Tsjetsjenië
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Tsjetsjenië (officieel Tsjetsjeens Rippebliek; Róssisch: Чеченская республика; Tsjetsjeens: Нохчийн Республика of Noxçiyn Respublika) is 'n autonoom rippebliek (e deilgebied van Róslandj) in naordelik Kaukasië. 't Grens aan Kraj Stawropol in 't naordwèste, Dagestan in 't oeasten en 't naordoeaste, Georgië in 't zujen enne Róssische rippeblieke Ingoesjetië en Naord-Ossetië in 't wèste. Tsjetsjenieë ligk zón 100 kilomaeter van 't Kaspisch Maer aaf. DE houfstad is Grozny. In 2018 woort 't aantaal inweuners gesjatj róndje 1.400.000.
Nao 't oetereinvalle vanne Sowjetunie in 1991 woort 't Tsjetsjeens-Ingoesjetische ASSR verdeildj in 't Rippebliek van Ingoesjetië en 't Tsjetsjeens Rippebliek. In Tsjetsjenië begóste zie al rasj te vechte veure ónaafhenkelikheid. Nao d'n Ieëste Tsjetsjeense Krieg taenge Róslandj kreeg 't landj 'n de facto ónaafhenkelikheid, meh nao d'n Twieëdje Tsjetsjeense Krieg is 't Róssisch fidderaal behieër herstaldj gewore.
Saerden wuuert 't landj stèlselmaesig herboedj, mer opstenj en terräöraanvallen in Róslandj geplieëg door Tsjetsjeense rebelle kómme nag ummer veur.