero a cidade permaneceu sendo de maioría musulmá.

A ocupación austríaca supuxo a occidentalización e industrialización de Banja Luka e ao se formar Iugoslavia a cidade converteuse no centro da provincia de Vrbas. Durante a segunda guerra mundial, o réxime Ustasha crota ocupou Banja Luka, os xudeus sefardís foron deportados aos campos de concentración de Jasenovac e Stara Gradiska, e o 7 de febreiro de 1942 os ustashas mataron a 2 500 serbios en Drakulici, Motike e Sargovac (localidades do concello de Banja Luka). En 1969 a cidade foi devastada por un sismo que destruíu moitos edificios.

Logo do establecemento da República Serbia, Banja Luka converteuse de facto no centro da entidade (oficialmente en 2003). Calcúlanse en 70 000 os croatas e bosníacos que tiveron que deixar o municipio entre 1992 e 1995 como parte da limpeza étnica que sufriu a República Serbia, ademais moitos serbios opostos á guerra e á política da República Serbia tamén tiveron que marchar da cidade. As 16 mesquitas da cidade, que databan do século XV e XVI, destruíronse na guerra e aínda non se reconstruíron, en parte pola oposición dunha parte dos serbios.

Xeografía

Banja Luka ocupa uns 96,2 km² na parte noroeste de Bosnia, no río Vrbas. A media de altitude da cidade é de 163m por riba do nivel do mar, e está rodeada de outeiros.

O nacemento do río Vrbas atópase a uns 90 km máis cara ó sur, e os afluentes Suturlija, Crkvena e Vrbanja mestúranse con este río en Bania Luka.

A zona que rodea a cidade componse de bosque, ademais hai importantes montañas un pouco máis lonxe. Banja Luka está construída no val homónimo, que se atopa nunha zona de transición entre montañas altas e baixas. Os cumios máis importantes son Manjača (1 214 metros), Čemernica (1 338 metros) e Tisovac (1 172 metros). Todos eles forman parte dos Alpes Dináricos.

Clima

Banja Luka posúe un clima continental, con invernos fríos e veráns cálidos. O mes máis caloroso é xullo, cunha temperatura media de 21,3 Cº, mentres que as temperaturas máis baixas son en xaneiro, cunha media duns 0,8 Cº.

As precipitacións anuais en Banja Luka son de 988 mm. Esta cidade ten unha media de 143 días chuviosos ó ano. Por mor da alta latitude na que se atopa, neva varias veces tódolos anos. Padece de fortes ventos procedentes do norte e do nordeste.

Cidades irmás

Bari (2007)

Véxase tamén

Ligazóns externas

Web oficial de Banja Luka (en serbio alfabeto cirílico, serbio alfabeto latino e inglés)