51 Pegasi b
51 Pegasi b es una exoplaneta de tipe Jupitèr caud situada a 51 ans lutz de la Tèrra a l'entorn de l'estèla 51 Pegasi. Es una planeta giganta d'au mens 0,45 massa joviana qu'orbita an aperaquí 0,05 ua de son estela.
Descubèrta lo 5 d'octòbre de 1995 dempuei l'observatòri d'Auta Provença per Michel Mayor e Didier Queloz, èra la premiera planeta trobada a l'entorn d'una estèla de la sequéncia principala e lo premier Jupitèr caud observat. Per aquela rason, maugrat la multiplicacion dei descubèrtas d'exoplanetas, 51 Pegasi b es demorada relativament famosa e es venguda lo prototipe de la classa dei Jupitèrs cauds.