Maronna d''a Neva

"Maronna d''a Neva" è uno d''e nomme cu ca 'a Chiesa cattoleca rivera Maria, madre 'e Giesù seconno 'o accussidditto culto 'e iperdulia.

'A storia

Nu nobbele patrizzio rummano 'e nomme Giuvanni, nzieme â mugliere, nun avenno 'e figlie, stabbelette 'e dedicà na chiesa â Vergene Maria. Na storia devozionale cunta ca 'a Maronna accumparaje a lloro 'int' suonno dint'â notte nfra 'o 4 e 'o 5 'e aùsto, nfrommannole ca nu miracolo avarria nnecato lloro 'o luoco ncoppa ca custruì 'a chiesa. Pure 'o papa, papa Liberio, facette 'o stisso suonno e 'o juorno prossimo, ghiuto ncopp'ô Esquilino, 'o trovette cuperto 'e neva. 'O papa stisso signette 'o perimetro 'e ll'adifizio e 'a chiesa fuje custruita cu 'e sorde d’’o paro, addevenenno nota comme chiesa 'e Santa Maria "Libberiana" o popularmente "ad Nives".

'A chiesa primitiva fuje abbattuta 'ind'o V seculo, asotto 'o puntificato 'e Sisto III,pe esse recostruita 'e na manera chiù sistimata, cu' 'o nomme 'e basilica 'e Santa Maria Maggiore, pe ricordo d' 'o cuncilio d' Efeso (431).

Celebbrazione

Se festeggia 'o 5 'e aùsto.

È patrona d' 'e comuni di Ascoli Piceno, Brossasco (CN), Cartigliano (VI), Celle di Bulgheria (SA, Crispiano (TA), Codroipo (UD, Cuglieri (OR), Francofonte (SR), Gazzo Veronese (VR), Giarratana (RG), Novi Ligure (AL) cu' prucissioni, fuochi d'artificio e banda musicale, Penna in Teverina (TR), Pietrabbondante (IS), Nuoro, Rovereto (TN), Torre Annunziata (NA), Sangineto (CS), Santa Maria Maggiore (VB), Susa (TO) e Zungri (VV).