Éverouic
Ch't article fut coumenchié en normaund eunifié |
Éverouic (
Éverouic ; en angleis : York) est eune ville d'Angleterre. La ville a 'té eune cité depis les tous vieurs temps.
En 71, les Romains établîtrent un guernison dans eune ville celtique qu'il appelîtrent Eboracum. Chût camp devînt la capitale de la provinche du Nord de la Bretagne Romaine. L'Empereux Hadrien visitit la ville en 121 ; l'Empereux Septimus le Sévère y mourit en 211 ; et l'Empereux Constantius Chlorus y mourit en 306. En 306 Constantîn le Grand fut proclâmé empereux du Vouêt à Éverouic.
Étymologie
[amendaer | modifier le wikicode]Auprés la queute de l'empire en Grande-Bretagne, les Saxons s'établîtrent dans la ville qu'il appelîtrent Eoforwic.
Des Vikings daneis gaffîtrent la ville en 867 et l'appelîtrent Jorvík.
Les Nouormands bâtîtrent deux châtiaux dans la ville auprés l'aveir prinse. Wace appelait la ville Everwic, ch'est chût nom qui nous a douné noutre nom de la ville achteur en normand.
Coume la capitale du Nord du Reyaume, la ville 'teit ben importante. La prospérité venait de la lainerie qui souleit yêtre la pus grande production de la région.
Les reis d'Angleterre douneient le titre de Duc d'Éverouic à leux seconds fieux (Nouvel Éverouic et York Street - La Planque Bilo - à Saint-Hélier prennent leux noms en houneur du prince, pas de la ville)
L'Archêvêque d'Éverouic est le deuxième évêque de l'hiérarchie de l'Église anglicane.
