Jim Sherwood

Jim «Motorhead» Sherwood
Fødd	8. mai 1942
Fødestad	Arkansas City, Kansas, USA
Død	25. desember 2011 (69 år)
Fødenamn	Euclid James Sherwood
Alias	Euclid James Motorhead Sherwood, Jim Motorhead Sherwood, Larry Fanoga, Ed Fanoga
Opphav	Los Angeles, California, USA
Aktiv	1957–2011
Sjanger	eksperimentell rock, kunstrock, jazzfusion, doo-wop
Instrument	Baryton-, sopran- og tenorsaksofon, tamburin, vokal, gitar
Tilknytte artistar	Frank Zappa, The Mothers of Invention, Ruben and the Jets
Plateselskap	Verve, Bizarre, Rykodisc, Barking Pumpkin
Verka som	musikar, saksofonist, komponist

Jim «Motorhead» Sherwood (8. mai 1942–25. desember 2011) var ein amerikansk rockemusikar som var kjend for å spele sopran-, tenor- og barytonsaksofon, tamburin, vokal og vokale lydeffektar med Frank Zappa i Mothers of Invention. Han var med på alle dei origionale Mothers-albuma og dei 'posthume' utgjevingane Burnt Weeny Sandwich og Weasels Ripped My Flesh, i tillegg somme Zappa-album. Han var òg med i filmane 200 Motels, Video from Hell og Uncle Meat.

Biografi

Sherwood var fødd i Arkansas City i Kansas. Han og Zappa møtte kvarandre på vidaregåande skule i 1956. Sherwood gjekk i klasse med bror til Zappa, Bobby, som introduserte dei to for kvarandre etter broren oppdaga at Sherwood samla på bluesplater. Sherwood spelte i det første bandet til Zappa, R&B-gruppa The Black-Outs, og var ofte høgdepunktet på konsertane deira.

Sherwood og Zappa spelte sidan i lag i Ontario, i rock'n'roll/R&B-gruppa The Omens. Sherwood spelte òg med the Blackouts i 1957-1962 og The Village Inn Band i 1965. Sherwood gjekk ut frå Berklee College of Music i Boston. Etter at det første ekteskapet til Zappa var i ferd med å ende i 1964, kjøpte den lokale produsenten Paul Buff sitt Pal Recording Studio, og kalla det «Studio Z», og han og Sherwood budde i studioet ei tid. Sherwood vart først med i The Mothers of Invention som scenearbeidar og utstyrsansvarleg, og medverka òg med lydeffektar (ved hjelp av både stemma og saksofon) på det første albumet deira, Freak Out! i 1966. Han vart heiltidsmedlem av gruppa då gruppa budde ved Garrick Theater i 1967, der det framtidige bandmedlemmet Ruth Underwood, som då sat i publikum, hugsar at «det var somme kveldar då du berre høyrte rein musikk, og andre kveldar der Motorhead snakka om å fikse bilen sin, med Jim Black sin trommerytme i bakgrunnen».

Zappa avslutta det originale Mothers i 1969. Sherwood var ein av fleire medlemmar som skule spele med han i seinare år og er med i 1981 på You Are What You Is, plateboksen Läther og det siste albumet Zappa gjorde ferdig før han døydde, Civilization Phaze III. I 1971 var Sherwood med i filmen 200 Motels som Larry Fanoga. I 1973 spelte Sherwood på For Real!, det første albumet til doo-wop-gruppa Ruben and the Jets frå Los Angeles. Zappa hadde gjeve dei løyve til å nytte namnet frå den fiktive gruppa si. Sherweood produserte plata og medverka med arrangement, og song songen «If I Could Only Be Your Love Again». Allmusic skriv at plata har «vakre parti med saksofon» av Sherwood og Robert «Buffalo» Roberts. Ruben and the Jets turnerte som oppvarmingsband for Zappa på Vestkysten i 1972 og produserte eit album til, men slutta etter at frontmannen Rubén Guevara fekk tilbod om solokontrakt i midten av 1970-åra. Det var økonomiske vanskar og Sherwood meinte at gruppa spelte «for mange gratiskonsertar og ikkje noko betalkonsertar».

Kallenamnet «Motorhead» vart gjeven av eit anna Mothers-medlem, Ray Collins, som merka at Sherwood alltid verka å fikse bilar, lastebilar eller motorsyklar, og sa «det høyres ut som du har ein liten motor i hovudetË. Sherwood vert stundom òg tilskriven med alter egoet sitt «Larry Fanoga» eller som «Fred Fanoga».

I seinare år medverka Sherwood på forskjellige prosjekt i lag med Mothers-medlemmar, som innspelingar av The Grandmothers, Mothers-klaverspelaren Don Preston, Ant-Bee og Sandro Oliva.

I desember 2011 vart Sherwood særs sjuk og døydde juledag same månad.

Diskografi

Med the Mothers of Invention

• Freak Out! (Verve, 1966) (guest musikar)
• We're Only in It for the Money (Verve, 1968)
• Cruising with Ruben & the Jets (Verve, 1968)
• Uncle Meat (Bizarre, 1969)
• Burnt Weeny Sandwich (Bizarre, 1970)
• Weasels Ripped My Flesh (Bizarre, 1970)
• Ahead of Their Time (Rykodisc, 1993)

Med Frank Zappa

• Lumpy Gravy (Verve, 1967)
• You Are What You Is (Barking Pumpkin, 1981)
• You Can't Do That on Stage Anymore (sampler) (Rykodisc, 1988)
• You Can't Do That on Stage Anymore, Vol. 1 (Rykodisc, 1988)
• You Can't Do That on Stage Anymore, Vol. 4 (Rykodisc, 1991)
• You Can't Do That on Stage Anymore, Vol. 5 (Rykodisc, 1992)
• Civilization Phaze III (Barking Pumpkin, 1994)
• Läther (Rykodisc, 1996)
• Mystery Disc (Rykodisc, 1998)
• The MOFO Project/Object (Zappa, 2006)

Med Ruben and the Jets

• For Real! (Mercury, 1973)
• Con Safos (Mercury, 1974)

Med The Grandmothers

• Grandmothers (Line, 1981)
• Lookin' Up Granny's Dress (Rhino, 1982)
• A Mother of an Anthology (One Way, 1993)

Med Ant-Bee

• Snorks & Wheezes (K7, 1993)
• The @x!#*% of.... (K7, 1993)
• With My Favorite «Vegetables» & Other Bizarre Muzik (Divine, 1994)
• Lunar Muzik (Divine Records, 1997)
• Electronic Church Muzik (Barking Moondog, 2011)

Med Don Preston

• Vile Foamy Ectoplasm (Muffin, 1993)

Med Sandro Oliva

• Who the Fuck Is Sandro Oliva?!? (Muffin, 1995)

Filmar

• 200 Motels (1971)
• Video from Hell (1985)
• Uncle Meat (1987)
• The True Story of Frank Zappa's 200 Motels (1989)

Kjelder

• Denne artikkelen bygger på «Euclid James Sherwood» frå Wikipedia på engelsk, den 29. mai 2014.
  • Wikipedia på engelsk oppgav desse kjeldene:

Bakgrunnsstoff

• Jim Sherwood ved Allmusic
• Euclid James «Motorhead» Sherwood ved The Internet Movie Database (IMDb)
• Jim Sherwood-diskografi på Discogs