کیلا

کیلے دیاں چار ونڈاں

مصر وچ کیلے دا رکھ

کیلا اک عام کھادے جانوالے پھل دا ناں اے جیہڑے اک وڈے پھلوالے کیلا ٹبر دیاں کئی ونڈاں تے ہوندا اے۔ ایہہ فروٹ ناپ رنگ اتے پینڈے ہون وچ وکھرا وہندا اے۔ عام وکھالے وچ ایہہ لما، مڑیا جیہدا گودا نرم اَتے نشاستے والا ہوندا اے۔ ایہدا چھلڑ ہرا، پیلا، لال، جامنی اتے پکن اتے پشرا ہوسکدا اے۔ فروٹ اک گچھے وانگوں لگدا اے جیہڑا رکھ دے اُتّے لگدا اے۔ اجکل کھادے جانوالے بخیر بی دے کیلے دو ونڈاں توں بنے نیں جنہاں د جور موسا ٹوکرے توں اے۔ ایہہ ٹراپیکی ہندی ملایا اتے اسٹریلیا دے واسی نیں۔ خورے ایہہ پہلی واری پاپوا نیوگنی وچ اگاۓ گۓ اَتے ہن جگ دے 107 دیساں وچ اگدے نیں۔

کیلا فروٹ دے نال نال بوٹے دا ناں وی اے۔ بوٹے لمے اتے چنگے تکڑے ہوندے نیں اتے پلیکھے نال ایہناں نوں رکھ کہیا جاندا اے۔ ایہدا جیہڑا تنا دسدا اے اوہ چؤٹھا تنا ہوندا اے۔ کیلا کسے وی زمین وچ ہوسکدا اے پر ایہہ گھٹو گھٹ 60 سینٹی میٹر ڈونگھا ہووے، پاݨی رکدا نہ ہووے اَتے زمین پینڈی نہ ہووے۔

وکھالہ

کیلے دا پتہ کیلا ٹاہنی تے اَتے اک لمّی چوڑی پتی نال رل کے بݨدا اے۔ ایہہ لما پتہ بوٹے دی چؤٹھی ٹاہنی توں نکلدا اے۔ ہر نواں پتہ نکلن مگروں تنے توں دوجے پتیاں توں پرے جاندا اے اتے اینج ٹیسی تے اک چنڈ بندا دسدا اے۔ اّ اگاۓ گۓ بوٹیاں دے ناپ ونڈ دے حساب نال وکھرے ہوندے نیں۔ لامت 5 م (16 فٹ) تکدے ہوندے نیں۔ پتے چکر دی شکل وچ بوٹے تے ہوندے نیں اتے 2.7 میٹر(8.9 فٹ) لمے اتے 60 سینٹی میٹر(2.0 فٹ) چوڑے ہوندے نیں۔ ایہناں وچ ہوا بڑی اسانی نال کٹ پادندی اے۔

جدوں کیلے دا بوٹا پورا جوان ہوجاندا اے تاں فیر اوہدی گنڈ وچوں نویں پتے بننے بند ہوجاندے نیں۔ ایہدے وچ فیر پھل گچھا بنن لگ جاندا اے۔ بوٹے دے چوٹھے تنے وچ اک تنا بندا اے جیہڑا فیر پھل گچھا بندا اے اَتے اوہ پھل اکے کیلے بندے نیں۔ فروٹ لگن مگروں اوہ چؤٹھا ٹاہنی مرجاندی اے تے مدھ توں ہور بوٹے اکدے نیں اتے اینج بوٹا سدا ای رہندا اے۔ آپ اگائی وچ اکو ٹاہنی نوں اگن دندے نیں تاں جے تھاں پھیلن دی روے۔ مادھ پھل نر پھلاں نالوں اُتّے ہوندے نیں۔ کیلے دے گچھے دا پآر 30–50 کلوگرام تک ہوندا اے۔ اک گجھے وچ 60 توں 400 تک کیلے ہوندے نیں۔ اک کیلا 125 کرام دا ہوسکدا اے جیہدے وچ 25% پاݨی اَتے 75% سُکّا ماس۔

کیلے نوں بچان لئي ایہدے اتے چھلڑ ہوندی اے جیہدے اندرلے پاسے لمبائی والے پاسے تنداں ہوندیاں نیں تے آپ اگائیاں ونڈاں وچ بی نہیں ہوندے اندر کالے نشان ای بیاں دے رہ گئے نیں۔ ۔

2012 وچ 10 وڈے اگانوالے
دیس	ہوند ٹناں وچ	٪
ھندستان	29.7
یوگنڈا	11.1
چین	10.7
فلپائن	9.2
ایکویڈار	8.0
برازیل	7.3
انڈونیشیا	6.1
کولمبیا	5.1
کیمرون	4.8
تنزانیہ	3.9
ریندے سارے دیس	49.6
دنیا	145.4

طاقت

کیلے وچ وٹامن بی 6 ودھ ہوندا اے۔ کجھ فائبر، تھوڑے ناپ وچ وٹامن سی، مینگانیز اتے پوٹاشیم ہوندے نیں۔ دوجے فروٹاں نال رلا کے کھان نال کلوریکٹل کینسر دا ڈر گھٹ جاندا اے، سوانیاں وچ چھاتی دا کینسر اَتے رینل سیل کارسینوما وی ایہہ گھٹا دیندا اے۔ کیلے کھان نال ڈوپامائن دے بنن اتے چنگا اٹر پیندا اے جیہڑے امینو ایسڈ ٹائروسائن دے گھاٹے وچ ہوندے نیں۔

بارلے جوڑ

اتہ پتہ