Salorno

Salorno
by
Salorno sett frå Castello di Salorno
Land	Italia
Areal	33,13 km²
Folketal	3 766 (1. januar 2023)
Salorno 46.233333333333°N 11.2°E / 46.233333333333; 11.2
Wikimedia Commons: Salorno

Salorno (italiensk) eller Salurn (tysk) ligg ca. 30 km sør for Bolzano i den italienske regionen Trentino-Alto Adige og er den sørlegaste kommunen i Sør-Tirol. Salorno ligg ved sørenden av vinvegen i Sør-Tirol, og er ein stor vinprodusent. Delar av kommuearealet ligg i naturparken Trudner Horn.

Castello di Salorno (tysk Haderburg)

Salorno ligg i Adige-dalen (Adige eller Etsch er den største elva i Sør-Tirol og den nest største i Italia), der denne har ei naturleg innsnevring (kalla Chiusa di Salorno eller Salurner Klause). Denne dalinnsnevringen mellom Favogna (Fennberg, 1468 moh.) på høgre og Monte di Salorno (Geiersberg, 1084 moh.) på venstre dalside utgjer sørgrensa for det samanhengande tyske språkområdet. Nabokommunen Roverè della Luna er derfor reint italienskspråkleg, medan Salorno lenge var hovudsakleg tyskspråkleg. Etter italieniseringspolitikken på 1900-talet er det no eit italiensktalande fleirtal i kommunen (62 % mot 38 % tysk i 2011).

Historie

Staden har vore folkesett sidan romartida. Salorno er fyrst nemnt som Salurnis i år 580 då lombardane kjempa mot dei invaderande frankarane.

På ei kalksteinsklippe høgt over Adige-dalen ligg mellomalderborga Castello di Salorno (Haderburg). Borga blei fyrst nemnd i 1053.

Kjelder

• Denne artikkelen bygger på «Salorno» frå Wikipedia på bokmål, den 30. august 2024.

Bakgrunnsstoff

Commons har multimedium som gjeld: Salorno

• Offisiell nettstad