Seso orałe

Età antiga e Mezoevo

Entro serti łimiti ła pràtega de'l seso orłae ła jera zenaralmente acetada in chełe culture in cui ła balneasion (terme, banji pùbleghi) ła jera un costume sosiałe sparpanjà. Inte ła Gresia antiga, inte ła cuała l'omosesuałità ła jera tołarà e el roło de ła dona inte ła sosietà zenaralmente no'l zera de spico, ła parsona che ła ezeguiva el seso orałe ła zera considarà ativa e cueła che ła ło reseveva ła zera considarà pasiva.

Inte l'antiga Roma pagana el seso orałe el zera zenaralmente visto inte n'òtega de sotomision e controło, evidenziada da do parołełatine che łe descrive l'ato: irrumare (penetrar oralmente) e fellare (ciuciar, supegar)

. "Ezeguir" calsiase pràtega de seso oral el zera considarà un ato pasivo, overo refleso de n'atività "sotometente", mentre "resever" el seso orałe el zera considarà un ato ativo, overo refleso de n'atività "controłante".

Inte 'sta łòzega ezeguir ła fellatio e el cunnilingus el zera considarà deplorevołe par un omo: in partegołar ła jera considarà n'aberasion par un omo èsar penetrà o controłà da n'altra parsoa de clase sosiałe infarior. 'Sta istesa łòzega parò ła ghe paremeteva a un omo de resever ła fellatio da na dona o da n'altro omo de na clase sosiałe infarior cofà un sciavo o un debitor, parché ła gavarìa espreso ła sotomision de ła parsona de clase infarior de ła cuała el gavarìa direto łe asion. El seso orałe tra menbri de clase sosiałe base el zera considarà un atejamento oncora pì visiozo.

A tal propòzito Catullo, inte'l só carmen XVI, el scrive:

Pràtega de seso orałe (fellatio) inte un vazo Mochica

A voaltri ło casarò inte'l cuło e in boca,
Aurelio ponpinaro e Furio cułatone,
a vu, che par serti me versi, A ze vero,
un fià desconsài, me credé dezenarà.
Un poeta a l'altesa el ga da èsar casto
łu mèdemo, mìa serto i só versi,
che de fato i ga argusia e saor
propio in cuanto un poco spenti e sensa pudor
e capasi de ingałar cuel serto prorìto,
no digo miga inte i tozi, bensì inte i cavroni
doramai incapasi inte'l darghe drento fiso co i gałoni.
Voaltri, parché łezé de tuti cuełi bazi a miłion,
voaltri no penseo che mi sia un mascio vero?
A voaltri ło casarò inte'l cuło e in boca!, [[#CITEREFPedicabo ego vos et irrumabo,
Aureli pathice et cinaede Furi,
qui me ex uersiculis meis putastis,
quod sunt molliculi, parum pudicum.
nam castum esse decet pium poetam
ipsum, uersiculos nihil necesse est;
qui tum denique habent salem ac leporem,
si sunt molliculi ac parum pudici,
et quod pruriat incitare possunt,
non dico pueris, sed his pilosis
qui duros nequeunt mouere lumbos.
uos, quod milia multa basiorum
legistis, male me marem putatis?
pedicabo ego vos et irrumabo|op. cit.]]

I Romani i considarava comuncue el seso orałe na pràtega asàe pì deplorevołe respeto a'l seso anałe: A se dizea che chi'l zera uzo prategarlo el patise de fià pezante e el zera speso un òspede zgradìo a toła. A se pensava che fuse stàe łe done de Lesbo ad aver introduzesto ła pràtega de ła fellatio e A se dizeva che łe uzase tènzer de bianco i łavri co ła sema. Contribuiva a 'st'altro zudisio anca razon de izene: A se retenhjea che el seso orałe el rendese ła boca onta e el costituise un potensiałe riscio par ła sałute.

Co'l zónzer de'l Mezoevo el seso orałe l'è stà considarà un tabù in gran parte de l'Ocidente, in partegołar a cauza de'l streto ed escluzivo neso fra sesuałità e procreasion posto da'l cristianèzemo de cheł'èpoga. In baze a 'sta conesion onji pràtega o ato sesuałe mìa cołegài a ła reprodusion i rezultava inpuri e i jera perciò severamente proibìi.

Età moderna

Łe dispozision rełigioze, spesialmente de'l cristianèzemo, in materia de ati sesuałi mìa diretamente finałizà a ła procreasion łe ga rendesto de fato 'sta pràtega poco acetada in Europa.

Tuti i grandi rezimi totałitari de'l Novesento, come el rezime nazista o i rezimi di matrise stałinista, speso i acuzava nemighi połìteghi de"ati imorałi che i minava ła cultura e ła tradision popołar" par poder ełiminar da ła sena sosiałe parsone retenjùe zgradìe a'l rezime.

Zviłupi a ła pràtega eròtega łi ga portà łe teorie de Sigmund Freud: Freud el ciama el contato tra łe zone erozene, ła mucoza łabiałe e i zenitałi, perversion, deviasion da l'ogeto sesuałe vero e propro, l'organo zenitałe de'l seso raverso, mìa na pràtega adata a'l razonzimento de'l coito (taconada). In pì inte l'omo ła fellatio, el contato tra ła boca de ła dona e l'organo zenitałe mascołin, el ze l'ato de poter so'l propio ojeto sesuałe drìo el pì antigo istinto de dominio propio a l'omo, mentre par ła dona no A ghe ze mìa presize indegasion a'l revardo.

Diverso el descorso par el film muto Blow Job de Andy Warhol de'l 1964, che, contrariamente a'l titoło esplisito e provocadorio, el mostra escluzivamente l'espresione de'l volto de'l zòvane protagnoista che, A se deduze, el ze el sojeto pasivo de un raporto orałe mìa mostrà.

Rełevansa inte'l derito penałe

Ła rełevansa penałe de'l seso orałe ła depende da ła partegołar considarasion che 'sto tipo de pràtega sesuałe el reveste in serte culture e de refleso inte i ordenamenti zurìdeghi: in calcheduni de łori el seso orałe no'l confegura miga un vero e propio raporto sesuałe, ma na forma de contato "inproprio", che no'l conporta el stabiłirse de na rełasion sesuałe a tuti i efeti

.

Ła łibarałizasion dei costumi sesuałi e l'avento de ła pornografia sinematogràfega a partir dai filmati erotici dei ani trenta i ga fato sì che el seso orałe el termenase de èsar un tabù e i ło ga inte un sertosenso "łezitimà"

. El seso orałe, ativo o pasivo, el ze deventà na pràtega conplementar o alternativa a'l raporto sesuałe conpleto, speso prategada inte l'anbito dei prełiminari a'l raporto vero e propio, overo come forma de petting.

Cuesto el ga avùo reflesi so'l costume, tanto che anca serti film mìa pornogràfeghi i prezenta serte sene esplisite de seso orałe.

El seso orałe el ze a'l sentro de ła visenda che ła revarda un cazo de viołensa sesuałe de na dona so un omo

avenjùa in Norveza. Inte'l zenaro de'l 2005 un tozo restà a dormir in caza de amighi dopo de na festa el ze stà zvejà da na só amiga che ła zera drìo prategarghe de'l seso orałe, mentre el conpanjo de ła toza el fotografava ła fellatio. Durande el proseso el tozo sotoponesto a'l raporto orałe el ga declarà de non aver mìa prestà el só consenso a eło, contro cuanto afermà da ła toza e da'l só conpanjo. Ła fełatrice ła ze stà condanada a 9 mezi de prezon e sincuemiłe euro de multa.

Inte'l 2006 a Taiwan na dona ła ga denunsià el marìo, reo de averla tradìa fazendo seso orałe co n'altra dona, ma l'Alta Corte taiwaneze ła ga decretà che un raporto orałe fora da'l matrimonio no'l costituise mìa adulterio. Infati ła łezizlasion taiwaneze in vigor no ła perecua el seso orałe a un raporto sesuałe conpleto, che'l consiste escluzivamente inte'l contato dei zenitałi de entranbi i partner. De iure condendo, cuarantanove zuristi i se ga riunìo par ezaminar ła materia e vałutar l'oportunità de modifegar ła łezizlasion pertinente, zonzendo parò a l'idèntega concluzion de l'autorità zudisiaria, overosipia che el seso orałe extramatrimoniałe no'l confegura mìa un adulterio, par cui ła łeze no ła ze stà modifegada.

el seso orałe el zera iłegałe in 22 Stati dei Stati Unìi d'America. Speso łe łeze che łe ghe ne declarava l'iłegałità łe proibiva anca ła sodomia e łe zera sovente direte soło a copie omosesuałe o almanco aplegàe soło in refarimento a tałe copie. Inte'l 2003 'ste łeje łe ze stà declaràe iłejitime da ła Corte Suprema e sia i raporti omosesuałi sia el seso orałe tra adulti consensienti i ze stà decriminałizài.

Ła cuestion se el seso orałe el confegure un raporto sesuałe ła ze deventada preminente inte i Stati Unìi inte'l 1998, co'l cusidito Sexgate: el presidente statunitense Bill Clinton el ga declarà davanti a na corte de non aver mìa avùo na rełasion sesuałe co ła stagista Monica Lewinsky, nonostante el gavevse repetutamente resevùo da eła seso orałe. Eło mèdeso drioman el ga definìo el seso orałe un "raporto inpropio" par scajonarse da l'acuza de aver mentìo davanti a ła corte.

Roło de'l seso orałe inte ła sesuałità umana

El seso orałe el ze prategà sia come alternativa a'l raporto sesuałe conpleto, sia come só prełiminar o conplementar. Va tutavia rebadìo che el seso orałe no el ze un mètodo de prevension de łe małatie sesualmente trazmisibiłe, ma senplisemente un ato sesuałe ndove che no A ghe ze contato direto de'l sperma co ła vagina, mentre A pol èsarghe contato direto de'l sperma co ła łengua e ła mucoza de ła boca.

In raporto a łe diverse culture e psicołozìe, i individui i ga un raporto variabiłe co el seso orałe, che'l pol ndar da'l dezgusto a'l soło pensier, a'l deziderio come ato asàe piazévołe, fin a'l prefarirlo a ła penetrasion zenitałe o anałe.

I organi sesuałi no i ze mìa łe ùneghe parte anatòmeghe de'l corpo uman a èsar tanto sensibiłe e riche de termenasion nervoze: anca ła boca, ła łengua e i łavri i ło ze. Par 'sto motivo el piaser de'l seso orałe no'l se łimita unegamente a ła parsona che ła ło reseve. Paraltro el piaser de'l partner che'l ło ofrise el pol èsar insentivà da'l fato de trovar piazevołe ed esitante el saor e/o l'odor de l'aparado zenitałe de'l resevente.

El seso orałe el pol anca azevołar ła sucesiva eventuałe penetrasion, in partegołar cuando che l'esitasion che eło el produze inte ła dona che ła ło reseve el mejora ła łubrifegasion vazinałe azevołando l'ingreso de'l pene o de sex toy. In pì ła pràtega de'l seso orałe so'l pene ła ghe ne favorise l'eresion e ła pol èsar utilmente adotada per rezolver tenporanei deficit eretiłi dovùi ad ezenpio a cauze psicołòzeghe tranzidorie.

Tècneghe

Fellatio

Fellatio: stimołasion orałe de'l pene, mentre co ła man sanca ła ło masturba

'Sto tipo de stimołasion, che ła pol portar a l'orgazmo e a l'eiacułasion, no'l ze nesesariamente dovùo a ła "suzione", definision etimołòzega de ła fellatio, bensì pì sovente a'l mèdemo mecanizmo de'l coito zenitałe: el partner el stimoła el glande co łavri e łengua imitando el movimento de'l coito, prategando cuindi un vero e propio "penilingus", in zènare tenjindo fermo el pene co ła man o caresandoło, coinvolzendo eventualmente inte l'ato anca i bàzari (testicołi).

A ze eventuałe l'inzestion de'l sperma (cołocuialmente dita "l'ingoio" "l'ingiotida"), dao che ła fellatio ła pol no culminar mìa inte l'eiacułasion, par ezenpio parché doparada soło come prełiminar a'l coito, overosipia come "heavy petting", opur 'st'ùltema ła pol aver łogo fora da'l scanso orałe de'l partner.

Deep-throating

Deep-throating

Na tècnega definìa in angleze deep-throating ("goła profonda" - da'l séłebre film omònemo) ła ze cueła in cui l'intiero pene ereto el vien introduzesto inte ła boca de'l partner. Poiché pardesòłito el pene ereto el ze pì łongo de'l cavo orałe, 'sta tècnega ła rechiede de "ingiotirghene" na parte; ciò è A ze posibiłe soło soprimendo el refleso istintivo a gomitar che'l se zènara par ezenpio cuando As se se inpira un deo in goła; par ezeguir el deep throating chi che'l ło ofre el ga da aver paronansa inte'l rełasar i mùscołi farinzei mentre vien gradualmente insarìo el pene ereto. Ła pozision pì favorevołe da asumer par ezeguirlo ła ze cueła raversa a'l partner (ła pràtega altrimenti nota come "69"), poiché par prategar ła fellatio in pozision stante, par ezenpio inzanociài, ła ze indespensabiłe fleter el pene ereto de'l partner par portarlo almanco inte na pozision orizontałe.

Irrumatio

Ła pràtega de l'irrumatio ła ze sìmiłe a ła fellatio, ma ła conporta ła penetrasion de ła boca cofà orifisio pasivo ansiché ativo, spostando el controło prevałente de'l raporto da ła parsona che ła reseve el pene in boca a cuała che ła ghe ło introduze. Inte l'acesion łatina, el tèrmane el indegava probabilmente solche ła penetrasion orałe de un partner mascołin, come inte l'invetiva catułana reportada de sora.

Cunnilingus

Cunnilingus

Ła vulva (pota), in partegołar modo ła clitoride, ła vien bazada, łicada o supegada. Anca l'ingreso de ła vagina el pol èsar stimołà co ła łengua. Par serte done el cunnilingus, spesialmente se ezeguìo da un partner ałenà, el rezultarìa asè pì eficase de ła penetrasion inte'l portarle a'l razonzimento de l'orgazmo.

Serte parsone łe retien che tontonar durando el cunnilingus (o anca durando ła fellatio) el pose aumentar ła sodisfasion de ła partner. El comico Sam Kinison el ga suzerìo inte un nùmaro de cabaret de dezenjar co ła łengua łétare dell'alfabeto durando el cunnilingus. El spunto irònego el ze stà doparà inte'l film Cruel Intentions inte'l cuało Ryan Phillippe el seduze e el inisia a'l seso na stra zòvane Selma Blair resitandołe l'alfabeto.

L'odor a volte poznente de'l seso de ła partner el pol rezultar gradìo a calcheduni (na pràtega ła consiste inte'l respirar tałi odori) e infastidir altri. In onji cazo na coreta e tenpestiva izene ìntema, de'l resto suzarìa da'l bon senso in calsiase tipo de raporto sesuałe, ła pol evitar ła formasion de odori zgradevołi che in zenarałe i ze da atribuirse a ła prezensa de bateri.

Prategando el cunnilingus A pol capitar che de l'aria ła entra inte ła pota e che l'istesa ła esa fora, senpre durando ła pràtega, dandoghe vita a na sorta de flatułensa vazinałe asołutamente invołontaria e inodore.

Facesitting

El facesitting (łetaralmente"sentarse so ła fasa") el ze na forma de cunnilingus o anilingus ndove chi che'l ło reseve el ga un roło ativo e el se senta so'l vizo de ła parsona che ła ghe ło ofre, strucandoło co i propi zenitałi o co'l propio ano. Come inte l'irrumatio, ła parsona che ła ofre el seso orałe durando el facesitting ła ga un roło scuazi escluzivamente pasivo.

Sesantanove o 69

Ła pozision d'el 69

El seso orałe el pol èsar ezeguìo da entranbi i partner inte'l steso momento inte ła pozision de'l 69. Ła pozision ła ze cusì ciamada parché ła forma de łe cifre 6 e 9, intendeste come parsone stiłizàe, ła suzarise na só pozision afrontada e resiprògamente inversa.

Teabagging

Teabagging

Teabagging el ze un tèrmane zergałe de'l łenguajo zovaniłe de ła cultura anglosasone che ła ìndega l'ato conpìo da'l mascio inte l'insarir el só scroto indrento a ła boca de'l partner. In 'sta pràtega eròtega el partner el pol spontonar łe bałote bazàndołe o łecàndołe par aumentar el piaser de ła parsona coinvolta. Łe orìzene de'l nome atribuìo a tałe pràtega łe ze dovùe a ła somejansa co'l zesto de negar na busta de tè (in angleze: tea bag) drento de na cìcara, co el tìpego movimento repetidivo. Dada l'asensa de penetrasion el ze un ato prategabiłe par puro erotizmo e durando i prełiminari.

Anilingus

Do done che łe pràtega l'anilingus: primo piano

L'anilingus, dito anca rimming o rimjob, el consiste inte'l spontinjar l'ano co ła boca e ła łengua. 'Sta pràtega ła pol èsar gradìa sia dai òmeni sia da łe done in considarasion de ła idèntega sensibiłità de l'ano in entranbi i zènari sesuałi.

Auto-stimołasion orałe

Auto-fellatio

Un omo che'l pràtega l'autofellatio

El ze el seso prategà da un omo so sé steso: na forma de masturbasion che ła consiste inte'l stimołar el propio pene co ła propia boca e łengua. In realtà el ze un ato che a ła stragranda majoransa dei òmani el rezulta inposibiłe; no'l riese se no A ghe ze ła justa conbinasion de un corpo zneło, de na notévołe flesibiłità de ła spina dorsałe, e de na sufisiente łongjsa de'l pene nesesari par conpir 'sto ato. L'auto-fellatio, ndove che A recora 'sti rechiziti, ła pol èsar ezeguìa in diverse pozision: stando in pìe, stando in zanocio, da sentài, opur destirà supini. De fato A se distingue sostansialmente do pozision: ła pozision "a C", e ła pozision "a X".

• Ła pozision "a C" ła ze ła pì frecuente e ła consiste senplisemente inte'l fléter el torso in vanti fin a razonzer el propio pene co ła boca. De raro ła vien ezeguìa stando in zenocio par ła consistensa de łe cose che łe urta contro łe coste infariore, e ancora manco stando in pìe (postura pì fadigoza). Ła major parte de łe parsone capase de auto-fellatio ła ezegue: stando sentài so na suparfise piana (a tera o so un łeto) e divaricando łe ganbe; stando senàti so na prestasion realsada (na carega, un scanjeło, ecc.) inte'l cuało cazo ghe ze el vantajo de ła spenta dei pìe che ła parmete un ultarior avisinamento de'l basin; infin da na pozision supina, stando destirài a tera o so un łeto e butando a l'indrìo łe ganbe come a vołer far na scałorìva a l'inverso.