牧羊

一個牧羊人喺度牧羊。

牧羊泛指照顧同看守羊嘅工作。

歷史

起源

放牧羊隻係人類最源遠流長嘅職業之一，佢嘅起源可以追溯到6,000年前嘅安那托利亞半島（小亞細亞），當時已經有人牧羊。當時畜養羊隻嘅目的主要係為咗着佢哋好保暖嘅厚羊毛，其次係可以食嘅羊奶同羊肉。喺隨後嗰幾千年，牧羊活動開始擴展去到成個歐亞大陸。雖然一開始有啲羊都係被固定咁留喺家庭農場，同其他動物例如雞同豬一齊養，但係之後了解到如果想維持龐大嘅族群數量，就需要將佢咃不斷咁由一個牧草地再移到另一個牧草地生活嚟滿足大量嘅食草需求，所以最終衍生出第一批專門放養羊群嘅農戶——牧羊人。