Evrytanía
| Periferieininga Evrytanía Περιφερειακή ενότητα Ευρυτανίας | |
|---|---|
| |
| Periferi | Sentral-Hellas |
| Hovudstad | Karpenísi |
| Folketal | 17 428 (2021[1]) |
| Areal | 1 869 km² Rangering 35. |
| Folketettleik | 9/km² |
| Kommunar | 2 |
| Postnummer | 36x xx |
| Retningsnummer | 22370 |
| Bilnummer | KH |
| Heimeside | www.evrytania.gr |
Periferieininga Evrytanía (gresk Περιφερειακή ενότητα Ευρυτανίας, Periferiakí enótita Evrytanías) er ei periferieining i Hellas. Ho er ein del av periferien Sentral-Hellas og hovudstaden i periferieininga er Karpenísi.[2] Periferieininga vart oppretta som eit prefektur i 1947 ut av Etoloakarnanía. Ho består nesten berre av fjell, inkludert Tymfristós og Panetolikó i sør. Av elvar finn ein mellom anna Akhelóos i vest og Agrafiótis og Mégdovas i aust, som renn ut i Det joniske havet. Periferieininga er eit av dei minst folkesette i Hellas og ei av få periferieiningar som berre nyttar eitt retningsnummer. Evrytanía grensar til Etoloakarnanía i vest, sørvest og i sør (vest for Akhelóos), Kardítsa i nord og Fthiótida i aust. Evrytanía har eit stort skisenter nær Karpenísi i Tymfristósfjella.
Administrativ inndeling
[endre | endre wikiteksten]Tidlegare var Evrytanía eit prefektur. Frå 2011 er periferieininga delt inn i to kommunar.[2]
| Periferieining | Kommune | Tidlegare kommune |
Postnummer |
|---|---|---|---|
| Evrytanía | Ágrafa | Ágrafa | 360 73 |
| Aperandía | 360 72 | ||
| Aspropótamos | 360 70 | ||
| Frangísta | 360 71 | ||
| Víniani | 360 71 | ||
| Karpenísi | Karpenísi | 361 00 | |
| Domnísta | 360 76 | ||
| Fourná | 360 80 | ||
| Ktiménia | 360 80 | ||
| Potamiá | 360 75 | ||
| Prousós | 360 74 |
Klima
[endre | endre wikiteksten]Evrytanía har ei blanding av middelhavsklima og fjellklima i dei vestlege områda og mykje av området får snø om vinteren. Sommarmånadane er derimot varme.
Historie
[endre | endre wikiteksten]Evrytanía har sitt opphav i antikken. Det vart ein del av Romarriket og seinare ein del av Austromarriket. I ein periode på 1200-talet vart det styrt av frankarane før Det osmanske riket erobra område på 1300-talet. I motsetnad til det meste av Hellas på denne tida var området rundt Ágrafa nesten heilt sjølvstyrt. Etter 400 år under osmansk styre vart Evrytanía igjen ein del av Hellas etter den greske sjølvstendekrigen. Økonomien betra seg med jordbruk, men landsbyane var framleis fattige. Området vart råka av den andre verdskrigen og seinare av den greske borgarkrigen. Mot slutten av 1940-talet vart det fred i området og økonomien blømde, sjølv om innbyggjartalet i landsbyane minka. Området fekk elektrisitet, radiokommunikasjon, motortransport og betre vegar i 1950-åra.
Byar og tettstader
[endre | endre wikiteksten]Dei største byane og tettstadene i periferieininga er:
| Tettstad | Kommunaleining | Folketal 2011[3] | Folketal 2021[1] |
|---|---|---|---|
| Karpenísi | Karpenísi | 7 183 | 6 655 |
| Dytikí Frangísta | Ágrafa | 355 | 313 |
| Fourná | Karpenísi | 298 | 304 |
| Raptópoulo | Ágrafa | 327 | 279 |
| Granítsa | Ágrafa | 371 | 262 |
Referansar
[endre | endre wikiteksten]- ↑ 1,0 1,1 Folketeljing 2021
- ↑ 2,0 2,1 Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023 - ↑ Folketeljing 2011, revidert
Kjelde
[endre | endre wikiteksten]- Denne artikkelen er basert på ei omsetjing av artikkelen Evrytania frå Engelsk Wikipedia .