Euroviisuh-lávlumkišto 2017

Euroviisuh-lávlumkišto 2017 lâi 62. kerdi, ko lávlumkišto uárnejui. Kišto uárnejui Kiovast, Ukrainast, tondiet ko Ukraina ovdâsteijee Jamala vuoitij ive 2016 kišto, ko sun finnij finalist 534 čyegisid pitástis 1944.

Semifinaleh uárnejuvvojii vyesimáánu 9. peeivi já 11. peeivi. Fiinaal uárnejui vyesimáánu 13. peeivi 2017. Taat lâi nubbe kerdi, ko Euroviisuh uárnejuvvojii Ukrainast já Kiovast. Euroviisuh lijjii jo uárnejum tobbeen ive 2005. Kiišton uásálistii ohtsis 42 staattâd. Ruoššâ já Bosnia-Hercegovina kiäsádâttii ive 2017 kištoost.

Portugal ovdâsteijee Salvador Sobral finnij finalist 758 čyegisid pitástis Amar pelos dois já vuoitij kišto. Sun finnij aalmugijkoskâsijn raađijn 382 čyegisid já telejienâstmist 376 čyegisid.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2017.