ნათხემი

ნათხემი — ადამიერიშ დო გაგაჩამეფიშ დუდიშ ტვინიშ ნორთი მოგჷრძე ტვინს დო შქა ტვინს შქას. დიდ როლს ლაჸაფენს უთარაშო ყარაფეფიშ კოორდინაციას, რსხულიშ წონაწორობაშ, პოზაშ დო ტონუსიშ თხილუას. ბიწორას მაყარე ჩხოლარეფს ნათხემი გიშაკერძაფილო ჯგირო აფჷნა გოვითარაფილი.

ადამიანერიშ ნათხემი იდვალუაფუ დიდი ტვინიშ ჸვინგიშ წილეფს გიმე ხინჯიშ დო მოგჷრძე ტვინიშ დორსალურო. ნათხემიშ წონა 150 გრამი რე, განერი დიამეტრი 12 სმ-ს ონჭუ. ნათხემს გიშმაგორჷნა ცენტრალურ ინწრო წილს — ნათხემიშ ჭჷს დო ელახიან წილეფს — ჰემისფეროეფს. ნათხემიშ ირნერი დაღამაკება გიშმარჩქინდუ საართო შანეფით, ნამუსჷთ ნათხემიშ სინდრომი ჯოხო. ნათხემიშ სინდრომს ახასიათენს დუდიშ ჭუა, ეკოღალაფა, რსიოლი, გილაჩანგალი დო შხვა. აკოცჷმილი რე ყარაფიშ კოორდინაცია (ასინერგია).

ლიტერატურა

• ქორთული სხუნუეფიშ ენციკლოპედია, ტ. 7, ხს. 299 — 300, ქართი, 1984 წანა.