Наталля Мікалаеўна Апіёк

Наталля Мікалаеўна Апіёк
Месца нараджэння	Гродна
Грамадзянства	Беларусь
Бацька	Мікалай Апанасавіч Апіёк
Маці	Тамара Іванаўна Нікалаева
Род дзейнасці	графік, скульптарка
Вучоба	Мінскае мастацкае вучылішча імя А. К. Глебава (1988) Маскоўскі дзяржаўны акадэмічны мастацкі інстытут імя В. І. Сурыкава[d] (1994)
Уплыў	Алег Канстанцінавіч Комаў[d] і Уладзімір Яфімавіч Цыгаль[d]
Член у	Беларускі саюз мастакоў Саюз мастакоў Расіі[d] Маскоўскі Саюз мастакоў[d] Творчы саюз мастакоў Расіі[d]
Узнагароды

Наталля Мікалаеўна Апіёк (руск.: Наталья Николаевна Опиок; нар. 22 чэрвеня 1969, Гродна) — беларускі і расійскі мастак-графік, скульптар.

Біяграфія

Нарадзілася 22 чэрвеня 1969 года ў Гродне ў сям'і мастака Мікалая Апіёка і актрысы Тамары Нікалаевай. Скончыла ў 1988 годзе Мінскае мастацкае вучылішча, у 1994 годзе Маскоўскі мастацкі інстытут імя В. Сурыкава. Вучылася ў А. Комава і У. Цыгаля. Дыпломная праца «Св. Ефрасіння Полацкая» пастаўлена ў нядзельнай школе Храма ў гонар усіх Святых у Мінску. Удзельніца мастацкіх выставак з 1988 года.

У 1994-1997 гадах аспірант-стажор творчай майстэрскай У. Цыгаля.

У 1998 годзе скончыла аспірантуру творчых майстэрняў Акадэміі мастацтваў Расіі. Жыла ў г. Мінску.

Член Беларускага саюза мастакоў з 1994 года, Творчага саюза мастакоў Расіі з 1995 года, Маскоўскага саюза мастакоў з 1999 года, Саюза мастакоў Расіі з 2016 года.

Акадэмік Расійскай акадэміі прыродазнаўчых навук па аддзяленні «Развіццё г. Масквы і Маскоўскай вобласці» (2011). Ганаровы член (2014), член-карэспандэнт Расійскай акадэміі мастацтваў (Аддзяленне скульптуры, 2021).

Творчасць

Працуе ў станковай і манументальнай скульптуры, а таксама ў графіцы. Асноўныя творы: рэльеф «Св. Царыца Аляксандра» для храма Хрыста Выратавальніка (Масква), праект помніка Ефрасінні Полацкай для Полацка, скульптурныя кампазіцыі «Пераход», «Бабульчын сад», «Галгофа», графічная серыя «Шлях Ефрасінні Полацкай».

Творы знаходзяцца ў фондах Акадэміі мастацтваў Расіі, Акадэміі грамадскіх навук пры Прэзідэнце Расіі.

Узнагароды

Узнагароджана сярэбраным медалём ВДНГ СССР (1989) за скульптуру «Пераход» і дыпломам I ступені AM Расіі (1996). Ганаровы працаўнік культуры горада Масквы (2009).

Залаты медаль Расійскай Акадэміі мастацтваў (2002) за серыю іконаграфічных рэльефаў для ўбрання фасадаў храма ў гонар Покрыва Найсвяцейшай Багародзіцы с. Нядзельнае Калужскай вобласці. Медаль РПЦ прападобнага Андрэя іканапісца (2019).