Soetrissie

Soetrissie
	'n Soetrissieplant
Wetenskaplike klassifikasie
Koninkryk:	Plantae
Divisie:	Angiosperms
Klas:	Eudicots
Orde:	Solanales
Familie:	Solanaceae
Genus:	Capsicum
Spesie:	C. annuum ; (soetrissiekultivar)

Die soetrissie is die vrug van 'n kultivar van die Capsicum annuum. Ander kultivars van dieselfde spesie lyk heel anders en staan ook bekend as brandrissies. Die spesie kom oorspronklik uit Suid-Amerika, maar het in Europa bekendheid verwerf in Hongarye en Turkye. Rissiesaad is in 1493 na Spanje versprei en daarvandaan na ander lande in Europa, Afrika en Asië. China is tans die wêreld se grootste rissieprodusent, gevolg deur Meksiko en Indonesië.

Engelse name sluit in bell pepper, sweet pepper of net pepper (in Brittanje en Ierland) en capsicum (in Indië, Australië en Nieu-Seeland). Dit is 'n kultivargroep van die spesie Capsicum annuum. Kultivars van die plant produseer vrugte in verskillende kleure: rooi, geel, oranje, groen, asook bruin, ivoor, lig- en donkerpers.

Voedingswaarde

Soetrissies het 'n redelike hoë vitamien A-inhoud. Verder bevat dit ook vitamien B₆, riboflavien,vitamien C, vitamien E, kalium en mangaan.

Top rissie-produserende lande

Land	Metrieke ton (2007)
China	14 033 000
Meksiko	1 690 000
Indonesië	1 100 000
Turkye	1 090 921
Spanje	1 065 000
VSA	855 870
Nigerië	723 000
Egipte	475 000
Suid-Korea	345 000
Nederland	340 000
Wêreldtotaal	26 056 900