Deb
deb l'è 'l formaa, e in la pupart di cas anca estension, di pacchet doperaa da Debian e di distro che vegnen dal Debian (comé Ubuntu). Dal pont de vista tecnegh on file deb l'è domà on archivi de du file tar: Vun con dent el software e l'alter cont i informazion in sui dependenz del software.
El programma per gestì i deb el se ciama dpkg, ma despess hinn drovaa di software pussee intelligent comé apt o aptitude o cont ona GUI, comé Ubuntu Software Center, Gdebi o Synaptic. I pacchett se pòden anca convertì a di olter formaa cont el software alien.