Stanley Kubrick

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Stanley Kubrick (New York City New York, 26 juli 1928 - Londe Ingeland, 7 miert 1999) waor 'ne Amerikaanse filmregisseur, dee bekind steit um zien expirementele films.

Zien jäög

Kubrick greujde op in The Bronx, 'n wiek in New York City. Heer begós 'n enorm interesse veur media te kriege wie heer 'ne fotocamera kraog veur ziene twelfde verjaordaag. Heer maakde in de ganse stad foto's vaan versjèllende gebäörtenisse. Heer begós dao zoe good in te weure, tot heer op zien 16e e kontrak kraog bij 'n tiedsjrif.

Kubrick es regisseur

Wie heer wèrkde bij 't tiedsjrif, kaom heer in aonraking mèt 'n filmproducent dee 'n documentaire wèlde make vaan 10 minute. Kubrick leek dao wel gesjik veur, en heer kós aon de slag. Nao 'n paar aander korte filmkes te höbbe gemaak (veural commercials), voond heer tot 't tied waor um 'ne fictiefilm te make, boe heer iers väöl cent veur mós spaore. Dee film woort bekans volledeg opgenómme in 't Central Park. Verassend genog woort de film in New York City 'n hit. Mèt de opbrings vaan de film kos heer ziene ierste groete film make, naomelek: Killer's Kiss. Evels waor dee film ouch 'ne lowbudget-film, mer toch hadde de groete studio's interesse getoend. Nao 1955 góng 't snel. Heer maakde bekinde films, wie: 2001: A Space Odyssey en A Clockwork Orange.

Filmlies

Day of the Fight (1951) (korte documentaire)
Flying Padre (1951) (korte documentaire)
The Seafarers (1952) (korte documentaire)
Fear and Desire (1953)
Killer's Kiss (1955)
The Killing (1956)
Paths of Glory (1957)
Spartacus (1960)
Lolita (1962)
Dr. Strangelove or: How I Learned to Stop Worrying and Love the Bomb (1963)
2001: A Space Odyssey (1968)
A Clockwork Orange (1971)
Barry Lyndon (1975)
The Shining (1980)
Full Metal Jacket (1987)
Eyes Wide Shut (1999)