ബരീനാസ്
വെനസ്വേലയെ വിഭജിച്ചിരിക്കുന്ന 23 സംസ്ഥാനങ്ങളിൽ ഒന്നാണ് ബറിനാസ്. സംസ്ഥാനത്തിന്റെ തലസ്ഥാനം ബരിനാസ് നഗരമാണ്. ബരിനാസ് സംസ്ഥാനത്തിന്റെ ഉപരിതല വിസ്തീർണ്ണം ഏകദേശം 35,200 ചതുരശ്ര കിലോമീറ്റർ ആണ്. 2015 ൽ കണക്കുകൂട്ടിയതു പ്രകാരം സംസ്ഥാനത്തെ ആകെ ജനസംഖ്യ 970,689 ആണ്.
ചരിത്രം
[തിരുത്തുക]ജോർജ് വോൺ സ്പിയർ, നിക്കോളസ് ഫെഡെമാൻ എന്നിവർ തങ്ങളുടെ ആൻഡീസിലേയ്ക്കുള്ള യാത്രാമദ്ധ്യേ വഴിയിൽ 1534 ൽ ഈ മേഖലയിൽ പ്രവേശിച്ചു.
ഭൂമിശാസ്ത്രം
[തിരുത്തുക]ബരിനാസ് സംസ്ഥാനത്തിന്റെ ഭൂരിഭാഗവും വെനിസ്വേലൻ ലാനോസിൽ സ്ഥിതിചെയ്യുന്നു. ഈ പ്രദേശത്തിന്റെ ഭൂരിഭാഗവും വളരെ ആഴമില്ലാത്ത മേച്ചിൽ പ്രദേശങ്ങൾ ഉൾക്കൊണ്ടിരിക്കുന്നതും തലങ്ങനെയും വിലങ്ങനെയും നിരവധി നദികൾ കടന്നുപോകുന്നതുമാണ്. സംസ്ഥാനത്തിന്റെ വടക്കുപടിഞ്ഞാറൻമേഖലയിൽ വെനിസ്വേലൻ ആൻഡിസിന്റെ ഭാഗമായ ഒരു പർവതപ്രദേശമാണ്. അപ്യുർ നദി സംസ്ഥാനത്തിന്റെ തെക്കൻ അതിർത്തിയായി നിലകൊള്ളുന്നു.
മുനിസിപ്പാലിറ്റികളും മുനിസിപ്പൽ ആസ്ഥാനങ്ങളും
- ആൽബെർട്ടോ ആർവെലോ ടോറീൽബ (സബാനെറ്റ)
- ആൻഡ്രെസ് എലോയ് ബ്ലാങ്കോ (എൽ കാന്റൺ)
- അന്റോണിയോ ജോസ് ഡി സുക്രെ (സോകോപോ)
- അരിസ്മെണ്ടി (അരിസ്മെണ്ടി)
- ബരീനാസ് (ബരീനാസ്)
- ബൊളീവർ (ബാരിനിറ്റാസ്)
- ക്രൂസ് പാരഡെസ് (ബറാൻകാസ്)
- എസെക്വെൽ സമോറ (സാന്താ ബാർബറ)
ഗവർണർമാർ
[തിരുത്തുക]2017 ജനുവരി 4 ന് അദാൻ ഷാവേസ് വെനിസ്വേലൻ സാംസ്കാരിക മന്ത്രിയായി സ്ഥാനമേറ്റെടുത്തതിനേത്തുടർന്ന് പകരമായി 2017 ജനുവരി 5 ന് സെനൈദാ ഗല്ലാർഡോ ബാരിനാസ് സംസ്ഥാന ഗവർണ്ണറായി സ്ഥാനമേറ്റു.[1] ആരോഗ്യ കാരണങ്ങളാൽ[2] ഏതാനും മാസങ്ങൾക്കുള്ളിൽ ഗല്ലാർഡോ രാജിവയ്ക്കുകയും 2017 ജൂണ് മാസത്തിൽ മുൻ വെനസ്വേലൻ പ്രസിഡന്റായിരുന്ന ഹൂഗോസ് ഷാവേസിന്റെ സഹോദനായ അർഗെനീസ് ഷാവേസ് ഗവർണറായി നിയമിക്കപ്പെടുകയും ചെയ്തു.[3]
അവലംബം
[തിരുത്തുക]- ↑ Globovision. "Zenaida Gallardo estará al frente de la Gobernación de Barinas". Globovisión (in യൂറോപ്യൻ സ്‌പാനിഷ്). Retrieved 2017-05-18.
- ↑ "Hugo Chávez's brother becomes governor of Barinas state". BBC News. 7 June 2017.
- ↑ "Hugo Chávez's brother becomes governor of Barinas state". BBC News. 7 June 2017.