Margaliot

Margaliot
kibbutz
Margaliot
Land	Israel
Region	Øvre Galilea
Distrikt	Nord
Kommune	Mevo'ot HaHermon regionale kommune
Koordinatar	33°12′52″N 35°32′41″E
Folketal	427  (2009)
Grunnlagd	1951
Margaliot 33.214444444444°N 35.544722222222°E / 33.214444444444; 35.544722222222
Kart som viser Margaliot. Kart som viser Margaliot.
Wikimedia Commons: Margaliot

Margaliot (hebraisk מַרְגָּלִיּוֹת; arabisk هونين) er ein moshav i Øvre Galilea nord i Israel, ved grensa til Libanon, nær byen Kiryat Shmona. Han er ein del av Mevo'ot HaHermon regionale kommune. Margaliot vart grunnlagd i 1951 av jødiske emigrantar frå Jemen og Irak og har kring 400 innbyggjarar, dei fleste av dei jødar som stammar frå Iransk Kurdistan.

Historie

Antikken

Château Neuf krossfararborg.

Staden har vore sporadisk busett sidan jernalderen (1200-1000 fvt.) og har vore kontinuerleg busett frå kring 550 til 350 fvt. til kring 550 evt, før den sporadiske busetjinga kom til igjen i 1800-åra. Château Neuf (Nyborga), ei krossfararborg, ligg lalngs vegen fram til moshaven. Frå Château Neuf har ein utsyn mot Nimrodborga og andre borger i området.

Det britiske nadatet

Grensa mellom Syria, Libanon og Palestina kom som eit resultat av den engelsk-franske delinga av osmanske Syria etter fyrste verdskrigen. Britiske styrkar hadde rykka fram til ei stilling ved Tel Hazor mot tyrkiske soldatar i 1918 og ønskte å innlemme alle kjeldenen til Jordanelva i det britisk-kontrollerte Palestina. Etter fredskonferansen i Paris i 1919, og den uratifiserte og seinare annullerte Sèvrestraktaten, som kom etter San Remo-konferansen, strekte grensa til det britisk-kontrollerte området sseg i 1920 nord til Sykes-Picot-linja, ei rett linje mellom midtpunktet av Genesaretsjøen og Nahariya. Landegrensa mellom Palestina og Libanon vart endeleg fastsett av Storbritannia og Frankrike i 1923, i samsvar med Lausannetraktaten, etter Storbritannia hadde fått eit League of Nations mandat for Palestina av Folkeforbundet i 1922.

I april 1924 vart Hunin og seks andre landsbyar, og kring 20 andre busetnader, overført frå Det franske mandatet for Libanon til Det britiske mandatet for Palestina av Frankrike. Hunin var ein sjiamuslimsk landsby med 1620 innbyggjarar i 1945. Eit Palmach-raid i mai 1948 førte til at mange av innbyggjarane flykta til Libanon, medan 400 var att i landsbyen. Under eit møte i august 1958 møtte mukhtarane i Hunin og andre sjialandsbyar jødane i kibbutzen Kfar Giladi for å prøve å få i stand ein fredsavtale med staten Israel. Dei lovde å bu som lojale borgarar og si frå seg tanken om å verte arabarar. Avtalen kom ikkje til, sjølv om han hadde støtte hos minoritetsminsiteren Bechor-Shalom Sheetrit. I august vart fleire innbyggjarar tvungen på flukt frå Hunin av IDF. Den 3. september 1948 raida IDF landsbyen og sprengde 20 hus i lufta, tok livet av sonen til mukhtaren og 19 andre, og dreiv bort dei attverande landsbybuarane.

Staten Israel

Margaliot vart grunnlagd i 1951, av jødiske emigrantar frå Jemen og Irak, der den sjia-muslimske staden Hunin låg og som var bygd opp av krossfararar. Moshaven vart namngjeven etter Chaim Margaliot Kalverisky, som leia Den jødiske koloniseringssameininga i Galilea tidleg på 1900-talet., og som deltok i opprettinga av fleire jødiske busetnader i området. I 2006 vart 230 innbyggjarar frå Margaliot evakuerte til Neve Hadassah ungdomslandsby nær Netanya på grunn av Katyusha-rakettar frå Libanon.

Kjende innbyggjarar

• Yossi Sarid

Kjelder

• Denne artikkelen bygger på «Margaliot» frå Wikipedia på engelsk, den 13. juli 2014.
  • Wikipedia på engelsk oppgav desse kjeldene:
• Hadawi, Sami (1970), Village Statistics of 1945: A Classification of Land and Area ownership in Palestine, Palestine Liberation Organization Research Center 
• Khalidi, Walid (1992), All That Remains: The Palestinian Villages Occupied and Depopulated by Israel in 1948, Washington D.C.: Institute for Palestine Studies, ISBN 0-88728-224-5 
• Morris, Benny (2004). The Birth of the Palestinian Refugee Problem Revisited. Cambridge University Press. ISBN 978-0-521-00967-6.