Sufism
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Ël Sufism o Tasawwuf (an àrab تصوّف - taṣawwuf) a l'é la forma d'arserca mìstica (da Mysticos, visadì "ch'a arvarda l'inissiassion") tìpica dla cultura islàmica. Ël Sufism a ven dle vire definì com l'antica union dël Cristianésim e del neoplatonism, che a l'avìa dàit vita a na forma d'arserca anterior, ël misticism ëd l'Islam. Ël Sufism a l'é la siensa dla conossensa direta ëd Dé; soe dotrin-e e ij sò métod a son derivà dal Coran, combin che ël Sufism a dòvra dij consèt derivà da sorziss greche, përsian-e antiche e indù. An tùit ij cas, combin che soe ideje a sio pijà da culture e religion diferente, as peul disse che l'essensa dël Sufism a sia islàmica. La tradission sufi a dis che ël moviment a l'era nassù con j'ancontr dij fedèj mussulman ch'a l'avìo gnente da fé ("coj dla banca") ant la moschea ëd Medin-a ai temp ëd Maomet dëdnans a la stansia ëd soa fomna 'À'isha. |
