Gaan na inhoud

iCloud

in Wikipedia, die vrye ensiklopedie

iCloud
Kort opsomming van die logo.
iCloud op Mac OS X Lion 10.7.2
Ontwikkelaar Apple Inc.
Aanvanklike vrystelling Ontwikkelaarsvrystelling—6 Junie 2011
Openbare vrystelling—12 Oktober 2011[1]
Nuutste weergawe 6.2.2/ 19 Julie 2017
Bedryfstelsel macOS (10.7 Lion & nuwer)
Microsoft Windows 7 of nuwer
iOS 5 of nuwer
Beskikbaar in Veeltalig
Kategorie Wolkdiens
Lisensie Vryware
Webblad www.icloud.com

iCloud is ’n wolkbergings- en verwerkingsdiens[2][3][4] van Apple Inc. wat op 6 Junie 2011 bekendgestel is by die Apple Wêreldwye Ontwikkelaarskonferensie (WWOK). Die diens laat gebruikers toe om data soos musieklêers op afgeleë rekenaarbedieners te berg om later af te laai na veelvuldige dienste soos iOS-gebaseerde toestelle en persoonlike rekenaars wat met OS X of Microsoft Windows werk. Dit vervang ook apple se MobileMe-diens,[2][3][4] en tree op as ’n datasinkroniseringsentrum vir e-pos, kontakte, kalenders, boekmerke, notas, taaklyste en ander data. In 2012 het die diens reeds meer as 100 miljoen gebruikers.[5]

Geskiedenis

[wysig | wysig bron]

iCloud is die nuutste verpakking van Apple se wolkdataverwerkingsdiens. Dit was vroeër bekend as iTools in 2000, .Mac in 2002 en MobileMe in 2008.[2][3][4]

Op 30 Junie 2012 sal MobileMe ophou funksioneer met ’n gratis uitbreiding tot op daardie datum aan enigeen wat ’n rekening gehad het voor die bekendstelling van iCloud.[6]

Die amptelike webblad, www.icloud.com, het vroeg in Augustus aanlyn gegaan vir Apple-ontwikkelaars. Op 12 Oktober 2011 het iCloud beskikbaar geword deur ’n opdatering van iTunes.[7] In minder as ’n week na die bekendstelling van iCloud het dié diens 20 miljoen gebruikers gehad.[8]

Aankondiging

[wysig | wysig bron]

Die eerste amptelike vermelding van iCloud deur Apple het op 31 Mei 2011 plaasgevind toe in ’n persverklaring[9] aangekondig is dat Apple die diens by die WWOK op 6 Junie 2011 sou demonstreer. ’n Banier wat aan die Moscone-sentrum gehang het vir die WWOK het die iCloud-logo vyf dae voor die amptelike bekendstelling getoon.[10]

In die WWOK 2011 se tematoespraak het Apple aangekondig dat iCloud die MobileMe-diens sou vervang en dat die basiese iCloud-diens gratis aangebied sou word.[11]

Eienskappe

[wysig | wysig bron]

Die wolkgebaseerde stelsel laat gebruikers toe om musiek, foto’s, toepassings, dokumente, boekmerke, aanmanings, rugsteune, notas, iBoeke en kontakte te berg en dit dien ook as ’n platform vir Apple se e-posbedieners en kalenders. Derdeparty iOS- en OS X-toepontwikkelaars kan iCloud-funksionaliteit in hul toeps inbou deur die iCloud-toepassingprogrammeringskoppelvlak (TPK).[12]

iOS-toestelrugsteun en -herstel

[wysig | wysig bron]

iCloud laat gebruikers met die opsie om die instellings en data op iOS-toestelle met iOS 5 of nuwer te rugsteun.[13] Data wat gerugsteun word sluit foto’s en video’s in die Filmrol, toestelinstellings, toepdata, boodskappe (iMessage, SMS en MMS), luitone en stemboodskappe in.[14] Rugsteune word daagliks gemaak wanneer die toestel vergrendel en aan ’n Wi-Fi-netwerk en elektrisiteit gekoppel is. In die geval van ’n wanfunksionering van enige Apple-toestel, bied iCloud aan om alle data (toepdata ingesluit) te hertel indien die toestel gerugsteun en met iCloud gesinchroniseer was.

Back to My Mac

[wysig | wysig bron]

Back to My Mac, ook voorheen deel van MobileMe, is nou deel van iCloud.[15] Soos voorheen laat hierdie diens gebruikers toe om op afstand by hul rekenaars aan te teken deur middel van ander rekenaars en hul Apple ID .

E-pos

[wysig | wysig bron]

’n iCloud-rekening sluit ’n e-posadres soortgelyk aan dit wat MobileMe, .Mac en iTools gebied het in. Anders as MobileMe en sy voorgangers, is ’n e-posadres ’n opsionele deel van ’n iCloud-rekening in die sin dat die gebruiker kan kies om dit nie te gebruik nie, maar steeds die e-pos as hul iCloud Apple ID gebruik. Die e-posrekening is bereikbaar deur enige standaard IMAP-versoenbare e-poskliënt, asook die aanlynwebtoep in iCloud.com.

Gebruikers wat hul bestaande MobileMe-rekeninge na iCloud oorgedra het, het hul “@me.com”-e-posadresse behou, en gebruikers wie se rekeninge MobileMe vooraf gegaan het en ’n me.com en mac.com-rekening gehad het, het albei behou. Soos met die .Mac-na-MobileMe-oorgang kry bestaande gebruikers ’n iCloud.com-adres saam met hul ou adresse, sodat boodskappe wat na enigeen van die e-posadresse gestuur word, in dieselfde inkassie beland.

Soek iPhone

[wysig | wysig bron]

Soek iPhone, voorheen deel van MobileMe, stel gebruikers in staat om die ligging van hul iOS-toestel of Mac, na te speur. ’n Gebruiker kan die toestel se benaderde ligging op ’n kaart (tesame met ’n sirkel wat die foutspeling insluit) sien en daarmee saam ’n boodskap na die toestel stuur, ’n geluid via die toestel laat klink (selfs indien dit op stilmodus gestel is), die wagwoord van die toestel verander, en die inhoud van die foon af verwyder.[16]

Photo Stream

[wysig | wysig bron]

Photo Stream is ’n diens wat saam mat die basiese iCloud-diens verpak word wat gebruikers in staat stel om die 1,000 mees onlangse foto’s vir 30 dae gratis op die iCloud-bedieners te berg. Wanneer ’n foto geneem word met ’n toestel waarop Photo Stream ingeskakel is, word dit outomatiese na die iCloud-bedieners opgelaai; van daar word dit outomatiese gestoot na die res van die gebruiker se geregistreerde toestelle. Die diens is ook geïntegreer met Apple TV wat gebruikers in staat stel om hul onlangse foto's koordloos op ’n HDTV te bekyk.[17]

iTunes Match

[wysig | wysig bron]

iTunes Match het op 14 November 2011 die lig gesien en was aanvanklik slegs beskikbaar vir Amerikaanse gebruikers.[18] Vir ’n jaarlikse fooi,[19] kan klante die snitte in hul iTunes-musiekbiblioteek, insluitend musiek wat van CD’s gekopieer of andersins verkry is, skandeer en vergelyk met snitte op die iTunes-winkel. Apple laat klante toe om 25,000 snitte in 256 kgreep/s digitale regtebeheer-vrye AAC-formaat af te laai wat soortgelyk is aan enige ondersteunde oudiolêerformaat, insluitend ALAC en mp3, na die klant se iTunes-biblioteek, met gebruikers wat die addisionele keuse op hul rekenaars het om die oorspronklike weergawe wat op die rekenaar is, te bewaar, of om dit te vervang met dié van die iTunes-winkel.[20] Enige musiek wat nie op die iTunes-winkel beskikbaar is nie, kan deur gebruikers opgelaai word sodat hulle dit op hul ander toestelle of rekenaars kan aflaai, maar aanlynspasie wat benodig word vir die oplaai van snitte wat nie in die iTunes-winkel beskikbaar is nie, word van die gebruikers se afsonderlike iCloud-opslagdiensrekening verkry aangesien nie-iTunes oudioberging nie ingesluit is nie omdat die jaarlikse koste slegs is vir die koppeling van musiek wat nie deur die iTunes-winkel gekoop is nie.

Indien ’n gebruiker ophou betaal vir die diens, sal die afgelaaide musiek in digitale regtebeheer-vrye AAC-formaat wat reeds geberg is op enige toestel, gehou word,[21][22] of dit nou ’n iOS-toestel of ’n rekenaar is.[21]

iTunes Match is tans beskikbaar in 37 lande, insluitend die VSA, Australië, Verenigde Koninkryk, Meksiko, Spanje en Kanada.[23] Die jaarlikse koste is $24.99,[21] £21.99,[mp 1] €24.99,[22] C$27.99,[mp 2] Mex$300.00,[mp 3] of CHF35.[mp 4]

Bergingspryse

[wysig | wysig bron]

Elke rekening kry 5 GB gratis bergspasie vir eienaars van ’n iOS-toestel wat iOS 5.x gebruik of ’n Mac wat OS X Lion 10.7.x gebruik. Sekere inhoud wat van Apple se iTunes-winkel gekoop is (tans sluit dit musiek, toeps, oudioboeke, musiekvideo’s, TV-programme en rolprente in) word egter nie hierby ingereken nie omdat dit afsondelik gekoppel is van Apple se iTunes-inhoudsdatabasis met die gebruiker se Apple ID. Dit beteken dat enige inhoud wat voorheen via die iTunes-winkel gekoop is, outomaties, of handmatig, afgelaai kan word na enige geregistreerde toestel (d.w.s. iOS-toestelle en rekenaars). Wanneer ’n gebruiker ’n nuwe toestel registreer kan alle inhoud wat reeds gekoop is van die iTunes-bedieners afgelaai word en nie-iTunes-inhoud van die iCloud bedieners.[24]

Met die bekendstelling in 2011 was 5 GB-spasie gratis beskikbaar. Addisionele bergingspasie kon gekoop word in stapels van 10, 20 of 50 GB (met 50 GB die maksimum) vir VS$20, ₤14 of €16 per 10 GB per jaar.[sp 1][sp 2][sp 3]

Naas die gratis 5 GB is MobileMe gebruikers (om presies te wees, slegs diegene met “indiwiduele” lidmaatskap of die met ’n “meester”-rekening, nie die sub-rekening van die “gesinspakket” nie) outomaties ’n bykomende 20 GB gegee totdat die MobileMe-diens op 30 Junie 2012 sluit.Verwysingfout: Ongeldig <ref>-etiket; ongeldige name, byvoorbeeld te veel

Stelselvereistes

[wysig | wysig bron]

Om ’n nuwe rekening te skep benodig iCloud ’n toestel wat met iOS 5.x of ’n Mac wat met Lion werk.[25] Sinkronisering met ander masjiene benodig ’n rekenaar met Windows Vista (Dienspakket 2) of Windows 7 waarin die iCloud-beheerpaneel gebruik word,[26] of Outlook 2007 of nuwer om kalenders, kontakte en aanmanings te sinkroniseer. As opsionele beykomstigheid kan Internet Explorer 8 of nuwer of Safari 5.1.1 of nuwer gebruik word om boekmerke te sinkroniseer. Aanlyntoegang tot iCloud benodig ’n versoenbare webblaaier.[27] Huidige MobileMe-gebruikers kan hul rekenings na ’n iCloud-rekening skuif met behoud van dieselfde rekeningbesonderhede.[28]

Naamdispuut

[wysig | wysig bron]

iCloud Communications, ’n telekommunikasiemaatskappy in Arizona het Apple gedagvaar vir kopieregskending kort nadat Apple iCloud aangekondig het.[29][30] Die hofsaak is ingedien in die V.S. Distrikshof van Arizona en het daarop aangedring dat Apple ophou met die gebruik van die naam iCloud en dat hy ongespesifiseerte monetêre skade moes dek.[30][31] iCloud Communications het sy naam verander na Clear Digital Communications in Augustus 2011 en die hofsaak teen Apple kort daarna teruggetrek.[32]

Privaatheid

[wysig | wysig bron]

iCloud-data word in gekodeerde formaat op Apple se bedieners gehuisves, maar Apple hou ’n algemene sleutel en kan die data dekodeer indian dit van regeringsagentskappe verlang word.[33]

Sien ook

[wysig | wysig bron]

Verwysings

[wysig | wysig bron]
  1. ↑ "Persinligting – Apple stel iCloud bekend" (in Engels). Apple. 6 Junie 2011. Geargiveer vanaf die oorspronklike op 23 Junie 2011. Besoek op 30 Augustus 2011.
  2. ↑ 2,0 2,1 2,2 "Aangeskakel: Apple se wolkraaisel" (in Engels). Engadget. 13 Junie 2011. Geargiveer vanaf die oorspronklike op 14 Julie 2018. Besoek op 13 Junie 2011.
  3. ↑ 3,0 3,1 3,2 "Vierde keer geluk? Waarom Apple probleme het met wolkdataverwerking" (in Engels). ArsTechnica. 8 Junie 2011. Geargiveer vanaf die oorspronklike op 12 Januarie 2012. Besoek op 13 Junie 2011.
  4. ↑ 4,0 4,1 4,2 "4de keer geluk vir Apple? Van iDisk na .Mac na MobileMe na iCloud". Wired (in Engels). 31 Mei 2011. Geargiveer vanaf die oorspronklike op 27 April 2012. Besoek op 13 Junie 2011.
  5. ↑ "Voorlegging deur Tim Cook, Apple se HUB in Goldman Sachs Tegnologie- en Internetkonferensie op 14 Februarie 2012" (in Engels). 14 Februarie 2012. Geargiveer vanaf die oorspronklike op 25 Februarie 2012.
  6. ↑ "Inligting omtrent die MobileMe-omskakeling" (in Engels). Support.apple.com. Geargiveer vanaf die oorspronklike op 18 Mei 2012. Besoek op 30 Augustus 2011.
  7. ↑ "iTunes – Alles wat jy no dig het om vermak te word" (in Engels). Apple. Geargiveer vanaf die oorspronklike op 15 Mei 2020. Besoek op 30 Oktober 2011.
  8. ↑ "Big mo: In een week het Apple iCloud 20M gebruikers; 25M gebruik iOS 5" (in Engels). 17 Oktober 2011. Geargiveer vanaf die oorspronklike op 24 Desember 2013.
  9. ↑ (en) Apple Inc. (31 Mei 2011). "Apple gaan nuwe generasie sagteware by tematoespraak op Maandag 6 Junie bekendstel". Persberig. https://www.apple.com/pr/library/2011/05/31wwdc.html. Besoek op 31 Mei 2011. 
  10. ↑ (en) Lee, Daniel (2 Junie 2011). "WWOK 2011: OS X, iOS 5, iCloud munte onthul (Fotolekkasies)". International Business Times Hong Kong. Besoek op 2 Junie 2011.[dooie skakel]
  11. ↑ (en) "WWOK 2011 Tematoespraak". Apple Inc. Geargiveer vanaf die oorspronklike op 8 Junie 2011. Besoek op 18 April 2012.
  12. ↑ (en) "iCloud vir ontwikkelaars". Apple Inc.
  13. ↑ "iCloud: Oorsig van Rugsteun en Herstel" (in Engels). Apple. 17 Februarie 2014. Geargiveer vanaf die oorspronklike op 24 April 2013.
  14. ↑ "What does iCloud back up?" (in Engels). Apple. Geargiveer vanaf die oorspronklike op 2 Mei 2020. Besoek op 1 April 2017.
  15. ↑ (en) Oorskakeling van MobileMe na iCloud, [1], “Apple.com”, 12 Oktober 2011
  16. ↑ "Apple se iCloud-toeps, Boeke en Rugsteun" (in Engels). Apple Inc. Geargiveer vanaf die oorspronklike op 13 Mei 2012.
  17. ↑ "Apple se iCloud verbind mense en hul foto's" (in Engels). InfoTrends InfoBlog. 8 Junie 2011. Geargiveer vanaf die oorspronklike op 13 Desember 2017. Besoek op 30 Augustus 2011.
  18. ↑ "Wat is nuut in iTunes" (in Engels). Apple, Inc. 14 November 2011. Geargiveer vanaf die oorspronklike op 4 September 2013. Besoek op 14 November 2011.
  19. ↑ "iTunes Match pryse by Apple" (in Engels). Apple Inc. 6 Junie 2011. Geargiveer vanaf die oorspronklike op 28 Augustus 2016. Besoek op 30 Augustus 2011.
  20. ↑ "iTunes Match: $24.99/jaar, pas by liedjies vanaf CD's, bied dit aan in die Wolk" (in Engels). MacRumors. 6 Junie 2011. Geargiveer vanaf die oorspronklike op 1 Mei 2020. Besoek op 30 Augustus 2011.
  21. ↑ 21,0 21,1 21,2 "iCloud-eienskappe: iTunes in die Wolk" (in Engels). Apple, Inc. 14 November 2011. Geargiveer vanaf die oorspronklike op 6 September 2014. Besoek op 14 November 2011.
  22. ↑ 22,0 22,1 Caldwell, Serenity; Breen, Chris; Fridman, Lex (16 November 2011). "iTunes Match: Wat jy moet weet". MacWorld (in Engels). IDG. Geargiveer vanaf die oorspronklike op 13 Maart 2012. Besoek op 16 Desember 2011.
  23. ↑ "iTunes Match Beskikbaarheid" (in Engels). Apple, Inc. 14 November 2011. Geargiveer vanaf die oorspronklike op 29 Oktober 2014. Besoek op 9 Februarie 2012.
  24. ↑ (en) Myslewski, Rik (6 Junie 2011). "Apple open iCloud vir wêrelr+hond". The Register. Besoek op 20 Augustus 2011.
  25. ↑ "Wat is iCloud? (Vereistes in fynskrif onderaan blad)" (in Engels). Apple Inc. Geargiveer vanaf die oorspronklike op 27 Mei 2012.
  26. ↑ "iCloud-beheerpaneel vir Windows" (in Engels). Support.apple.com. 12 Oktober 2011. Geargiveer vanaf die oorspronklike op 9 Februarie 2015. Besoek op 30 Oktober 2011.
  27. ↑ "Leer hoe om iCloud op Windows op te stel" (in Engels). Apple Inc. 12 Oktober 2011. Geargiveer vanaf die oorspronklike op 20 Maart 2018. Besoek op 22 Januarie 2012.
  28. ↑ "Apple ID's en iCloud" (in Engels). Support.apple.com. 12 Oktober 2011. Geargiveer vanaf die oorspronklike op 13 September 2014. Besoek op 18 Maart 2012.
  29. ↑ "iCloud-klagte" (in Engels). Scribd. Geargiveer vanaf die oorspronklike op 6 Maart 2016. Besoek op 30 Augustus 2011.
  30. ↑ 30,0 30,1 (en) "Apple se iCloud gedagvaar vir kopieregskending – Lesse van sy voorgangers". International Business Times. 13 Junie 2011. Besoek op 30 Augustus 2011.
  31. ↑ (en) "Apple iPhone 5 se potensiële kishou iCloud beskuldig van skending van kopiereg". International Business Times. 13 Junie 2011. Geargiveer vanaf die oorspronklike op 15 Julie 2012. Besoek op 30 Augustus 2011.
  32. ↑ (en) Arizona-maatskappy trek iCloud-saak terug, verander naam
  33. ↑ (en) Apple het die algemene dekoderingsleutel wanneer dit kom by iCloud-sekuriteit, privaatheid

iTunes Match pryse

[wysig | wysig bron]
  1. ↑ (en) https://www.apple.com/uk/itunes/itunes-match
  2. ↑ (en) https://www.apple.com/ca/itunes/itunes-match
  3. ↑ (en) https://www.apple.com/mx/itunes/itunes-match
  4. ↑ (en) https://www.apple.com/chde/itunes/itunes-match

iCloud-bergingspryse

[wysig | wysig bron]
  1. ↑ "Apple.com – iCloud: Bergingsopgraderingsopsies" (in Engels). Apple, Inc. Geargiveer vanaf die oorspronklike op 13 Augustus 2013. Besoek op 5 September 2011.
  2. ↑ Gurman, Mark (1 Augustus 2011). "iCloud pryse per jaar: $20 vir 10 GB, $40 vir 20 GB, $100 vir 50 GB (opdatering: VK en EU pryse)". 9to5mac (in Engels). Geargiveer vanaf die oorspronklike op 16 Januarie 2020. Besoek op 5 September 2011.
  3. ↑ Panzarino, Matthew (2 Augustus 2011). "Apple se iCloud-pryse". The Next Web (in Engels). Geargiveer vanaf die oorspronklike op 9 Oktober 2019. Besoek op 5 September 2011.


Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=ICloud&oldid=2696293"