Boneiru
Boneiru 'Entidat públiko Boneiru' | ||
---|---|---|
![]() | ||
Informashon básiko | ||
Idioma ofisial | Papiamentu, Hulandes | |
Kapital | Kralendijk | |
Forma di gobernashon | Demokrasia parlamentario Monarkia konstitushonal | |
Soberania | Munisipio spesial di Hulanda | |
Establesimento di soberania
Teritorio insular (Eilandgebied) | ||
Kabesante di estado | ||
Geografia | ||
Área | 288 (n/a% awa) | |
Elevashon riba nivel di laman |
241 meter | |
Koordinatonan | 12°10′46.6″N 68°15′29.2″W / 12.179611°N 68.258111°W | |
Demografia | ||
Populashon | 24.090 (1 yanüari 2023) | |
Densidat | 83.6 hab/km² | |
Otro infromashon | ||
Moneda | Dòler (Dollar) (USD )
| |
UTC | -4 | |
Wèp | Tel. | .an | +599
| |
Mapa detaya di Boneiru | ||
![]() | ||
[Editá Wikidata] · [Manual] |
Bonaire (òf Boneiru i na Aruba: Boneiro) ta un isla hulandes den Hulanda Karibense ku ta forma un munisipio spesial komo entidat públiko karibense. E ta un di e islanan ABC (Aruba, Boneiru i Kòrsou). E kapital ta Kralendijk, i e stablesimentu mas bieu ta Rincon. E idiomanan mas komun ta ingles, spaño i papiamentu. E idioma ofisial ta hulandes. Te 2010 Boneiru tabata un isla di e Antias Hulandes, anterior país outónomo di Reino Hulandes. Kòrsou a haña su Status Aparte huntu ku Sint Maarten, riba 10 di òktober 2010. Boneiru, Saba i Sint Eustatius a bira munisipio di Hulanda, e asina yamá islanan-BES.
Boneiru tin un área di 288 km² (111 mia²). Den e senso di Antias Hulandes di 2001, e poblashon tabata 10.791 habitante, dus mas hende ku promé, lokual ta nifiká un densidat di poblashon di 37 habitante pa kilometer kuadrá. Den 2004 e poblashon tabata aproksimadamente 10.185 habitante. Na komienso di 2020 tabata aproksima un poblashon 20.900 habitante.[1]. Klein Bonaire tin un área di 6 km² i no ta habitá.
Historia
[editá | editá fuente]E promé habitantenan di Boneiru tabata e kaiketionan di Venezuela, ku a yega e isla banda di aña 1000. E úniko restantenan di e indjannan aki ta entre otro e pinturanan di kueba den bisendario di Onima na kosta ost di Boneiru.
Na aña 1499, Alonso de Ojeda i Amerigo Vespucci tabata e promé oropeonan na Boneiru. Pasobra no tabata tin oro i e tera no tabata bon pa agrikultura, e spañonan no a kere tabata nesesario pa hasi e isla un kolonia. Nan a hiba e indjannan komo katibu na Sur Amérika pa traha riba plantashi. Na aña 1526 e spañonan a introdusí bestianan doméstiko na Boneiru.
Tambe tabata tin un komunidat den bisendario di Rincon ku tabata kas di algun pirata. Mayoria hende di e komunidat aki tabata prezu.
![](https://upload.wikimedia.org/wikipedia/commons/thumb/c/c3/OLD_FORT_ORANJE%2C_KRALENDIJK.jpg/200px-OLD_FORT_ORANJE%2C_KRALENDIJK.jpg)
E spañonan a pèrdè e isla na e hulandesnan ku a invadí na aña 1633. E isla a kai bou di Wouter van Twiller, gobernador di Hulanda nobo, i bou di mandato di e West-Indische Compagnie. Nan a trese un kantidat chikitu di katibu pa agrikultura (mas tantu palu i maishi) i ganashi di salu. E katibunan ku tabata traha den saliña tabata biba den kasnan chikitu serka di nan, no mas haltu ku 2 meter. Por mira e kasnan aki ainda na Boneiru. Sklabitut na Boneiru tabata abolí na aña 1863.
Na kuminsamentu di siglo 19, Gran Britania a invadí Antia dos biaha. Na aña 1816 ora tabata disidí ku Boneiru lo keda parti di Hulanda, e hulandesnan a traha Fort Oranje na Kralendijk pa protehá e isla. E faro di e fòrti tabata trahá na aña 1868. Salu tabata e fuente mas grandi di ganashi pa e isla. E produkshon a bira asina grandi ku a traha kuater obelisko pa guia barku na e saliñanan.
Na siglo 20 a renobá e haf i a traha e aeropuerto Aeropuerto Internashonal di Boneiru. Na aña 1936 hòmbernan a haña derecho pa vota. Durante e Guera Mundial II a traha un kampo di konsentrashon riba e isla pa alemannan i nazinan hulandes enkarselá. Bou di Reina Juliana, Antias a bira un parti outónomo den Reino Hulandes na aña 1954.
Nòmber
[editá | editá fuente]Tin varios teoria di kon Boneiru a yega na su nòmber. Hopi hende ta kere ku e ta di e palabranan "bon aire" na franses, ku ta nifiká "bon airu", pero no tin ningun prueba ku esaki ta hecho. Un splikashon mas mihó ta ku e ta di e palabra Karibe "banare", ku ta nifiká algu manera "tera plat" òf "tera abou". E indjannan a kompará e tera relativamente plat di Boneiru ku e serunan haltu di Sur Amérika.
E spañónan a deskubrí ku e indjannan tabata yama e isla "Boynay". Nan a tuma e nòmber aki i despues di tempu bou di e hulandesnan, esaki a bira "Bonaire".
Un otro splikashon ta ku Bonaire ta bin di "Boy Nayil", e nòmber di e yu di e dios mayor ku tabata tin forma di un kolebra di plata. E indjannan tabata yama e isla "Boy Nayre" ku ta nifiká "kas di e kolebra di plata".
Demografia
[editá | editá fuente]Boneiru tin 25.133 habitante segun konteo riba 1 di yanüari 2024.[2][3] Na 2001 86% di e poblashon tabatin nationalidat hulandes, sinembargo solo 52% a nase na Boneiru. Ademas di personanan di otro parti di Reino Hulandes: Aruba, Kòrsou i Hulanda i di paisnan bisiña Venezuela i Colombia, tin hopi residente di Republika Dominikano, mas bien migrante ekonomiko. Gran parti di su habitantenan ta birasial, produkto di matrimonionan entre oropeo i afrikano.
Un gran mayoria di e poblashon ta katóliko (77%). Mas aleu tin un komunidat protestante chikitu i un kongregashon evangéliko kresiente (masomenos 10% di poblashon).
Polítika
[editá | editá fuente]Boneiru ta un entidat públiko di Hulanda, tambe konsiderá komo "munisipio spesial". E tabata forma parti di Antias Hulandes for di 1954 te 2010 ku e status di teritorio insular. E gobièrnu insular, yamá Entidat Publiko Boneiru òf Openbaar Lichaam Bonaire (OLB), tin su sede na Kralendijk i e gobièrnu di Hulanda na Den Haag. E teritorio di Boneiru no ta parti di Union Oropeo, sino ta posee e status asosiá di pais i teritorionan ultramar i ta miembro di OCTA.
Riba 10 di sèptèmber 2004 a tene un referèndum, unda 59% tabata ke ta parti di Hulanda. Solamente 16% tabata ke pa e situashon keda manera e ta, dus parti di Antia Hulandes.
Konseho Insular di Boneiru ta konsisti desde 28 di mart 2023 di e siguiente miembro representando:
![](https://upload.wikimedia.org/wikipedia/commons/thumb/c/c0/GOVERNMENT_HOUSE%2C_KRALENDIJK%2C_BONAIRE.jpg/220px-GOVERNMENT_HOUSE%2C_KRALENDIJK%2C_BONAIRE.jpg)
- PDB - C.C.A. Abraham, D.M.D. Crestian, R.M. Hellburg-Makaai
- UPB - S.B. Chirino-Felida, B.R. Dirksz, P.J. Kroon
- MPB - H.M. Thielman (remplasa pa C. Vrolijk), H.J.P.J.T. Wout
- M21 - D.E. Coffie.
Kolegio Ehekutivo di Boneiru, ku tin e poder ehekutivo riba e isla, ta forma pa e gezaghebber, komo presidente, i e diputadonan. Desde 26 di òktober 2023 tin un koalishon di partidonan PDB-M21-frakshon Vrolijk.
- Gezaghebber: Nolly Oleana (remplasante interino di Edison Rijna desde aprel 2023)[4]
- Diputado: Clark Abraham (PDB) - direktorado di Maneho i Sosten, direktorado di Supervishon i Mantenshon di Lei, Bienestar di animal, Asuntunan ekonómiko i turismo, maneho i deporte i asuntonan deportivo
- Diputado: Anjelica Cicilia - direktorado di Planifikashon i Desaroyo
- Diputado: Nina den Heyer (sin partido) - direktorado di Komunidat i Kuido
- Sekretario insular: Christopher Frans (remplasante di Wendy Pelk desde 1 di mart 2023)
Mira tambe: Lista di partido politiko na Boneiru
Ekonomia
[editá | editá fuente]![](https://upload.wikimedia.org/wikipedia/commons/thumb/1/1b/Bonaire_Salt_Piles.jpg/220px-Bonaire_Salt_Piles.jpg)
Salu
[editá | editá fuente]Boneiru tabata un di e eksportadornan mas grandi di salu pa Merka pa basta aña, i ta kontinuá di hasi esaki ku un sistema di ganashi di salu ku no ta hasi daño na medio ambiente. Hasta den siglo 15 hulandesnan tabata uza katibu pa gana salu, uzando e mesun método di evaporashon ku ta uzá awendia, pero na un eskala mas chikitu. Produkshon di salu ta kubri gran parti di e parti zùit di e isla, i ta manehá pa e gigante industrial Cargill.
Mira tambe artikulo prinsipal: Ekstrakshon di salu na Boneiru
Dùikmentu
[editá | editá fuente]![](https://upload.wikimedia.org/wikipedia/commons/thumb/a/a8/Bonaire_0935_%28448942535%29.jpg/220px-Bonaire_0935_%28448942535%29.jpg)
Boneiru ta konosí komo un ekselente pa sambuyamentu i ta konsiderá komo un di e mihó lugánan pa dùik i snòrkel na mundu. E sektor turístiko boneriano ta dirigí riba amantenan di dùikmentu i otro deportenan akuátiko. E isla ta rondoná pa un ref di koral ku ta fasil pa yega for di e kostanan wèst i zùit. Ademas, e kosta kompletu di Boneiru tabata deklará un santuario marino, asina preservando e bida marino. E ref di koral rònt di Klein Bonaire ta hopi bon preservá, i ta atraé dùikdó i snòrkeldó.
Banda di e bida marino, Boneiru ta famá pa su poblashon di flamingo i su santuario di buriku.
Washington Slagbaai National Park, ku ta kubri gran parti di e parti nort-wèst di e isla, ta un preservashon ekológiko. E punto mas haltu di e isla, Seru Brandaris, ta den e preservashon aki i tin un bista kompletu di henter e isla.
E laguna di Lac na e parti ost di e isla ta un lugá ideal pa windsurf.
Link eksterno
[editá | editá fuente]- Sitio ofisial di Boneiru
- Government.NL - Portal ofisial di e gobièrnu
- Bonaire-gov.an - Sitio ofisial di gobièrnu di Boneiru
- BonaireEconomy.org - Department of Economic & Labour Affairs (DELA)
- bonaire flickr.com
- Bonaire Eiland van rust
Fuente, nota i/òf referensia
|