ټاپو
يو ټاپو (عربي: جزيره) (انګليسي: island) د ځمکې يوې داسې ټوټې ته وييل کېږي چې شاوخوا په اوبو کې راگيره وي. په بله وينا په اوبو کې راگير د ځمکې وچې ټوټې ته ټاپو يا جزيره وايي. وړوکي ټاپو ته ټاپوگی وايي. ټاپوان په دوه عمده ډولونو وېشل شوي چې په دغو کې براعظمي يا د لويې وچې ټاپوان او سمندري ټاپوان شامل دي. ځينې ځايونو کې صنعتي ټاپوان هم شته چې انسانانو جوړ کړي. د ټاپوانو جغرافي ډلبندۍ يا جغرافيې ته اړونده ډلبندۍ د آرکيپېلاگو په نامه يادېږي.