தி யூசுவல் சஸ்பெக்ட்ஸ்
| தி யூசுவல் சஸ்பெக்ட்ஸ் The Usual Suspects | |
|---|---|
 சுவரொட்டி | |
| இயக்கம் | பிறையன் சிங்கர் |
| தயாரிப்பு |
|
| கதை | கிறிசுதோபர் மெக்குவர்ரீ |
| இசை | சான் ஒட்மன் |
| நடிப்பு |
|
| ஒளிப்பதிவு | நியூட்டன் தாம்சு சீகல் |
| படத்தொகுப்பு | சான் ஒட்மன் |
| விநியோகம் |
|
| வெளியீடு | சனவரி 25, 1995 (சன்டான்சு) ஆகத்து 16, 1995 (ஐக்கிய அமெரிக்கா) |
| ஓட்டம் | 106 நிமிடங்கள்[1] |
| நாடு | |
| மொழி | ஆங்கிலம் |
| ஆக்கச்செலவு | $6 மில்லியன்[3] |
| மொத்த வருவாய் | $34.4 மில்லியன்[3] |
தி யூசுவல் சஸ்பெக்ட்ஸ்(தமிழ்: வழக்கமான சந்தேக நபர்கள்) 1995 ஆம் ஆண்டு வெளியான அமெரிக்கத் திரைப்படம் ஆகும்.[4][5] இத்திரைப்படம் குற்றம் மற்றும் மர்மம் வகையைச் சேர்ந்ததாகும். இதன் இயக்குநர் பிரையன் சிங்கர். இந்தப் படத்தின் பெயர் காசாபிளாங்கா என்ற பிரபல திரைப்படத்தின் வசனத்திலிருந்து பெறப்பட்டது. இயக்குநர் சிங்கர் இத்தலைப்பு மிகவும் சரியாக இருக்கும் என்று முடிவு செய்தார்.
கதைக்களம்
[தொகு]இதன் கதைக்களமானது ரோஜர் 'வெர்பல்' கிண்ட் என்ற சிறு குற்றவாளியின் காவல்துறை விசாரணையைச் சார்ந்து இருக்கும். வெர்பல் லாஸ் ஏஞ்சல்ஸ் துறைமுகத்தில் நிகழ்ந்த தீ விபத்து மற்றும் படுகொலைகளில் இருந்து உயிர் பிழைத்தவர். அவர் விசாரணை அதிகாரியிடம் பல நிகழ்வுகளின் காரணமாக தான் மற்றும் தனது கூட்டாளிகள் துறைமுகத்தில் உள்ள படகை அடைந்ததாக ஒரு குழப்பமான கதையைக் கூறுவார். மேலும் அவர்களுக்கு ஆணைகள் வழங்கிய கைசர் சோசே என்ற மர்மத் தலைவன் பற்றியும் கூறுவார்.
கதைச் சுருக்கம்
[தொகு]நியூயார்க்கில் வாகனக் கடத்தலில் ஈடுபட்டதாகக் கருதி வழக்கமான குற்றவாளிகளான வெர்பல் கிண்ட் மற்றும் நான்கு பேர்களை காவல்துறை கைது செய்கிறது. ஆனால் அவர்கள் நிரபராதிகள் ஆவர். விடுதலைக்குப் பிறகு காவல்துறையைப் பழிவாங்கும் காரணத்திற்காக இவர்கள் ஐந்து பேரும் ஒரு கொள்ளைச் சம்பவத்தை செய்து முடித்து லாஸ் ஏஜென்ஸ் நகரில் தலைமறைவாவார்கள். அவர்களை ஒரு வழக்கறிஞர் சந்தித்து மேலும் ஒரு குற்றச் சம்பவத்தை செய்யக் கோருகிறார். இவர்கள் நடக்க இருக்கும் பயங்கரத்தை அறியாமல் அதை செய்ய முடிவு செய்கின்றனர். மிகவும் பயங்கர சர்வதேச குற்றவாளியான கைசர் சோசேவால் இயக்கப்படுவதை அவர்கள் அறிந்திருக்கவில்லை. துறைமுகத்தில் நடந்த அந்த குற்ற சம்பவத்தின் பொழுது 27 நபர்கள் கொல்லப்படுகின்றனர். மேலும் படகு வெடித்து தீ விபத்து ஏற்படுகிறது. விசாரணையில் இக்குற்றம் நடந்ததற்கு காரணமாக பல நிகழ்வுகளை கூறுகிறார். இறுதியில் நிரபராதியாக கருதி அவர் விடுவிக்கப்படுகிறார். மேலும் ஒரு மர்மக் திருப்பத்துடன் திரைப்படம் நிறைவு பெறுகிறது.
தயாரிப்பு மற்றும் வெளியீடு
[தொகு]இத்திரைப்படம் 5.5 மில்லியன் டாலர் செலவில் லாஸ் ஏஞ்சல்ஸ் சான் பெட்ரோ மற்றும் நியூயார்க் நகரங்களில் 35 நாட்களில் படமாக்கப்பட்டது. வெளியிடுவதற்கு முன்பு பொதுமக்களிடம் விளம்பரத்திற்காக பேருந்து மற்றும் விளம்பர பலகைகளில் "யார் இந்த கைசர் சோசே?' என்று குறிப்பிட்டது படக்குழு. இந்த திரைப்படம் 1995 கேன்ஸ் திரைப்பட விழாவில் திரையிடப்பட்டது. பின் குறைவான திரையரங்குகளில் மட்டும் வெளியிடப்பட்டது. சாதகமான வரவேற்பை பெற்றதால் பிறகு பரவலாக வெளியிடப்பட்டது. வட அமெரிக்காவில் மட்டும் 23 மில்லியன் டாலருக்கும் மேல் வசூலைப் பெற்றது.
பாராட்டுகள்
[தொகு]இந்த படத்திற்காக எழுத்தாளர் மெக்குயரி மற்றும் கெவின் ஸ்பேசி என்ற நடிகரும் உயரிய ஆஸ்கர் விருதினை வென்றவர்கள். அமெரிக்க எழுத்தாளர்கள் குழு இப்படத்தின் திரைக்கதையை அனைத்து கால திரைப்படங்களையும் கணக்கில் கொண்டு 35வது சிறந்த திரைக்கதையாக வரிசைப்படுத்தியது. ஜூன் 17 2008 இல் அமெரிக்க திரைப்பட நிறுவனம் பல வகைகளிலான சிறந்த 10 படங்களை அறிவித்தது. அப்பட்டியலில் இத்திரைப்படம் பத்தாவது சிறந்த மர்ம திரைப்படமாக இடம்பெற்றது. மேலும் வெர்பல் கிண்ட் என்ற கதாபாத்திரம் நாற்பத்தி எட்டாவது சிறந்த வில்லனாக அறிவிக்கப்பட்டது. இந்தியாவில் இந்தி மொழியில் 2005ல் வெளியான சாக்லேட் என்ற திரைப்படம் இப்படத்தை தழுவி எடுக்கப்பட்டதாகும். இந்தத் திரைப்படம் 1996 ஆங்கிலேய திரைப்பட விருது விழாவில் சிறந்த படத்திற்காக பரிந்துரை செய்யப்பட்டது. அந்த விருது விழாவில் அசல் திரைக்கதை பிரிவிலும் படத்தொகுப்பு பிரிவிலும் இத்திரைப்படத்திற்கு விருது கிடைத்தது. இயக்குநர் சிங்கர் சிறந்த அறிமுக இயக்குனருக்கான எம்பயர் விருதினை வென்றார். தி இன்டிபென்டன்ட் என்ற ஆங்கிலேய பத்திரிக்கை இத்திரைப்படத்தின் முடிவு மிகவும் நேர்த்தியாகவும் எதிர்பார்ப்பை கடந்து இருப்பதாகவும் தெரிவித்தது. படம் பார்த்த பிறகு ரசிகர்களால் மனதில் தெளிவான (திரையில் கண்டதற்கு மாறுபட்ட) கதையை அறிய முடிவதாக தெரிவித்தது.
மேற்கோள்கள்
[தொகு]- ↑ "The Usual Suspects (18)". British Board of Film Classification. மே 26, 1995. பார்க்கப்பட்ட நாள் மே 30, 2014.
- ↑ 2.0 2.1 "The Usual Suspects (1995)".
- ↑ 3.0 3.1 "The Usual Suspects". The Numbers இம் மூலத்தில் இருந்து April 6, 2014 அன்று. பரணிடப்பட்டது.. https://web.archive.org/web/20140406030637/https://www.the-numbers.com/movie/Usual-Suspects-The#tab=summary.
- ↑ Conard, Mark T (2007). The Philosophy of Neo-Noir. University Press of Kentucky. பன்னாட்டுத் தரப்புத்தக எண் 978-0-8131-3717-9.
- ↑ Silver, Alain; Ward, Elizabeth; Ursini, James; Porfirio, Robert (2010). Film Noir: The Encyclopaedia. Overlook Duckworth (New York). பன்னாட்டுத் தரப்புத்தக எண் 978-1-59020-144-2.
வெளியிணைப்புகள்
[தொகு]