Dengfeng
| Dengfeng | |
|---|---|
 | |
| Styresmakter | |
| Land Provins |
Folkerepublikken Kina Henan |
| Geografi | |
| Flatevidd | 1 216,83 km² |
| Flatevidd - By |
1220 km² |
| Innbyggjarar[1] - By - folketettleik |
630,000 516,4/km² |
| Koordinatar | 34°27′19″N 113°1′31″E / 34.45528°N 113.02528°E |
| Tidssone | UTC + 8 (UTC+8) |
| Diverse anna | |
| Heimeside: https://dengfeng.gov.cn | |
Dengfeng er eit byfylke i provinsen Henan i det sentrale Kina med om lag 630 000 ibuarar (overslag 2005).[1] Eit stort aluminiumssmelteverk ligg i byen.
Byen ligg ved Song Shan, eit av dei fem heilage fjella i Kina. Dette er eit historisk viktig område ved den nedre delen av Huang He-elva, mellom storbyane og dei historiske hovudstadene Luoyang og Zhengzhou.
Verdarvstad
[endre | endre wikiteksten]I 2010 tok UNESCO fleire stader i Dengfeng med på verdsarvlista si under tittelen «Historic Monuments of Dengfeng in 'The Centre of Heaven and Earth'».[2] Verdsarvstaden omfattar fleire historiske portar, tempel, eit konfutsiansk akademo og Gaocheng-observatoriet:[2]
- Gaocheng astronomicske observatorium
- Huishan-tempelet
- Qimu Que-porten
- Shaolinklosteret med sin pagodeskog
- Shaoshi Que-porten
- Songyang-akademiet
- Songyuepagoden
- Taishi Que-porten
- Zhongyuetempelet
- Fawangtempelet
Det zen-buddhistiske klosteret Shaolin
[endre | endre wikiteksten]Dengfeng er vidkjend for si historiske rolle i utviklinga av den kinesiske kampsporten wushu (betre kjend som kung fu), ettersom det buddhistiske Shaolin-tempelet ligg i dette distriktet (berre 13 km nordvest for byen). Munkeklosteret Shaolin er òg kjent som fødestaden for zen-buddhismen. Zen-buddhismen er i dag særleg utbreidd i Japan.
Det astronomiske observatoriet Guanxing Tai
[endre | endre wikiteksten]Om lag 15 km sørvest for Dengfeng ligg det astronomiske observatoriet Guanxing Tai på tempelanlegget Zhougong Miao. Dette er det eldste observatoriet av sitt slag i heile Kina. Det noverande observatoriet går attende til 1276, men det var observatorium her heilt attende til dagane åt Zhou-dynastiet.
Astronomen Guo Shoujing (1231–1314) konstruerte observatoriet i 1276, i byrjinga av Yuan-perioden. Observasjonene herifrå bidrog til å setja Guo Shoujing i stand til å utvikle ein kalender som samsvarar godt med dagens gregorianske kalender. Berekninga hans av den tida det tek jorda å gå kring sola bomma med berre 26 sekund.
Kjelder
[endre | endre wikiteksten]- ↑ 1,0 1,1 Introduction to Dengfeng Arkivert 2007-10-22 ved Wayback Machine., official website of Dengfeng Government, vitja 12. april 2008.
- ↑ 2,0 2,1 «Historic Monuments of Dengfeng in "The Centre of Heaven and Earth». UNESCO World Heritage Centre.
- Delar av denne artikkelen bygger på «Dengfeng» frå Wikipedia på engelsk, den 6. juli 2018.