Lengov brittonegh
Quella di lengov brittonegh l'è vuna di dò famej di lengov celtegh insular. L'è cognossuu anca 'me P-celtic, per diferenziàll del grupp di lengov goidelegh (o Q-celtic).
Se cred che 'l brittonegh el fudess la lengua parlada di Celta in Gran Bretagna (e forsi on temp anca in Irlanda e in su l'Isola de Man) prima che rivassen i Roman e poeu i Sasson.
Al dì d'incoeu esisten duu lenguagg de origin brittonega: el galles e 'l breton, ai quai ghe vann giontaa el cornovajes (che l'è dree a rinass dopo 'n period indè che l'era staa desmentegaa) e 'l cumbregh, sparii in del Medioev.
El breton l'è ona derivazion di lenguagg brittonegh parlaa de on rosc de emigrant de la Gran Bretagna, scappaa in Francia despoeu i invasion di popolazion germanegh.