Elafónisos

Elafónisos Lokalt namn Ελαφόνησος
Geografi
Stad	Det joniske havet
Koordinatar	36°29′N 22°57′E
Øygruppe	Dei joniske øyane
Areal	19 km²
Administrasjon
Land	Hellas
Periferi Periferieining	Peloponnes Lakonía
Største busetnad	Elafónisos (743 innb.)
Demografi
Folketal	898 (2021)
Folketettleik	47,3 /km²

Elafónisos (gresk Ελαφόνησος) er ei øy i Hellas og Dei joniske øyane mellom Peloponnes og Kýthira. Ho dannar ein eigen kommune i periferieininga Lakonía i periferien Peloponnes.

Elafónisos har eit areal på om lag 19 km². Øya ligg like utanfor kysten av Kapp Maléa, og om lag 6,5 km mot aust ligg Neápoli i kommunen Monemvasiá. Om lag 8,5 km mot sør ligg Kapp Frágos på øya Kýthira.

Folketalet er knapt 1 000 om vinteren, men aukar kraftig i sommarmånadane. Øya er ein populær turistdestinasjon og i juli og august kan opp mot 9 000 turistar vitje øya dagleg. Mange kjem her på grunn av dei lyse fargene, sandstrendene og sørenden av øya. Dei to største strendene på øya er Símos og Panajía Nisiá.

Øya eig 3 km² med land på fastlandet, som hovudsakleg består av stranda Poúnda. I dag er ho den einaste busette øya som høyrer til Peloponnes. Det er gjort nokre arkeologiske funn på øya og i vatnet rundt.

Namnet på Elafónisos har sannsynlegvis historisk opphav og tyder «hjortane si øy».

Historie

I antikken var Elafónisos ei halvøy med namn Ónou Gnáthos.

Øya vart busett med dagens busetnad i 1850, og nokre år seinare vart ho ein del av Hellas.

Byar og tettstader

Byane og tettstadene i kommunen er:

Tettstad	Folketal 2011	Folketal 2021
Elafónisos	816	743
Káto Nisí	156	91
Kapári	37	35
Poúnda	17	23
Lévki	15	6

Bakgrunnsstoff

• Elafonisos

Kjelde

• Denne artikkelen er basert på ei omsetjing av artikkelen Elafonisos frå Engelsk Wikipedia .

Simos