Pierre Trudeau

Pierre Trudeau
Kapanganakan	18 Oktubre 1919 Montréal (Urban agglomeration of Montreal, Montreal Region, Québec, Canada)
Kamatayan	28 Setyembre 2000 Montréal (Urban agglomeration of Montreal, Montreal Region, Québec, Canada)
Libingan	St-Rémi-de-Napierville Cemetery
Mamamayan	Canada
Nagtapos	London School of Economics Paaralang Harvard Kennedy Sciences Po
Trabaho	politiko, abogado, mamamahayag, hukom, diyarista, memoirist, jurist, guro
Opisina	Punong Ministro ng Canada (20 Abril 1968–4 Hunyo 1979) Punong Ministro ng Canada (3 Marso 1980–30 Hunyo 1984)
Asawa	Margaret Trudeau (4 Marso 1971–18 Abril 1984)
Anak	Justin Trudeau Alexandre Trudeau Michel Trudeau
Magulang	Charles Trudeau
Pirma

Si Joseph Philippe Pierre Yves Elliott Trudeau, PC CH CC QC FRSC ( /truːˈdoʊ/; Pagbigkas sa Pranses: [tʁydo]; Oktubre 18, 1919 – Setyembre 28, 2000), higit na kilala bilang Pierre Trudeau o Pierre Elliott Trudeau, ay ang ika-15 Punong Ministro ng Canada mula Abril 20, 1968 hanggang Hunyo 4, 1979, at muli mula Marso 3, 1980, hanggang Hunyo 30, 1984.

Nagsimula ang karera ni Trudeau sa pulitika bilang abogado, intelektuwal, at aktibista sa Quebec. Noong mga 1960 pinasok niya ang pederal na pulitika nang siya'y sumapi sa Liberal Party ng Canada. Hinirang siya ni Lester B. Pearson bilang Kalihim sa Parlamento at nang maglaon naging Ministro ng Katarungan. Pinagpiyestahan ng midya si Trudeau at tinawag itong "Trudeaumania". Nagsimula siyang pamunuan ang mga Liberal noong 1968. Sa huling bahagi ng dekada '60 hanggang kalagitnaan ng dekada '80, nangibabaw ang kaniyang personalidad sa larangan ng pulitika, isang bagay na hindi pa nasaksihan sa bansa, na naging sanhi ng maaalab at naghahating reaksiyon sa buong bansa. "Reason before passion" (Kadahilanan bago silakbo ng damdamin) ang kaniyang motto. Nagretiro siya sa pulitika noong 1984, at humalili sa kaniya bilang punong ministro si John Turner. Ang kaniyang panganay na anak na si Justin Trudeau ay ang nakatakdang susunod na Punong Ministro, kasunod ng halalan noong 2015.