Hemshof

49.4883338.433611

Hemshof Schdadd Ludwichshafe
Wabbe vun Hemshof
Flesch:	1,58dep1
Oiwohna:	16.639 (9. Mrz. 2011)
Poschdlaizahl:	67063
Kaad Laach vum Hemshof in Ludwichshafe

De Hemshof isch de äldschd Schtadtdail vun Ludwichshafe unn kehrd zum Ordsbezirg nerdlische Inneschdadt. Er war erschd än Bauernhof un do in de Näh war die Rhaischandz, schbäder ware nur 4 Schdroße, die Behlschdroß, die Korze Schdroß, die Hemshofschdroß un die Fabrikschdroß. Nerdlisch vun Hemshof liegd die Anilin. Im Hemshof wohne 16.720 Lait uff 1,58 km², er hot dodemid ä Bevelkerungsdischd vun 10.582 Oiwuhner/km². De Hemshof hot ä Auslännerodail vun 43,8%, die maischde Migrande kumme aus de Tirkai, Italie unn dem ehemolische Jugoslawie.

Gschischd

Bis zur Schdadtgrindung vun Luddwischshafe im Johr 1853 is de Hemshof en Bauernhof uff de Gemargung vun Friesnem gewessd. Uff de haidische Gemargung vum Hemshof henn sisch aa de Ganderhof, de Rohrlacha Hof unn de Gräfenaua Hof befunne. 1870 bis 1910 hot sisch de Hemshof zu em Schdadtdääl vun Luddwischshafe endwiggeld unn is zu em Wohngebied fer die Arwaider vun de Anilin worre. Said de 60er Johr siedle sisch im Hemshof bevorzuchd Auslänner õõ.

Kuldur

Es Prinzregende-Theada im Hemshof

De Reschissör Hermann Basler hot ab 1920 de erschde daitsche Weschdern in Luddwischshafe gedrehd. Als Schdadischde hot er Midglieda vum Adledeklub Hemshof genumme, die hot mer desweege aa "Hemshof-Indiåner" genennd.

Im Hemshof gebbds es Prinzregende-Theada unn die Hemshofschachdel, welle baide Schdigga uff Pälzisch ufführe.

Persenlischkaide

Die Hemshof-Friedel

Die Hemshof-Friedel, welle die Lait midd ihre derwe Lieder unnerhalde hot, hot longe Zaid im Hemshof gewuhnd.

De Reschissör Wilhelm Dieterle is im Hemshof gebore worre.

Websaide

 Commons: Ludwigshafen-Hemshof – Sammlung vun Bilder, Video un Audiodataie