Sèrgi IV
Sèrgi IV (vèrs 970, Roma - 12 de mai de 1012, Roma) foguèt lo 142en papa de la Glèisa Catolica dau 31 de julhet de 1009 au 12 de mai de 1012. Succediguèt a Joan XVIII (1003-1009) e foguèt remplaçat per Beneset VIII (1012-1024).
Darrier papa nomat per lo patrician Joan Crescentius que contrarotlava Roma dempuei 1001, contunièt l'òbra de sei predecessors Joan XVII (mai-novembre de 1003) e Joan XVIII (1003-1009) per evangelizar leis Eslaus. En particular, confiermèt divèrsei privilègis donats a l'evescat de Bamberg qu'èra lo centre principau dei missions dirigidas vèrs l'Èst. En parallèl, assaièt d'unir lei senhors e lei vilas italians per opausar una resisténcia eficaça còntra leis incursions dei Sarrasins installats en Sicília.