Belle

Belle Bailleul

Belle in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Belle
Coördinoatn	50°44′NB 2°44′OL
Ippervlak	43,42 km²
Inweuners
Inweuners Bevolkiengsdichtheid	14.467 (2016) 333 inw./km²
Andere
Burgemêester	Marc Deneuche 2014-2020
Postcode	59270
Webadres	Officieeln site van Belle

Belle (Frans: Bailleul) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in de Franschn Westoek, teegn De Schreve. Belle grenst an de West-Vloamsche gemêente Heuvelland (mêer bepoald an Westouter, Loker, Dranouter en Nieuwkerke) en an de Fransche gemêentn Niepkerke, Steenwerk, Zoetestede, Oud-Berkyn, Merris, Metern en Sint-Janskapelle.

Belle ligt in't Frans-Vlamsche Outland, nie verre van't Leiedal, an de voet van de bergn van de Fransche Westoek, lik de Zwortnberg en de Katsberg. By de gemêente ôorn ôok nog de gehuchtn Outerstene, 't Stêentje, De Krebbe en Le Nouveau Monde. Hil o d'ôostkantn van Belle teegn De Schreve ligt et grensgehuchtje De Seule.

't Weunn e grôote 14.000 mienschn en 't uutzicht is nog ossan styf Vlams, oundermêer om dan der achtern 'n Êestn Weireldôorloge (verre olles wos plateschootn) uuzn ezet zyn lik in Brugge. Deur Belle lôopt d'A25-ottostroade tusschn Rysel en Duunkerke, die en ounderdêel es van d'E42. In Belle ligt er ôok e stoasje an d'yzerboane tusschn Rysel en Oazebroeke. Ôok lôopt er en ôogesneleydlynne vo TGV's tusschn Rysel en Kales deur't groundgebied van de gemêente, mo die stopp'n iere vaneig'n nie.

Beziensweirdigeedn

't Staduus van Belle mè 't belfort, da ôorsprounkelyk wierd ipgericht in de twoalfde êeuwe mo deur d'n tyd verschilligte kêern es g'abimeerd deur brand of ôorloge. Ôok in d'n Êestn Weireldoorloge es't hillegansn platgesmeetn. Derachter es't erbouwd en sedert 1922 es't erkend lyk istorisch monument. 't Belfort es ôok, tôope mè nen ôop and're belfortn in Vloandern en Frans-Vloandern, erkend lik weirelderfgoed deur den Unesco.
De Sint-Vaastkerke
De Sent-Amandskerke
't Ôorlogsmonument, gebouwd ip de plekke van de vroegere Sent-Amandskerke mè stêen'n van de bist d'n oorloge platgesmeetn kerkn en belfort.
't Iengels ôorlogsmonument uut 1921
't Présidial, de vroegern rechtbank van de baljuw, es gebouwd in 1776 en es êen van de êenigste gebouwen die nie zyn platgesmeet bist d'n ôorloge.
't Museum Benoît de Puydt mè Vlamsche en Nederlandse kunst
't Uus van't Nederlands ofte Maison du Néerlandais (MNL), 't regionoal centrum vo 't Nederlands in Nôord-Vrankryk
In de gemêente zyn der verschilligte soldoatekerkoovn:
- 't Bailleul Communal Cemetery Extension, mè mêer of 4500 groavn
- 't Outtersteene Communal Cemetery Extension, in't gehucht Outerstene, mè 1465 gesneuveld'n
- Ip de gemêentelyke begroafplekke van Belle liggn der mêer of 700 Fransche en Iengelsche gesneuveld'n