Dakota Fanning
| Dakota Fanning | |
|---|---|
| |
| Persovntiäđuh | |
| Šoddâm | kuovâmáánu 23. peeivi 1994 |
| Conyers, Georgia, Ovtâstum staatah | |
| Karrieer | |
| Aktiivlâžžân | 1999– |
| Merhâšittee roolah | I Am Sam The Cat in the Hat War of the Worlds The Twilight Saga The Alienist Once Upon a Time in Hollywood |
| Lasetiäđuh | |
| IMDb-sijđo | IMDb |
Hannah Dakota Fanning (š. 23. kuovâmáánu 1994 Conyers, Georgia) lii ovtâstumstaatâlâš čaittâleijee.
Eellim
[mute | mute käldee]Fanning šoodâi ive 1994 Conyersist Georgiast atleettisâš perrui. Suu enni Heather Joy (j.s. Arrington) lii tennisspellee já eeči Steven J. Fanning baseballspellee. Fanningist lii meid uccuábbi Elle Fanning (š. 1998), kii še lii čaittâleijee.[1]
Karrieer
[mute | mute käldee]Fanning čaittâlškuođij uáli jo uccen, ko suu enni tuálvui suu čaittâlemkuursân. Sun uážui vuosmuu roolâs máinusist viiđâihásâžžân.[2]
Vuosmuš stuorrâ elleekoveroolâ Fanningist lâi elleekooveest I Am Sam (2001), mast sun čaittâlij Sean Pennáin. Elleekooveest Fanning čaittâlij nieidâ, kiän eejist (Penn) láá mielâtiervâsvuotâčuolmah. Tai čuolmâi tiet eeči kárttá taistâliđ nieidâs huolâtteijeevuođâst. Esken 7-ihásâš Fanningist šoodâi roolâs keežild nuorâmus čaittâleijee kuássin iävtukkâssân Screen Actors Guild -palhâšume finnejeijen.[3]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Dakota Fanning.
- Dakota Fanning Internet Movie Databasest (eŋgâlâskielân)
Käldeeh
[mute | mute käldee]- ↑ Dakota Fanning IMDb. Čujottum 1.12.2024. (eŋgâlâskielân)
- ↑ Dakota Fanning Earned Her Starring Role in ‘The Watchers’ Based on a Vibe biography.com. 30.4.2024. Čujottum 1.12.2024. (eŋgâlâskielân)
- ↑ History of the 8th SAG Awards web.archive.org. 7.9.2008. Screen Actors Guild Awards. Čujottum 1.12.2024. (eŋgâlâskielân)